استغفرالله
نبدا البارت
_______________
ام مشعل : انا قايله بنتي مو طبيعيه
مشعل : بعدي عني الله يهديك
داليا : بعدوا عنها تاخذ نفسي هي كفايه مكتومه
مشعل : داليا البسي عبايتك وهاتي عبايتها بسرعه
داليا : تمام انتظر وطلعت داليا وما اخذت دقيقه الا وهي نازله
ام مشعل : يمه اخذنا معاك
مشعل : والله ماله داعي انا اعرف نهى يغمى عليها وارجعها للبيت انا وداليا نكفي وطلعوا وركبوها السياره
ام مشعل : تكفون يعرب ابغى بنتي بطمن عليها اخذوني لها بنتي لها شهر يغمى عليها ويقولون طبيعيه يشقى قلبي عليك يا نهى
ناصر وهو يمسح على ظهرها : ياعميمتي قومي ولك من يوديك للمستشفى بس اهدي ورحي تجهزي
ام مشعل : انت صادق يناصر
ناصر يناظر فيها بابتسامه : اي والله والي يبغى يروح معانا يلبس
منصور : انا باخذ امي وجدي وجدتي
عزوز : وانا باخذ امي وخواتي
ناصر : تمام امي وعميمه معي
______________________
اهخ يسعود راسي مصدعه
سعود : قلت لك خلها بكره القضيه
فهد : حفلت اليوم وصارت وبرجع لاهلي الحين
سعود : والبنت يالطيب وين تبقى
فهد : اخذوها شقتي ماراح اكون موجود وحط حراس وطلباتها شبه تنفذونها الي له داعي سووه والي ماله لا تسوونه
سعود : ان شاءالله انتبه لنفسك
فهد : ابشر
اعرفكم على سعود
سعود : عمره ٢٨ صديق فهد من الدوام صداقتهم قويه سعود
رجال عزم وصفاته طيبه
_____________________
المستشفى
الدكتور : انا عطيتها مسكن وان شاءالله بخير
وهي عندها ضغوطات ومتعبه نفسها وتعبت
وغير كذا لما جات ضيق بالتنفس واغمى
عليها حالتها مالها داعي الخوف عليها انتبهوا لها وان شاءالله هي بخير
مشعل : عادي ادخل لها
الدكتور : لا والله لين ترتاح ساعه بس
ابو مشعل : مشكور
داليا : بقول لكم شيء
ام ناصر : فيك شيء تعبانه
مشعل : تعبانه
داليا : لا مافيني شيء بس بتكلم امس الخيمه احترقت
ابو مشعل : طيب واحترقت عادي
داليا : نهى كانت فيها
وكان الخبر عليهم صدمه
مشعل : كملي وش صار
داليا : طلعها ناصر
مشعل : هم كانوا فيه
داليا : لا ااء اي
ناصر : السالفه ... وقال لهم كل شيء
مشعل بصراخ : اهخ يا نهى وليه ما صحيتوني
داليا : كنت تعبان
الدكتور حاول يلطف الجو: ممكن تهدون بدخلكم عليها
دخلوا عليها
مشعل مسك يدها : نهى
نهى : وش صار
مشعل : ليه ماقلتي لنا عن الي صار
نهى : صدقني انا بخير والله بس كنت مرهقه
ومايحتاج خوفك علي يمشعل
مشعل : يحبيبه قلب اخوها اهم شيء بخير
نهى : ما قالوا متى اطلع
عزوز : لو سمحت يعني لا تتكلم مع حبيبتي المستقبليه كذا
مشعل : عزوز اهجد قبل يجيك كف كفايه الي صار
عزوز بمزح : الي صار جمعني في نهى ههههههههههه
نهى وتغمز : صح هههههههههه
مشعل : لو تموت ما تاخذك
وضحى : وشفيه ولدي الف بنت تتمناه
عزوز : انا اتمنى الي تكلم نهى وداليا
وضحى : من جيت من سفرتك وانت مخبوص
عزوز : اعقل مني مافيه
مشعل طلع من الاتصال ورجع لهم : اي صح عمي
ابو سالم بيجي
الجد : الله يحييه
