نبدأ.
.
.
.
خرج الدكتور مارك ولورين راحو بسرعه للدكتور وسألو عن حالة رشا
قال الدكتور
الجنين وامه بحاله حرجه ويحتاجلها نقل دم بسرعه ﻻنها نزفت كثير وﻻزم احد يتبرع بسرعه أله ﻻنها منعرف بأي دقيقه راح نفقدها
مارك سقط على اﻻرض وانهار من البكي
بنفس الوقت دخل ليث وشاف مارك بهاي الحاله انصدم وظن رشا ماتت
دموعه نزل مثل المطر
لورين شافت ليث يبكي استغربت وقالت ليش ليث يبكي بهاي الحاله بعدين بعدت الشك من راسها وراحت كلمت ليث وسألته عن فصيلة دمه وقالت رشا محتاجه دم بسرعه قال الدكتور
قاللها يعني رشا ماماتت قالت ﻻ بس مارك منهار عليه وفصيله دمه مطابق فصيلة دم رشا
قاللها اني فصليتي مثل فصيلتها
استغربت ورادت اتسأله انت شنو عرفك عن فصيلته بس الدكتور طلع وراحت بسرعه وقالت دكتور شنو وضعها مااتحسنت
قاللها مع اﻻسف فقدت الجنين
قالت ارجوك دكتور لتخبر اخي بالموضوع ﻻنه منهار واخاف يحدث أله شي ﻻن هوة عنده قصور بالقلب واخاف عليه من اي صدمه
قاللها مو مشكله اني اعرف شلون ادبر الموضوع قالتله دكتور ليث خطيبي فصيلة دمه تشبه فصيلة دم رشا ويريد يتبرع أله دم
قاللها خلي يدخل لغرفة العمليات ﻻنه محتاجين يتبرع أله مباشرة
راحت قالتله وهوة دخل الغرفه ألي بيه رشا
ونام بالسرير ألي جنبها وبقى ينظر أله وماعرف كيف الوقت مر دخل الدكتور وقاله شكرا ﻻنك اتبرعت بدمك أله وهسه ﻻزم تروح تدخل لغرفه استراحه المرضى علمود ترتاح ﻻنه اخذنا من عندك دم زياده
خرج ليث وكانت لورين جالسه على الكرسي
شافت ليث وقامت مسكته والممرضه دخلته للغرفه وحطتله سيروم
مارك كان نايم بالسرير ألي جنبه ﻻنه تعب شوي واغميه عليه
الساعه 9.00
صحى ليث من النوم مالكه لورين وﻻ مارك
يسرعه قام من السرير وراح يشوفهم
شاف لورين حاضنه مارك وتهدئ
راح سألهم شنو ألي صار ليش مارك يبكي
غمزتله وقالتله اطلع واني شوي وجايه
راح ليث خارج المستشفى وجلس على احد المقاعد وبعد شوي اجت لورين وجلبت معاها عصير وسندويش علمود ليث ياكل
قاللها مالي نفس أكل قالت ﻻزم تاكل وتعوض الدم الي راح منك اخذ العصير شربه
وسأله شبي مارك
قالتله امس رشا فقدت الجنين واليوم خبرت مارك
ليث من سمع سقط الكوب من ايده وكان منصدم
انتبهت لورين وقالت ليش انصدمت بعدين قالتله انته ليش مهتم هلكد برشا اني انتبهت ألك كيف كنت تبكي وحزين وانصدمت من سمعت خبر سقوط الجنين وكأنك انته زوجها
قاللها وﻻ شي بس اني مهتم ﻻنها وحده من العائله وهذا واجبي اوقف جنبكم واحزن لحزنكم وﻻ انتي شنو رأيج لو انتي حاسبتني شخص غريب فأني راح اروح للبيت
قالتله ﻻ مو قصدي بس
قاللها بﻻ بس اني وقفت جنبكم علمودج انتي
هيه خجلت من كﻻمه وتأسفت من عنده
هوة حظنها وقبل راسها وبعدين قاللها روحي للبيت ارتاحي واني اضل جنب مارك انتي تعبتي
هزت راسها بأيجاب وراحت لمارك قالتله اني اروح للبيت اغير مﻻبسي وارتاح شوي وارجع
هوة مارد عليه بس هز راسه
راحت لورين
بعد ساعه ليث دخل جلس جنب مارك وقاله
تعال نروح نتغده قاله روح انته اني موجوعان قاله مستحيل متاكل انته ﻻزم اتكون قوي علمود اتوقف جنب رشا ليث سحب مارك من ايده وراحو لمطعم المستشفى جلسو اتغدو وبعد مده رجع مارك راح لرشا
طلع الدكتور
راحله مارك وليث بسرعه وقالو طمنا دكتور شنو وضع رشا
قال الدكتور اتحسنت شوي وراح ننقلها للغرفه علمود تقدرون اتشوفوها
مارك وليث فرحو وليث قال لمارك الحمدلله على سﻻمتها مارك اتشكر من ليث وقاله شكرأ ألك انته انقذتها بدمك لوﻻك كانت ماتت
قاله لتقول مثل هذه الكﻻم احنه عائله وحده
بعد نص ساعه طلعو رشا وكانت نايمه ودخلوها للغرفه وحملوها على السرير وخرجو الممرضين دخل مارك ومسك ايد رشا وقبلها وقاللها لوفقدتج ماعرف شنو راح يصير ألي ليث كان واقف بالباب ويشوف مارك كيف يبكي ويقبل ايد رشا
بسرعه طلع ماقدر يشوف المنظر اشتعلت نار الغيره بقلبه ومااستحمل بعد يشوف مارك جنب رشا
بعد كم يوم طلعت رشا
