أشعر بأني ضائع كلما رأيت عيناكي،لمَ تربكني عيناك الى هذا الحد؟ الم ارى من قبل؟اشعر بأني كنت كفيفٌ وأبصرت علي عيناك
.......
نازلي:قبل ما تتكلم،انا مبقتش فاهمه انت عايز مني اي وبتطلعلي من كل حته لي، انت فاكر اني هبله ودخل عليا حوار الشغل والكلام الفارغ ده من الأخر انت عايز مني ايه
علي:استغفر الله ما انتي كنتي كويسه
نازلي:وانت شايفني مجنونه ولا اي
علي :هعوز منك اي يانازلي يعني
نازلي:انت كمان خدت علي اسمي وبقيت تناديني في الرايحه والجايه
علي بعصبيه خفيفه:بقولك اي انا عندي كلمتين هقولهم وامشي
نازلي:ياريت تنجز
علي:انتِ لازم تشوفيلك مكان الفتره دي وتبعدي خالص عن عين طارق
نازلي:وده لي بقا ان شاء الله
علي:هو انتِ فاكره إني لما اقولك خلاص تمام متشتغليش معانا خلاص ان الموضوع انتهى وبالبساطه ديه، لا طبعا مجرد انك شوفتينا واحنا بنقتل الراجل وعرفتي عن شغلنا حتي لو معلومه بسيطه ده في حد ذاته كارثه
نازلي ببرود عكس ما توقعه او بالأصح كان ينتظره علي:طب ما انا قدامك اهو اقتلني
علي بتعجب:لاحول ولا قوه الا بالله،ما تسكتي يبنتي وتخليني اكمل
نازلي:ما انت عارف ربنا اهو،بعدين اي شغل الروايات ده واقفه بتكلم مع مجرم وبنتساير قدام البحر ،ولسه ياما هتشوفي يانازلي والله
علي:انا هكمل ومش عايزك تقاطعيني
انا مش عايز أضرك ولو هتسألي لي وتقاطعيني فعشان انتِ ملكيش اي ذنب ، لكن طارق عارفك وعارف بيتك وانا متأكد مليون في الميه انه وصل كل اللي حصل الفتره الأخيره للرئيس ودول مش هيخافو عليكي زي
نازلي بتجاهل لكل كلامه معادا الكلمه الأخيره:زي؟ وانت تخاف عليا بتاع اي
علي:هو ده اللي اخدتيه من كلامي
نازلي:طارق ورئيسي وبتتكلم عليهم كأنهم اعدائك مش شركائك انت مستحيل تكون الشخص اللي شفته بيقتل بكل برود في نص الليل
ولا أنت عندك إنفصام؟
علي لنفسه:يخربيت كده البنت قفشتني في دقيقتين
علي:لا يستي ولا إنفصام ولا حاجه،وهما فعلا شركائي بس كل اللي بقتلهم دول او بأذيهم فهما فعلا يستاهلو الأذيه مروحتش جبت راجل من جنب عياله وقتلته كل دول قتله وحراميه بس انتِ ذنبك اي عشان تكون نهايتك زيهم
نازلي:وايش عرفك اني مش زيهم ويمكن اوحش كمان
علي وقد تذكر ماسمعه :مش عارف انتِ عملتي اي قبل كده ولا اي اللي مخليكي حزينه وبتعاقبي نفسك ، بس كل اللي اعرفه انك حد حلو يانازلي ومستحيل تأدي حد بالقصد انتِ مأذتيش الا نفسك
نازلي بتأثر من كلامه:لي شايفني حد حلو،شفت مني اي حلو. مشوفتش الا إدمان ولامبالاة بأي حاجه
علي:شفت عينك
نازلي بإبتسامه خفيفه:انت مالك ومال عيني النهرده
علي بأبتسامه :مش عارف
وأنتهي اللقاء بعد ما اخبرته نازلي بأنها ستحاول البقاء عند صديقه لها لفتره
........
نازلي لنفسها:اي الغباء ده ازاي اقول اني هفضل عند واحده صاحبتي ماهو واحد منهم، ثم أبتسمت وقالت :بس انا متأكده انه مش هيأذيني مش عرفه لي
..........
