ليتني انا ووليفي بدارنا

Part 8

تفاعل لتقدير تعبي

سبحان الله ، استغفرالله العظيم

نكمل البارت

الصباح 5:38
_________________
غرفه سدن
صحت من متكاسله كيف بتقوم وكيف بتصلي ودخلت عليها صيبه
سدن : بسم الله خوفتيني
صيبه : سدن هبيبي قوم معي
سدن : بصلي مو فاضيه لك
صيبه : اوكيه مايبغى نواف اوكيه اوكيه
سدن : صيبه نواف
صيبه : اي نواف يبغى انتا
سدن : اخاف شايفه لك واحد ومشبهه يصيبه
صيبه : والله هو قال نادي لي سدونه
سدن : بصلي يلا اطلعي وقفلي الباب
صيبه: اوكيه لازم انا اقول لنواف يروه
سدن : يخوفي شايفه حلم ولا مشبهه ، تمام روحي قولي له
صيبه : اوكيه
دخلت سدن الحمام الله (يكرمكم) عشان تتوضى وتصلي وتوضت وصلت وجلست تقرا اذكارها وجاتها رساله راحت واخذت الجوال ومن الي قريته ابتسمت
نواف : صباح الخير ، ترا والله انا قلت لها تجين لي تحت بس مسكينه قلبتي عليها وجت وقلبت علي
سدن : فيه احد يجي مع صباح الله خير ؟ وش اسوي دخلت علي وتوي صاحيه انخرشت ودايم تسوي سوالف وقلت تكذب
نواف : اها تمام ركزي كويس في اختبارك
سدن : ان شاءالله ، صح الخدعه
نواف : اممم عرفت الي تحبينه
سدن : صدق وش
نواف : اذا جيتي من اختبارك اعلمك
سدن : غشاش انت قلت الصباح
نواف : صح قلت الصباح بس ما جيتي لما صيبه
قلت لك تعالي
سدن : تمام يلا بروح اجهز ما ابغى اتاخر
نواف : بالتوفيق
سدن : وياك وانت بعد ركز بختبارك
نواف : ان شاءالله
تجهزت سدن ولبست مريولها وفاتحه شعرها ويفي واكسسوارت وسبورت ونزلت وهي تغني من روقانها
الفاتنه الي على قلبي تمون
نهى : دوم الروقان بس تراك مو فاتنه على فكره
ابو مشعل : سدن الا والله انها الزينه يبخت من اخذها
نهى : لا تصدقين ابوي يجاملك
ابو مشعل بنبره حاده: نهى علامس عليها خليها والله شيخه
سدن : صح انا شيخه وبنت شيخ وامي شيخه هههههههههه
ابو مشعل : يلا اكلي لا تتاخرين
نهى : صح صيبه من اليوم تبغاك
سدن : بروح لها

