سبحان الله العظيم
نبدا البارت
" ياجميل الروح والروح انتِ "
وصلوا سدن ونواف الشاليه ولقوا حق التنسيق على فكره سدن كانت جاهزه بس مو لابسه بس بنطلون وبلوزه لين يجي العصر وكانوا ينسقون بفرح بذات فرحان نواف يمكثر شعوره وهو ينسق وهي معاه كانت وافقه وتعدل الطاولات ورفع صوته نواف : عساني بعد شهر ننسق لملكتنا قولي امين
وسدن من فرحتها بالدعوه : امينن
نواف : استحي طيب على الاقل
سدن ضحكت وهنا ماقدر يبعد نواف قرب لها اضيع به كلي واذوب دامه حبيبي كيف اتوب ولمس سدن مع خصرها وبعدت عنه من احراجها
نواف : اهخ لو ما استحيتي كان سويتها يا بنت ابوك
سدن : يصيير خير
نواف : ترا احنا وحدنا وبشاليه وشد على شاليه
سدن وتعكس الخوف الي بداخلها : طيب معليه وجلست جري وهو وراها وتزحلقت بمويه المسبح ومسكها : يمكثره والله
_________________
بالبيت
نهى : عمي ممكن جوالك بتصل على سدن
ابو ناصر : والله جوالي مافيه شاحن اخذي الشاحن معس
نهى : هو معي بس بكلمها لازم الحين
مد يده ناصر والجوال بيده : كلميها
نهى صنمت : لا خلاص جده اخذتوا ادويتي معكم
الجده : مدري والله يبنتي شوفيها بغرفتك بسرعه
وتعالي الضيوف وصلوا واحنا لا
وطلعت تمشي مشي سريع ودخلت غرفتها
وتدور ادويتها شافت احد دخل بس ما انتبهت له
_____________________
سدن حست بجسمها حراره من موقفها احراج : نواف بروح البس ممكن تتركني
نواف : والله اترك بس بشرط
سدن : مليت من شروطك ذي تعبت ياخي
نواف تركها ومسوي نفسه زعلان : اها تعبتي اجل
لا تخافين تراك باول الطريق المهم جهزي قربوا اهلنا تراهم لابسين الا انتي دخل ولابس لابسه ثوبه وشماغه صح كان مثل كل مره بس عيون سدن تشوفه غير وهو فعلا غير طريقه ثوبه شماغه ساعاته رفعه الثوب كانت بذوبان من الي تشوفه ودي تمسكه وتقول لا تروح بيمدحونك وبياخذونك وبغار بس سكتت وراحت ولابست فستنانها طبعا رصاصي طويل باكمام طويله منفوشه مفتوح الصدر وفتحه بالرجل كان لابسها عادي الا هي مفخمته وعقدها الي يزههها فعلا طلعت بطلتها الحلوه وسوت شعرها ويفي وطلعت للحوش بتشوف اهلها وصلوا او لا وطلعت وشافت نواف وكلمته : اهلي ما وصلوا كانت ناسيه لبسها كيف هو وكيف شكله وفتنته
نواف فهاء فيها بحب تنهد : متقصده تطلعين لي كذا يحبيبه هالخاطر
سدن شهقت لما تذكرت وحطت يدها على فمها
رفع صوته نواف : لو انك حلالي الحين يشهد الله ماياخذك مني الا نومس طلعتي احلا سالتك بالي جابس اقري المعوذات وحصني نفسس
وكان واقف عند الباب وقفلت وطلعت سدن لابسه عبايتها وقربت منه ونفخت في يدها وحصنت نواف نسى الي شافه ركز يعيونها عطريها شعرها
سدن استحت من رده فعله : حتى انت لازم تتحصن
نواف ضحك : الحين من التحصين وكلامك عرفت اني حلو ورزه
سدن : لا تصدق بس اخذ اجر فيه اخاف...
