اعتذر منكم لان ماقدرت اكمل البارت هذاك الي قبله لان كنت كاتبته ونشرته بدون ما اكمله كنت داخله مستشفى لاني سقطت طفلي المهم انكمل البارت الاخير
مرت عدة ايام وصار وكت العرس بقى يوم واحد عن الزفاف كانت رشا دايمأ سرحانه وتفكر ب ليث وبنفس الوقت اتفكر ب مارك
دخل مارك على رشا وهيه كانت اتغير ملابسها
حبيبتي انتي جاهزه هزت راسها بدون مترد عليه جلس على السرير يتصفح بالمجله وهيه كملت لبس وقالت اني جاهزه ونزلت قبله هوه نزل وراها اخذ الحقائب علمود يرحون للفندق لان الزفاف يصير بالفندق
طول الطريق ورشا حاطه راسها على الزجاج وسرحانه مارك كان ملتهي يتصفح بالايباد بعدين رن جواله شاف المتصل سيلين بسرعه غلق الجوال ورجع يتصفح الايباد رشا سألت منواتصل عليك. بدون متحرك راسها. قاللها من الشغل اتصلو
عدلت جلستها ونظرت على مارك وقالت رد عليهم يمكن شي مهم
قاللها لا ماكو شي مهم وبعدين ماريد اشغل بالي بالشغل عندي شي اهم الشغل. وهوه انتي اهم شي عندي
ابتسمت ببرود وحطت راسها على كتفه وقالت مااريدك اتخوني في يوم ولا تكذب عليه ابد لان راح نبدأ حياة جديده ونترك الماضي ورانه وننسى كلشي ونبدأ صفحه جديده
قبله براسها وقال اكيد راح انعيش سعداء وماراح ازعلج ابتسمت وهوه قبله على شفايفه ورجعت راسها على كتفه وقالت بقلبها وداعا ياليث من اليوم راح انساك وانسه كلشي صار بيناتنه. ونزلت دمعه من عينها
وصلو الفندق وكانت الصحافه موجوده نزلت من السياره مارك مسك ايدها ودخلوللفندق استقبلهم مدير الفندق وبعض الموضفين بالفندق وصلوهم لجناحهم دخلت رشا رمت نفسها على السرير دخل مارك وراح نام جنبها قبلها برقبها انزعجت وقالت تعبانه اريد انام وبعدت عنه شوي ونامت مارك انزعج من تصرفها وخرج من الغرفه نزل لحديقة الفندق وجلس على احد المقاعد كان سرحان وحس بأيد على عنيه وقبله على خده وقالت مشتاقلك
فتح عينه شاف سيلين وقف بسرعه قاللها شسوين هنا ليش اجيتي هنا انتي اتراقبينه
ضحكت بصوت عالي وقالت شنو انته نسيت باجر زفافك ونص موضفين الشركه باجر يحظرون بس اني قلت احظر اليوم لان ماعندي شغل بالشركه
قربت لمارك وقالت اني اليوم منتظرتك بغرفتي لان اليوم اخر يوم الك وانت اعزب
قال ماراح اجي لان امسوي حفله لرشا باليل مفاجاة
سيلين عصبت وقالت اني راح انتضرك والا اخرب عليك كلشي سويته بس اليوم احضر وباقي الايام اقضيه جنب رشا مارد عليه وراح دخل للفندق هيه ضلت جالسه بمكانها وتضحك.
صار الليل صحت رشا من النوم لقيت مارك نايم جنبها وينظر لوجها. ابتسمت وخجلت منه قال مساء الخير طولتي بالنوم صار اليل وانتي تاركتني ونايمه ضحكت وقالت كنت تعبانه كلش ماحسيت بنفسي الا وانا نايمه قال وهسه انتي مرتاحه ابتسمت وهزت راسها قاللها عندي مفاجأة الج روحي البسي وتعالي قامت من السرير سحبها من ايدها وسقطت عليه قال قبل مترحين اريد منج شي قالت شنو تريد قبلها برقبتها نزلها من عليه وصار هوه فوكاها قتح ازرار قميصها وقبلها ٠٠٠٠٠٠٠٠٠٠
٠٠٠٠٠٠٠٠
بعدين خلصو وراحت للحمام تغسل لقت البانيو مليان ماي واوراق ورد وشموع دخل عليه مارك قال عجبك قالت هيه هاي المفاجأة قال لا راحت حظنته حيل وقبلته واخذته وياها ودخلو البانيو هوه نام وهيه نامت عليه بعدين خرجو من الحمام لقت علبه كبيره راحت فتحتها لقت بيه فستان سهره فرحت وقال شو عجبج قالت اي عجبني كثير
راحت شسورت شعرها وحطت ميك اب ولبست الثوب ومارك لبس وحطت ايدها بأيد مارك وخرجو من الغرفه نزلو لقت حفله كبيره اول مانزلو من الدرج الكل صار يصفق هيه ابتسمت وضلت خجلانه نزلو وقاللها كل عام وانتي بخير اليوم عيد ميلادج جابو الكيكيه وعليه صورتها هيه طايره من الفرح وقفت يم الكيكيه وغمت عيونها اتمنت امنيه وفتحت عيونها وطفت الشموع الكل كام يصفق قطعت الكيكه وراحو جلسو اجت سيلين صافحت رشا بس رشا كانت غضبانه منه عطتها هديه وراحت جلست جنب مارك وره مده حظر ليث وسلم عليهم هيه كانت مصدومه وبعيونها اشتياق لشوفته مسك ايدها ونفس القشعريره سرت بجسمها وكأنها اول موه تلمس ايده نست نفسه وهيه تنضر لعيونه وهوه ايضا ينضر لعيونها
