رون:هو احنا بقالنا ساعة قاعدين ليه؟
إيفا:سيدريك قال اجمعكوا
باتريك:هنسرق المدرسة ولا أيه؟
كارلا:الواد ده كل مابيتكلم بيعصبني مش عارفة ليه
باتريك:شوفوا الظلم بقى شوفوا
"سيدريك بيدخل وهو غرقان مياه وحاضن البيضة"
هاري:دي بيضة التنين!
سيدريك:آه...
خدها وروح حمام ميرتل...بس أمن ع نفسك الأول أنا هربت منها بالعافية
هيلي:حتى الأشباح ياحزنك ياهيلي
باتريك:مجمعنا ليه بقى؟
سيدريك:فين دراكو؟
جيني:قال هيروح تدريب الكويديتش وهيجي
دراكو:بدأتوا؟
هرمايني:أهو جه على السيرة
سيدريك:أقعد أقعد
لسة جاك صح؟ هنبقى نعيد لما يجي المهم دراكو هنا
المهم احنا عايزين نقنع مدرستنا والمدرستين اللي معانا أنهم يروحوا الحفلة باقنعة تخفي وشهم
دراكو:ياخي تسلم دماغك
إيفا:ويت أنت هتعمل كده عشان دراكو يروح مع لورا الحفلة من غير مابانسي تفضحهم؟
"لحظة صمت"
إيفا:ناااااايس أنا معاكوا
سيدريك:ده العشم والله
هرمايني:بس معلش أنت نسيت حاجة
واحدة صغيرة خالص
سيدريك:أيه؟
"بتقوم تشد دراكو من شعره"
دراكو:أييييه!
هرمايني:دراكو الوحيد اللي في التلت مدارس اللي هيحضروا الحفلة لون شعره كده يعني الناس كلها هتعرفه أول مايدخل
" سيدريك بيقع على الأرض وهو حاضن البيضة"
سيدريك:دمرت كل خططي
سوزن:طب مانغير لون شعره
"كلهم بيتدوروا يبصوا لسوزن"
كارلا:فخورة بعبقريتها
"سيدريك بيقوم يتنفض"
سيدريك:دلوقتي هندخل على الجزء الصعب...
هنقنع التلت مدارس ازاي...
"حالة يأس بتخيم عليهم كلهم"
هاري:ليه مانخليش كل واحد فينا لو عنده شريك برا المجموعة يقنعه يلبس وكل واحد يقنع الهاوس بتاعه واحنا نحاول نكلم كرام وفلورا يقنعوا مدرستهم الموضوع هيبقى أسهل عليهم عشان هما الأبطال
هرمايني:دماغ دهب لو تطلعها في الدراسة بس
باتريك:هو احنا عايزين نودي لورا ودراكو الحفلة سوا ليه مش فاهم
"دراكو بياخد وضع أنا شجرة"
هرمايني:الولاد فعلًا معاتيه...
سيدريك:سيبكوا من الواد ده المهم مش عايزين لورا تعرف غير وهي في الحفلة معاه
كارلا:اشمعنا؟
سيدريك:مفاجأة مفاجأة
ومعنى كده إن لازم حد منا يوهم لورا أنه هيروح معاها وأكيد مش أنا يعني
هيلي:عشان رايح مع تشو معروفة
سيدريك:لا هو عشان أنا أخوها مثلًا يعني وبعدين أنا هروح معاكي مش مع تشو
هيلي:آه صح
"كلهم بيتنحوا"
هيلي:لحظة أيه؟؟؟؟
إيفا:مهدهلها طب مش كده حد يجبلنا مياه بسكر ياجماعة بسرعة
هرمايني:شاااايف الولاد ياللي منك لله
رون:أيه ده مين؟
هرمايني:أمي أمي يارون
جاك:شكلي أتأخرت...
هي هيلي مالها؟
سامويل:كنت فين أحنا ماعندناش
أي حصص الوقتي؟
جاك:كنت بدعي لورا تيجي معايا الحفلة
سوزن:أيه ده أنت عرفت الخطة؟
"كلهم بيبصوا لجاك"
سوزن:ماعرفتش الخطة...
جاك:خطة أيه؟
"هيلي بتفوق من صدمتها وبتقوم ترقع زغروطة وبعدين بتلاقيهم كلهم ساكتين"
هيلي:واضح إني فوقت في وقت مش مناسب...
إيفا:خالص...
يتبع...
بدأتوا رواية لوريانا ديجوري ولا لسة؟
أنت تقرأ
هوجوورتس الثانوية المشتركة 2
Short Storyهذه الأحداث من وحي خيالي ولا علاقة لها بالواقع ببصلة، وأي تشابه بينها وبين الواقع مقصود 🧙♀️ بعض الأحداث والشخصيات تعود حقوق ملكيتهم للكاتبة جي كي رولينج كاتبة سلسلة روايات هاري بوتر... 1/1/2022 🧹9/8/2023