ناصر بحقد : حبيب القلب ماقدر يتحمل من سمعها بالمستشفى
الجد : اجل بكره الحفلة الغالين
عزوز : يحليلك يجدي وش رايك ازوجك والله شفت دكتوره تصلح لك
الجده : جعل عيونه اذا لفت بالعمى انت وياه
عزوز : اصلا مافيه احلا منس يالحلوه
الجد : ابك جدتك ثقتها في وادي
عزوز : انشهد ان جدتي حلوه وكليوم فيه ما تكبر تصغر
الجده : اححمم
الكل : ههههههههههههههه
نهى : يبه ممكن
ابو مشعل : صار اطلبي
نهى : ابغى ارجع البيت طفش هنا
مشعل : بشوف الدكتور
ام ناصر : نهى اهتمي بصحتك لا تهلكين نفسك وتهلكينا معس طلبتس
نهى : ابشري من عيوني
مشعل دخل : نهى خروجك بكره واحنا الحين رايحين
نهى : ليه بكره
مشعل : كله بسببك لو اهتميتي بنفسك كان ما دخلتي
نهى : تمام فيه احد بيجلس معي
مشعل : مين تبغين
نهى وتناظر في عيون شخص خذلها : عزوز
ناصر بصوت هادي : هه قصدها سلوم
مشعل : هههههههه مصدقه نفسك
عزوز : ابشري بعزك والله اونسك اقول لس نكت
نهى : جوي
داليا : ما تبغيني
مشعل في نفسه : فيه احد ما يبغاك ليه كل عمري اتهاوش معك وانا الي طحت بالشباكك
نهى : لا
داليا : اوكيهه
مشعل : نهى البسي عبايتك امزح معك سويت لك خروج
نهى : الله بشوف سلمى
ناصر : حبيب القلب مو سلمى
نهى كانت تسمع كلامه عنها وعن سالم بس ليه مصر اني احبه وحبت تلعب باعصابه : اي عندك مانع اشوفه
ناصر انصدم انه سمعته : لا ابد بس تراك بنت عمي وابغى لك الكلام الزين
نهى : ابشرك كل من طرا طراه بالزين
ناصر ضحك ضحكه استهزاء وطلع
رجعوا البيت باستقبال فهد
الجد : يا هلا والله بفهيد
فهد : يجدي فهد فهد ليه تزيد بفهيد
الجد : فهد فهيد فهيدان سلوقي كيفي
فهد : وش جابني انا غير امي
الجد : مسوي اخر العنقود تراك رجال
فهد : رجال صح بس اصير نونو عند امي ههههههه
الجد : كبرك راح وانا جدك
فهد : لا وين توي صغير
ام مشعل : يهلا والله بالشيخ فهد
الجد : امحق وين شيخ وراح
فهد يبوس راس امه ويدها : الله يخليك لي
امه : وين كنت ينظر عيني تاخرت
فهد : والله يمه كان عندي محظر وغير كذا صارت سالفه والحمدالله جيتك
امه : حياك بحط لك اكل
فهد : يبطني عاد اكلك ما ينرفض
وسلم عليهم وقالوا له يجلس عشان الحفله
فهد بمزح : جدي انا من ضمن المحتفل بهم
الجد : ليه وش منجز وانا جدك
فهد : خلصت ٢٠ قضيه في شهرين وقبل لا اجي اليوم خلصت قضيتين وجيتك وكلها صعبه بس محد مهتم عادي
الجد : قبح الله وجهك ٢٠ بس قول ٥٠
فهد بدا يضايق من كلام جده : يمه اليوم وبمشي اتصلوا علي لازم اكون عندهم
الجد درا انه ضايق فهد وقام من عندعم : عن اذنك بروح اقيل وصحوني لصلاه العصر
فهد : سدونه وينها
ام مشعل : بغرفتها
فهد : بروح لها وراح فهد ودق الباب
سدن : ادخل
فهد : يحلوك اشتقت لك
سدن بصياح : فهودي
فهد : اهخ يعيونه كيفك وكيف اخلاقك هنا
سدن منزله راسها : احس محد مهتم لي
فهد : وانا
سدن : انت غير
فهد : كيف يعني
سدن : مشعل لا طلع ياخذ البنات انا لا كاني جدار عندهم يفهد وجودي مثل عدمه مافي اهتمام