مارك ماكان منتبه لرشا ولا لليث لان كان عنده اصدقاء عمل مهمين يتكلم وياهم بعدين انتبهت لنفسها سحبت ايدها بسرعه من ايده قاللها كل عام وانتي بخير ابتسمت وقالت شكرا لحظورك انطاها هديه وراح جلس بعيد عنها جلست وكانت وحدها اتشوف الكل يظحكون ويتكلمون بس هيه وليث عيونهم متلاقيه ماتفارقت هوه ينظرلها من بعيد وهيه هم تنظرله ظلت جالسه وحدها انتبهت لمارك كان واقف. وي كم رجل وسيلين كانت واقفه جنب مارك ليث انتبه على الموقف وضل يراقب سيلين وشلون سيلين تتكلم وي مارك رشا ملت من جلستها وحدها قررت تخرج للحديقه جلست على الكرسي وضلت تنظر للنجوم وفجأة حست دموعها تنزل بدون ارادتها اتذكرت امها وقالت ياريتك يا امي كنتي موجوده اليوم وياي لان محتاجتج جنبي بهذه الوقت
حست بأيد على خدها وقال امك الان تنظر الج ومبتسمه الج وتسمعج وهيه دايما جنبج حظنته ليث وبكت وقالت ياريت اقدر اشوفها ولو لمره وحده حظنها ليث بقوه وقال لتبكين دموعج غاليه عليه واني اسف على كل شي بعدت وقالت ليش تتأسف راد يتكلم. سمعت صوت مارك يناديها ليث بسرعه راح وره الشجره راحت رشا لمارك قال ليش جالسه هنا قالت مليت شوي من الاجواءداخل قلت اخرج شوي اشم هواء نقي من الحديقه. نظر لعيونها وقالت ليش تبكين. قالت ولا شي بس اتذكرت امي شوي ودمعت عيوني قال امشي ندخل شوي الجو برد استغربت من تصرفه المفروض يحضنها ويواسيها شوي ويقبلها بس ما ابدا اي اهتمام دخل قبلها وهيه مشت وراه رجعت دارت وجها ناحية ليث اتريد اتشوفه وين راح بس ماشافته لان هيه كانت بالضوء وهوه بالظلمه كان مختبأ وينضر الها وشاف الي صار حس بقلبه انعصر عليه دخلت رشا وره مارك لقته جالس على البار يشرب راحت جلست جنبه قاللها اطلبلج شي تشربي قالت اريد فودكا. طلب فودكا وضلت تشرب الى ان سكرت بعد متحس بنفسها مارك حملها واخذها للغرفه ورجع للبار شاف سيلين كاعده منتظرته ليث كان يراقب ويشوف كلشي سيلين ومارك صعدو سوه للغرفه لحقهم ليث يريد يشوف وين يرحون شاف مارك دخل لغرفة سيلين وكان على باب الغرفه يقبل سيلين بأشمئزاز دخلوالغرفه وليث راح لغرفه رشا دق الباب بس محد رد عليه راد يفتح الباب بس ماقدر اتعدت وحده عاملة النظافه. سألت سيدي محتاج مساعده. اتردد بالاول بس بعدين قال ضيعت مفتاح الغرفه. قالت مو مشكله سيدي فتحتله الباب بالكارت الي عدها. وراحت شكرها ودخل للغرفه شاف رشا نايمه على السرير بملابس النوم بس بدون غطاء راح جنبها بس ما لمسها بعدين مسكت ايدها وقبلها وغطاها وخرج من الغرفه ثاني يوم الصبح صحت رشا لقت مارك نايم على الكنبه بملابسه ماغيرهن صحته وقالتله اصحى نروح نفطر ورانه شغل كثير قاللها روحي انتي واني شوي انزل وراكي اريد ادخل اغسل واغير ملابسي قالت اوك بس لا تتأخر
نزلت لصالة الفندق وراحت للقاعه علشان اتشوف تحظيرات الزفاف
دخلت القاعه شافت لبث جالس على الكرسي وكان يهز برجله بسرعه وكأنه منتضر مارك او رشا
رشا استغربت من تصرفه وراحت كلمته
صباح الخير ليث
رد عليه اهلا رشا صباح النور
قالت شنو صاير شي اشوفك وضعك موطبيعي
قاللها صحيح في شغله مهمه لازم اتعرفيه
قالت شنو هيه
قال رشا مارك يخونج
هيه انصدمت وقالت شلون عرفت يخوني
قال امس شفته دخل لغرفه سيلين من بعد ما انتي سكرتي وفقدتي الوعي
رشا ارجوكي لتتزوجي اتركي
هيه ضحكت وقالت انته اكيد تريد تبعدني عن مارك واتهمته بلخيانه علمود اتركه وارجع الك ابتعد عني وماريد اشوفك مره ثانيه اليوم راح يكون زواجي من شخص يحبني واحبه وماراح افسد هذه اليوم بكلام تافه مااله وجود
بعدين خرجت تركض من القاعه وهيه معصبه
راحت خارج الفندق للحديقه وكعدت تبكي
خرج مارك من الغرفه وراح للقاعه شاف الخدم يحضرون التجهيزات وقربو يخلصون خرج للحديقه شاف رشا كاعده تبكي راح حظنها من الخلف وقاللها ليش تبكين حبيبتي
قالت ولا شي بس اشتاقين لامي وكنت اتمنه تحظر هذه اليوم معي
قبلها براسها وقال ولا يهمج يله نروح ندخل لان الكوافير منتضر حته يجهزج
واني هم اروح اتجهز هذه اهم يوم بحياتنه
هيه ابتسمت وهز راسها
حظنها ودخلو للفندق
كل هذه الي صار كان ليث واقف من بعيد ويشوفهم ودموعه تنزل بدون ميحس على نفسه