نادين: عاش من شافك فينك يانازلي هانم
نازلي:كنت مشغوله شويه،بعدين انتِ ازاي تقولي لماما اني مش عندك
نادين:قلقت عليكي يستي ما انتي اختفيتي ،المهم سيبك من الكلام ده الولد ياسين جاب حاجات جديده تعالي جربي معايا
نازلي:ياسين تاني الولد ده هو سبب ادمانك علي فكره ياريت تبعدي عنه
نادين بضحكه:ده علي اساس انك بتشربي حليب وبتاكلي تمر
نازلي:انا ليا أسبابي اللي مش مهم خلاص تعرفيها ومتسأليش كالعاده،إنما انتِ اي اسبابك
نادين:انتِ عشان شايفه معايا فلوس وغنيه يبقى كده حياتي كامله
نازلي:لا عندك اب وام بيرنو عليكي فوق المره ألف ومبيحبوش في الدنيا قدك
نادين بدموع :مش لما يبقو بابايا ومامتي الاول
نازلي بصدمه:ازاي مش فاهمه
نادين:قصدي ان دول اهلي بالتبني
نازلي:مش معقول طيب عرفتي ازاي
نادين:هما اللي قالولي لما بقا عندي 20 سنه
نازلي:يعني من وقت ما بدأتي تشربي وتعرفي الزفت ياسين
نادين:الزفت ياسين؟ مش ده اللي جابلك الشغل اللي مخليكي راكبه سياره ومعاكي فلوس مكنتيش تحلمي بيها
نازلي:شغل الهم ، مشغلني معاه أبيع القرف اللي بيوزعه علي الناس
نادين بعصبيه:وهو يعني كان ضربك علي ايدك
بقولك اي انتِ نكدتي عليا ومزاجي باظ هتسيبيني اشرب واعدل مزاجي ولا اي
نازلي بتأفف:انتِ حره بس اعملي حسابك اني يمكن اقعد عندك بتاع اسبوعين كده
نادين:متخانقه مع امك كالعاده
نازلي بمزاح :امك؟ ده انتِ حرام فيكي المدارس international والله
نادين بضحكه :وانتِ مبتقوليش امك ولا اي
نازلي:يستي انا مدارس حكومي اقول عادي
نادين:طيب يلا خلينا نشرب بقا
نازلي:لا مش عايزه مليش مزاج النهرده
نادين:هو انت اخدتي اي حاجه من اخر مره اتقابلنا
نازلي:لا هجيب منين يعني
نادين:امال مش عايزه ازاي ده انا لو ياسين مجابليش يومين وره بعض ممكن اتجنن
نازلي:تعبت شويه من كام يوم بس حاجه بسيطه،ومن وقتها حسه اني مش عايزه
نادين:لما نشوف اخرتها معاكي ايه
.............
فاطمه والده نازلي:يعني ايه هتقعدي عند نادين اسبوعين انتِ ملكيش بيت ولا اي
نازلي:لاء ليا،بس نادين تعبانه ولازم اقعد معاها فتره
فاطمه:هو انتِ زعلانه عشان اتخانقا ومش عايزه تيجي،والله انا بحبك انتِ بنتي يانازلي مش هقولك زي بنتي لانك فعلا بنتي
نازلي بدموع:وانا كمان بحبك.ومش زعلانه منك خلاص بس انا هقعد مع نادين بس عشان تعبانه
فاطمه:حاضر يانازلي اعملي اللي يريحك وابقي طمنيني عليكي
نازلي :ماشي خلي بالك من نفسك ومن إياد
............
وفي نهايه اليوم شعرت نازلي براحه لأول مره منذ سنين ،شعرت بأن حياتها تتغير الي الأفضل وظلت تفكر في علي وكلامه وعلي وجهها ابتسامه جميله
..........
علي:خلاص هننفذ بكره
المدير:كله جاهز متقلقش
.........
أنت تقرأ
لم تكن صُدفه
Actionفتاه ترى جريمه قتل في منتصف الليل فما الذي سوف يحدث لها عندما يراها القاتل! فتاه بأسرار غامضه لكنها تعيش حياه هادئة في نظر الجميع تتغير حياتها في يوم وليله