___________________
بيت ابو سالم
جالسين عند الفطور وصمت يعمهم
سلمى : يبه اليوم بطلع مع نهى وداليا بيغيرون جوا وبروح معاهم اذا ماعندك مانع
ابو سالم : من بياخذهم
سلمى : مشعل
ابو سالم : بس اليوم عندي شغله وباخذك معي
لو ماهي مهم ما خليتك
سلمى : ابشر بروح معك واعتذر لنهى
ابو سالم : الله يوفقك ، سالم اقول يابوك ناصر متى يجي كانه طول والا السنه تمشي بسرعه
سالم : والله باقي له الترم هذا لا والله يبه السنه تركض ههههههههههه
ابو سالم : الله يوفقه
الكل: امين
_________________
بالمطبخ عند صيبه
سدن : صيبه
صيبه : ايش يبغى
سدن : اسفه والله يصيبه كنت تعبانه تعرفين اختبارات وضغوطات والله مو قصدي ارفع صوتي عليك تعرفيني احبك بس والله قله النوم
صيبه : مو مشكله بس نواف جاب له مفاجاه مره هلوه
سدن : مفاجاه
صيبه : اي
سدن : وينها
صيبه طلعتها كانت مخبيته محد يشوفها
سدن : الله ورد ولوني المفضل يربي حلووو
صيبه : والله شوف نواف هذا مر كويس ميه ميه
سوي زواج قبل ياخذ انا
سدن : صيبه اوش الله ماعرفت انه بيعرف لوني المفضل والورد الله
مشت ولقت الورد فيه كرت مكتوب عليه باسورد جوالك يوم ميلادك 1211 واسف اذا زعلتك لما قلت لك يدلخه
سدن انصدمت انه عرف المعلومتين ذي عنها
يربي منك يا نواف صدق انك ساحر مو مخادع
جاتها رساله
نواف : وش رايك اشوفك نراجع وبعدها نروح المدرسه
سدن : اي اي لان الصراحه لازم اراجع خدعتك
نواف : هههههههههه يعني صيبه عطتك
سدن : اي عطتني
نواف : يلا انزلي بسرعه
ونزلت سدن له
________________________
نزلت داليا من غرفتها بعد ما كلمت ناصر
كان لسى على الفطور
ابو ناصر : هلا والله بدلول وينك يبه ماشفتك
ابو مشعل : من تدخلين غرفتك وانا عمك والشمس تغيب عن الظلام
داليا استحت من كلامهم ومضايقه من نفسها لان زعلتهم منها
داليا : بس تعبانه وتعرفون التدريبات والله شغل
بس ان شاءالله اعوضكم
مشعل كان جالس بس يسمع
داليا جلست
نهى : يدليل
داليا : نهى تكفين اسمي داليا اوكيه دلول بلعتها من ابوي اما دليل لا امانه
نهى : ههههههههههه شدعوه ترا دلع حلو
ابو ناصر : وش فيها دليل حلوه
داليا : اقول شيء لحد يدلعني اسمي لحاله دلع
كلهم ضحكوا على رده فعلها وهي كانت تحاول ما تطيح عينها على عينه
ابو ناصر : الا اقول يدليل متى تبدين التدريبات بالمستشفى
داليا : صح ذكرتني الله يذكرك ، حطوني بمستشفى
النورسان ( الاسم وهمي طبعاً ) وعطوني ورقه اعطيها المستشفى عشان يحطون لي مشرف او دكتور
ابو مشعل : مشعل النورسان مو الي انت فيه
مشعل : الا يبه هو
ابو ناصر : طيب مشعل اخذ داليا ورحوا المستشفى وجهزوا الاوراق
داليا : لا مو لازم اليوم بكره بروح مع البنات اجهزها كلها
مشعل : الي تشوفينه
ابو ناصر : براحتك
طلع مشعل بعد رفض داليا له
ركب سيارته وبدا يقرا اذكاره قبل طلوع الشمس
وهو جالس يقرا خلص وشغل قران
اتصل جواله
ناصر : الوووو يالقاطع
مشعل : انا القاطع ولا انت
ناصر : لا والله انت انا من اول ما سافرت بس تقريبا اربع مكالمات بس مو مهم انسى المهم كيف ابوي وامي وداليا وعمي
مشعل : الحمدالله كلهم بخير
ناصر : الحمدالله يلا اجل اشوفك على خير سلام
مشعل : شكلك زعلان مني لين ذحين
ناصر : لا ابد وين زعل الزعل بعيد واجد
مشعل : اذا زعلان منا ترا انت بعدت عنا ما تكلمت ولا قلت لنا انك سافرت قلبنا الرياض ندورك مو فيه فمعليش احنا الي مفروض نزعل
ناصر : استودعتكم الله وقفل ما قدر يتحمل كلام مشعل عليه
______________________
سدن و نواف
سدن : الحين بسالك كيف عرفت ذا كله
نواف : ساحر هههههههههههه
سدن : صدق الحين زعلتني وجبت لي ورد
احس بجيب بالاختبار صفر من التفكير انت
تراضي احد
نواف : ليه طايح من عينك ترا ما احب احد
يزعل مني
سدن : اوه اجل يحظ الي بتاخذك ما تزعلها
نواف : هههههههههههه اي والله يحظها تاخرتي
يلا يلا بوصلك انتي وسلمى
سدن : تممم
انتهى البارت
وعذروني لو فيه اخطاء
واتمنى تقدير تعبي 😔