حتى ماما وبابا اغلب الاوقات مع نهى كانها الصغيره
وانا الصغيره ما اهتموا فيني حتى اغلب الاوقات مايجيني نوم احس محد يبغاني يفهد وبكت وضمت فهد
فهد : كلنا نحبك وكلنا نهتم فيك بس نهى تعبانه ويخافون عليها
سدن : فهد انا صار لي كم يوم ما اكل معاهم محد قال سدن وين سدن تعبانه ولا لا سدن تحتاجنا ولا لا سدن ليه بغرفتها مافيه اهتمام انت الوحيد الي يهتم فيني حرارتي ارتفعت مالقيت احد جمبي ماما قلت ممكن تجيني والله ماجاتني غرفتي مافتحتها علي انا ما اشكي لك عليهم لا هم اهلي بس انا تعبت وانا اكتم البنات يطلعون انا انطوائيه ما احب اجتمع مع احد احسني غلط مرات اقول انا قدها بس لما اطلع اشوف الي اخلاقها شينه اخاف ودي اصارخ بصوتي كله احد يبغى يتكلم معي اتوتر تزيد رجفتي احس اني دايم عله
وتصادرت بكيتها وشهقاتها
فهد : اوش انا اخوك وابوك وامك واختك وصديقاتك
عادي ذا عشانك انطوائيه اذا تعودت عادي بتتاقلمين مع الوقت صدقيني متى نمتي
سدن بتفكير : صحت الفجر
فهد : فيك نوم
سدن : شويه
فهد وهو جالس يحس بكلامها فعلا مالهم اهميه كبيره مثل نهى ومشعل : تعالي انومك اذا احد زعلك انا ارضيك ولا يهمك
سدن تغطت بالمفرش وفهد يلعب بشعرها ويقرا المعوذات فجاه لقها نايمه وابتسم وراح
ام مشعل : فهد وين رايح
فهد : بروح مشوار وارجع اخذ اغراضي وارجع
ام مشعل : لازم
فهد بضيق : ايه ويمكن اخذ سدن
ام مشعل : سدن ليه تاخذها
فهد بكذب : يمه انا قلت يمكن اخذها ابغاها بامور تساعدني فيها لان هي شاطره بالنت والاشغال الي فيه
ام مشعل : لا ماتروح معاك واحنا هنا
فهد : خايفين عليها تو حسيتوا ان عندكم بنت اسمها سدن لا تخافين سدن اختي اخاف عليها من قله اهتمامكم انا رجل واهتمامكم فيني ناقص لكن رجال معلي
اشغل نفسي لكن رحمه ربي الي بالغرفه محد يدري عنها ولا تهتمون فيها ليه يمه ليه تحسسونها ان وجدها مثل عدمها
ابو مشعل ضرب فهد كف قدام الكل وقاموا من قوته: ترفع صوتك وشرايك تعلمنا كيف نربيها
فهد باس راسه : محشوم يبه اعتذر وطلع لسدن صحها واخذها الحين محد يقدر يمنعني ذي اختي وانا ادرى مصلحتها اكثر منكم وافتح لكم مجال لغيرنا وطلع برا البيت
ام مشعل : ليه تضربه ها ليه حتى لو رفع صوته هو صادق كم مره ناكل وسدن مو معانا ولا نهتم فيها كم مره نهتم بمشعل ونهى ونتركهم وانت تضربه وباس راسك انا موافقه ياخذ سدن اصلا نفسيتها تعبانه
ابو مشعل وهو حاز بخاطره من كفه ورغم الي صار باس راسه : اه يفهد
الجد : اتصلوا على فهد ابغاه بموضوع
نهى : بقول لكم خبر توه تو قريته فهد حصل افضل ضابط بالرياض اكثر واحد دخل منصب وجاب في شهرين ٢٠ قضيه كان جاي عشان نفرح فيه ونرفع روسنا بس كسرتوه
قطع عليهم جوال نهى : الو ايه من معي وين فهد
انتهى البارت واريكم
واتمنى تفاعلكم 👍
أنت تقرأ
ليتني انا ووليفي بدارنا
Poetryروايه سعوديه حتى بعد فراقنا احب الليل بعودك لا ابيح اخذ الروايه بأي شكل من الاشكال