نواف : تخافين علي يجعلني لس والله يلا انا بطلع للمجلس وانتبهي لنفسك
سدن : خايفه والله المجلس بعيد خلك لين يجون
نواف : الساعه ٥ وينهم ذول
سدن : مدري
_____________________
بغرفه نهى /
مشعل : طلبتس لاتردين وانا اخوس
نهى : شفيك تعبان تكلم
مشعل : ابغى داليا بكلمها معاد تعطيني وجه البنت وكل ما اكلمها تصد عني لين متى وانا اخوس تعبت
قفت عني وكرهت ساعهً فيها حبيتها
نهى : تعوذ من الشيطان وانا احلها بينكم
مشعل : اي طلبتك
نهى : ابشري يلا خل ننزل قبل لا نتاخر ونزلوا
وصلوا الشاليه بعد نص ساعه تقريبا
الجد : ترا عيال عمكم وعماتكم بيجون
عزوز : منجدك يجدي ليه
الجد : انت اسكت اخر القوم ويتكلم
عزوز : اسمعوا والله بتزوج مو حاله ذي تعبت
الجد ضربه بعصاته : وشهو تعبت حوف التربيه راحت من سافرت وعقلك مو بلي
عزوز : ورب الكعبه اني كفو حتى تربيتي ماتغيرت من سافرت بس اقصد بتزوج بجيب عيال
الجد ضحك : مين الكمخه الي بتاخذك وبتجيب لك عيال مثلك
عزوز تحنحن : عيون عزيز هي الي بتاخذني
الجد : لعنبوك اقلب وجهك لا اشوفك جايني والله اذبحك
عزوز بمزح واستفزاز : اذبحني اني اصلا حلالك يا يدي
الجد يلحقه بعصاته : اذلف الله يذلفك يالدلخ
طلع نواف : جدي طلبتك اعزم السمر تراهم جوي ودق وحماس
ابجد : عزمتهم وعلى اكبرهم فيصل العيلي ( الاسم وهمي وكل الاسماء وهميه اتمنى محد يتكلم فيها !)
نواف صاح : الله اخيرا برقص سامري
الجد : لا تصدقون نفسكم هم كنسلوا راحو الديره
نواف : حسافه ودي بالسامري والله ودقهم اوف حتى لو ما تبغاه تحبه غصبب
الجد يغمز لنواف : في عرسك
نواف استقام : ان شاءالله
منصور : اي والله خبري بدقهم يجنن بذات فيصل لما يمسك الطيران اهخ ماودك ينزلها والله
شروق : اي والله مثل نهى لما تمسك العود ما ودها تسكت
عزوز : نهى الجلسهه عندس تم
نهى : تم
نواف : اجل وانا بجيب لكم مفاجاه لعيونكم
عزوز : تمام
وابتدات الحفله والي يرقص وكلن فعلا تعب بس تعبهم بالنسبه لهم راحه
نواف : سلمى طلبتس طلعيها لي
سلمى : مقدر والله لو يصير شيء تنشافون مقدر
نواف : معاد يهمني طلعيها لي وصدقيني ماراح اطلبس مره ثانيه يلا طلبتس
سلمى : ابشر الحين
ومن وصلت سدن والغطاريف الي اعتلت عليهم استحت لفعلهم لانها تعتبره رده فعل عاديه الا لما شافت نواف لابس المشلح والكيكه والدبل واشتغلت اغنيه سيده عمري وهنا كان ودها تصايح ولا تفرح ولا تبكي الا لما وصل عندها نواف ومسك يدها ونزفو لين لين وصلها عند الكيكه وهي مثل المصدومه وخلصت الاغنيه
نواف همس : تعالي يا دولتي ويادنيتي وشمس تباهت فيك ايامي تبختري علي دامس صرتي حلال ولد عبدالله يبنت ابوك ولابسها دبلتها والغطاريف عليها
نواف : دورك يلا
ولبسته الدبله وهي ترجف ومسك يدها
سدن : متى جهزت ذا كله
نواف : والله من كلمت جدي اليوم وقال الخطبه اليوم وجهزت لان مافيه اصلا تكاليف لان كلها تمام الا الدبل على ذوقي اخذتها والكيكه ولحسن الحظ اخذت بس ٣ ساعات ولقيتها جاهزه وبس يفرحتي
_______________________
كان ودي والله بارت طويل لكن اعذروني مشغوله ونزلت واتمنى تفاعلكم ورايكم ✨✨.
أنت تقرأ
ليتني انا ووليفي بدارنا
Poetryروايه سعوديه حتى بعد فراقنا احب الليل بعودك لا ابيح اخذ الروايه بأي شكل من الاشكال
