نادين:ايوا ياطنط،ازيك عامله ايه
فاطمه:الحمدلله كويسه،فيه حاجه يانادين عشان انا في الشغل
نادين بتوتر:بصراحه انا متردده اقول لحضرتك
فاطمه بقلق:فيه اي يانادين قلقتيني
نادين:بصراحه انا بقالي يومين معرفش حاجه عن نازلي من ساعه ماحضرتك كلمتيني
فاطمه بصوت عالي نسبيا:نعم! اي الكلام اللي انتِ بتقوليه ده ،ازاي يعني وانتٍ ازاي تسكتي ومتقوليش من يوميها
نادين:انا اسفه والله ياطنط انا افتكرتها في مشوار ف محبتش اقلقك
فاطمه:انا هروح ابلغ الشرطه،مينفعش كده، البنت اكيد حصلها حاجه
نادين بخوف:ماشي
نادين لنفسها:الشرطه لو دخلت في الموضوع ده هنروح في ستين داهيه
............
عوده لنازلي وعلي
نازلي:انا مش خلاص وافقت علي الشغل مقعدني هنا لي
علي:مش واثق فيكي بصراحه
نازلي بعصبيه:طالما مش واثق فيا متشغلنيش يعم وسبني اروح
علي:ما انا مش واثق برضو فيكي لدرجه اسيبك تروحي،انتي دلوقتي بقيتي عرفه معلومات اكتر من الاول عن شغلنا
نازلي:لا متقلقش مش هعمل اي حاجه عشان مش عايزه اشوف وشك تاني
علي :بس انا عايز
نازلي:نعم؟
علي:قصدي يعني انا اللي هموت واشوفك تاني ولا ايه
علي العموم خلاص اول شغل هتجيبي الاسبوع الجاي
نازلي:انت عندك شيزوفرينيا؟
اه ثانيه قصدي انفصام ،اللي زيك مش متعلمين صح؟
علي بهدوء عكس ماتوقعته نازلي:واللي زيك بقا بيعلموهم في المدارس يشربو مخدرات؟
نازلي بعصبيه :انت مالك ومالي شاغل نفسك لي بيا
علي:ماهي العصبيه ديه كلها من الزفت اللي بتشربيه
نازلي:قصدك اللي مشربتوش
علي:اه قولي كده بقا عشان بقالك يومين مشربيتش اتهبلتي علينا
نازلي بتأفف:انا عايزه اروح دلوقتي حالا، ماما اكيد حست ان فيه حاجه غلط
علي:خلاص قومي اروحك
نازلي:الطبيعي اني ارفض بس انا تعبانه لدرجه مش هتكلم معاك
................
الظابط:يعني هي مختفيه من يومين وحضرتك لسه مبلغه دلوقتي!
فاطمه:كنت فكراها عند صاحبتها
الظابط بتعجب من لامبالاتها :علي العموم بنتك كبيره وبما انها بنت هاديه وملهاش عداوات، يمكن تكون مشيت بمزاجها
فاطمه:لا طبعا،نازلي متعملش كده،لو سمحت افتح محضر
الظابط:تمام،بس ردي علي الموبايل اللي ازعجنا ده يا تقفليه خالص
فاطمه:ممكن ارد اصل ده ابني الصغير
الظابط بتأفف :ياريت بسرعه،انا معنديش وقت اضيعه
فاطمه بصوت منخفض : الو يا إياد عايز ايه
إياد:نازلي رجعت ياماما وبتسأل عليكي
فاطمه:اي رجعت! رجعت ازاي طب اقفل اقفل
فاطمه للظابط:طب خلاص مش لازم نعمل محضر هي اكيد عند واحده صاحبتها
الظابط بعصبيه خفيفه:هو لعب عيال ولا ايه،اتفضلي
...........
في بيت نازلي الساعه الرابعه عصرا
فاطمه بعصبيه وصوت عالي:انتِ عايزه تفضحينا ولا ايه الشارع يقول عليكي ايه دلوقتي
نازلي: يعني انتي اللي فارق معاكي كلام الناس بس
فاطمه:مش كفايه الفضيحه اللي عملتيها من ست سنين ونقلنا بسببك،عايزه تفضحينا تاني
نازلي بعصبيه لأول مره امام والدتها:انتِ عايزه مني اي كل ما انسى تفكريني،انا قرفت من العيشه ديه
فاطمه بهدوء غريب :كنتي فين يا نازلي
نازلي:يووووه احنا هنفضل طول اليوم في السيره ديه،انا داخله غرفتي
فاطمه لنفسها:انا لازم اشوف حل معاها مش كفايه استحملتها السنين دي كلها
...........
طارق:انت خليتها تمشي كده ازاي
علي:عرضت عليها الشغل ووافقت
طارق بسخريه :يعني عملت بكلامي اهو،امال نازل تريقه عليا لي
علي:خلصنا خلاص،كنت مضطر اعمل كده
طارق:بصراحه انا مش فاهم مضطر لي وازاي،ما احنا نقدر نقتلها!
علي بصدمه:نعم نقتلها انت اهبل ولا اي هو القتل بالساهل كده
طارق بشك :جرا اي ياعلي هو القتل مش شغلتنا ولا ايه ،ده احنا بقالنا خمس سنين مع بعض مبنعملش غير القتل
علي لكي يزيل شك طارق: وانا يعني هتفرق معاها في اي ما تموت ولا تولع كل الحكايه عشان نبعد عن المشاكل ،اللي بنقتلهم كده كده مجرمين وملهمش حد يسأل عليهم
طارق:ماشي يعم
.........
طارق:ايوا انا شكيت فيه لسببين الأول لما محدش قبض علينا ولا حتى دور ورانا لما البنت بلغت والتاني انه خايف علي البنت ديه لدرجه اني عملتله فخ وعرضت عليه انها تشتغل معانا ووافق
جابر بصدمه :علي وافق ان حد يعرف حاجه عن شغلنا بالبساطه ديه
طارق:المشكله اننا حتي لو قولنا للكبير عمره ما هيصدقنا ده بيثق فيه اكتر من نفسه
جابر:سيبلي انا الموضوع ده
................
علي :انا حاسس انهم بدأوا يشكو فيا،احنا لازم نتحرك في أسرع وقت
المدير:الموضوع كله في إيديك انت ياعلي اول ما تقولنا الراجل الكبيرهيدخل مصر امتى احنا هنقبض عليه
علي:اخر مره كلمته،قالي انه قريب اوي نازل مصر عشان العمليه الجايه هي اكبر عمليه ومينفعش اي حد يعملها غيره لازم العمليه دي متتنفذش ومش هقدر ابوظها زي اخر كم عمليه
المدير:تمام
...............
أنت تقرأ
لم تكن صُدفه
Actionفتاه ترى جريمه قتل في منتصف الليل فما الذي سوف يحدث لها عندما يراها القاتل! فتاه بأسرار غامضه لكنها تعيش حياه هادئة في نظر الجميع تتغير حياتها في يوم وليله
