خرجو من المستشفى وراحو للفندق وبعد مرور 4ايام رجعو لفرنسا
وكانت رشا شوي تعبانه من السفر قرر مارك يسكن رشا معاه بس هيه رفضت وقفت حاول معاها حتى يقنعهى بس قبلت
بعد مرور شهرين على الحمل كانت رشا شوي تعبانه وماكانت تروح للشغل وﻻ تخرج من البيت طيلة هاي الشهرين
وفي يوم لورين راحت زارت رشا ببيبتها وكان ليث مراقب لورين حته يعرف رشا وين ساكنه و فعﻻ عرف ساكنه بشقه كبيره
وبعد ماراحت لورين راحت رشا ترتاح بفراشها دق جوالها وكان مارك ألي متصل
قاللها اني اليوم عازمج على العشاء راح اجي عليج الساعه 7ونص هيه وافقت تروح بعد ما غلقت الجوال اندق الباب
راحت تفتح الباب وكان ليث واقف على الباب هيه اتفاجأة وقالت انت كيف عرفت عنواني
قاللها اتبعت لورين وعرفت عنوانج بعدين قال ماراح اتقوليلي اتفضل
قالت اسفه اتفضل
دخل وشاف شقتها وقاللها الشقه كبيرة وحلوة
قالتلها شكرأ ألك هاي الشقه ورثتها من أمي
بعدين ضل واقف وينضر عليه هيه ارتبكت وقالتلها شنو تشرب
قاللها شكرا ماشرب شي بس اجيت اشوفج بعدين قرب منها وهيه رجعت للخلف وهوة يقرب وهيه تتراجع للخلف ال ان انصدمت بلحايط
هوة قرب منها وصارت انفاسهم مختلطه هيه كانت تتمنه هاي اللحظه من زمان من قبل مارك مايطلع بحياتها بس هسه هيه مرتبطه ومتكدر اتخون ألي يحبها
ليث مسك فكها وقبلها بس هيه كانت متصنمه ومابادلته القبله بعدين قبلها برقبتها وهيه كانت بس تبكي بعدين فاقت على نفسها ودفعت ليث عنه هوة حاول يرجع بس هيه راحت لباب الشقه وقالتله اطلع ارجوك مااريد ارجع احبك
قاللها معنى كﻻمج انتي نسيتيني وبعد ماحبيتيني مثل قبل
قالتله مارك حبني واني احبه وانته طلعت من حياتي من زمان ومافكرت بعد بيك
هوة هز راسه بالنفي وقال انتي اتكذبين انتي لسه اتحبيني ومانسيتيني
قالت اني نسيتك والدليل اني حامل من مارك
قال مستحيل اصدق انتي نسيتيني
هيه انهارت من البكي وقالتله اطلع اني اكرهك اكرهك
ليث خرج من الشقه وهيه غلقت الباب وقعدت خلف الباب تبكي بس ليث كان واقف خارج الشقه ويسمعه تبكي
راح وكان حزين وهموم الدنيا كان شايلها على اكتافه راح يتمشى الى ان صار الليل بعدها شاف بار دخل أله
عند رشا بعد ماراح ليث ضلت تبكي وتقول اني مستحيل انساك وانهارت بعدين حاولت اتقوم تروح للحمام حست بدوخه قويه وسقطت على اﻻرض وضلت مغمي عليه الى صار الليل
مارك كان يتصل عليه وماكانت اترد قلق عليه وراح بسرعه لبيتها دق الجرس وماردت حاول يكسر الباب بعد عدة محاوﻻت كسرها
دخل عليه لقاها واقعه على اﻻرض وكان دم حوليها
هوة انصدم وراحلها يفيقها بس مافاقت حملها واخذها للمستشفى دخل بيها لقسم الطوارئ
دخلوها ومنعو من الدخول كانت كﻻ مﻻبسه دم
كان خايف عليه وعﻻى الطفل
بسرعه اتصل على لورين
ولورين اتصلت على ليث حته يروح وياها
بعد مده اجت لورين ومعاها ليث وكان ليث منصدم من شاف الدم على مارك سألو شنو ألي صار
حكالهم ألي صار
ليث ماقدر يتحمل خرج بسرعه من المستشفى وصار يبكي بهستريه ويقول اني السبب
اذا صارلها شي اني ماسامح نفسي
عند مارك كان يبكي بحرقه عليه ولورين تحاول اتهدئ وبعد نص ساعه طلع الدكتور
.
.
.
ستوب .
.اعرف انو البارت قصير .وراح انزل بارتات قصيره حته اقدر انزل بسرعه
.
فوت وكومنت
الله يحقق امانيكم
