سبحان الله
نكمل البارت
واتمنى تفاعلكم
__________________
داليا : مافهمت
مشعل : ماتعرفين لك ولد عم يحبك
داليا : عادي تعلمني كيف اغرز الابره عشان التقييم
مشعل : لا تخافين ولد عمك بيعطيك التقييم كامل
داليا : لا ابغى كله بتعبي
مشعل بعصبيه : داليييااا
داليا : نعم
مشعل : ماتعقلين
داليا : لا للاسف
مشعل : من يومك برز
داليا : عاجبني وانا بزر خلنا نسوي شغلنا بطلع بدري
مشعل : رافضه الفكره صح
دخلت عليهم دكتوره جود : سلام عليكم
مشعل : اهلا وعليكم السلام وينك مطوله ما مريتي علي
جود : ترا مشغوله وجيتك
مشعل : كفو وش تشربين
جود: على ذوقك
مشعل : ابشري وانتي داليا وش تبغين
داليا : ابغى ادرب ممكن
مشعل : طيب وش تشربين ونطلب
داليا : مشكور ادور واحد يعلمني
جود: اشبك بيدربك بس مشعل متعود اي متدرب عنده يعامله كلهم يتمنونه بس انتي وش بلاك مدري
مشعل ضحك : محد تمناني ههههههههههههههه
داليا : اي محد يتمناك فعلا
جود : بالعكس يتمنونه
مشعل ناظر داليا : وين الي اتمناهم طيب
جود : اطلب شكل عندك كلام
مشعل : لا وين
داليا : انا طالعه
مشعل : براحتك
داليا غصت من كلمته وناظرت فيه بعيون شبه مدمعه
وتوتر واضح عليها
لاحظها بس سكت دايم تتجاهله لين ذحين تكرهه ولا تحبه
جود : تحبها اكيد
مشعل : لا وين بنت عمي
جود : هي المشكله بنت عمك
مشعل : بعلمك طيب اي انا احبها بس بينا كرهه عظيم بس مدري احس لين ذحين علاقتنا متوتره انا كنت اتهاوش معاها واضربها بس صار لنا فتره ما نتكلم ولا نمزح نشوف بعض مو مهمين لو احد دخل على خصوصيات الثاني نكسره بكلامنا وكسرتها وجرحتها انا بكلامي وزعلتها وكنت بضربها بس صارخت
جود : لهدرجه
مشعل : اي كنت متوقع علاقتنا احلوت بس العكس والله اخاف تتوتر مثل علاقه اختي واخوها
جود ضحكت : منجدكم تحبون وتتخاصمون ولا عيال عمك هههههههههههه
مشعل : جبتس تواسيني قلبتي مواساتك علي
جود : معليك تتسهل
اتصل عليهم مدير المستشفى ان الكافتيرا في تعطيل
مشعل : اوف والله كنت ابغى قهوه
جود : معليه بعدين انا بروح اخلص شغلي
مشعل : وانا بطلب وبجيب لك معي يلا روحي
_______________________
اشخاص ثانين
دكتور : لا الحمدالله متحسن
فهد : اي الحمدالله يعني نفك الجبس
الدكتور : اي
فهد : الحمدالله
الدكتور : بس نسوي اخر اشاعه
فهد : تمام بسويها واجيك
طلع وسمع هوشه
الممرضه : تعالي ليه يهرب من عمليه
: مقدر اكمل
الممرضه : انتي ليه صوت حقك متغير
: تعبانه
دخل عليهم فهد
فهد : فيه شخص بين الحياه والموت وانتم هنا
: انت وش دخلك ها
فهد : انا الضابط فهد بن تركي
خافت من اسلوبه وهيبته
: طيب شسوي لك
فهد : ادخلي سوي العمليه ولا مو قدها ليه تدخلين
وتطقين الصدر وتدخلين طب
الممرضه : مريض سوا تخدير لازم يجي
فهد بضحكه استهزاء : مو قدها صدق وين الي يدخلون بحب ويسون شغلهم صدق ماتوا
: مالك دخل
فهد : الا والحين تسوين العمليه
: اي بسويها وشوف اني قدها
فهد : كان من اول دخلتي ما اتخيلك بتنجحين
: انا بنت ابوي لا نويت شي اجيب لو بينا مسافات
ودخلت الغرفه
وفي خاطرها تتكلم يرب كيف اسويها وانا ما اعرف كيف دخلت هنا كنت غلطانه لما دخلت
وبتدن في العمليه تشتغل وتستغفر وكان خايفه وكلهم ملاحظين
: دكتوره خلاص انا اكمل
هي : لا انا بديت اخلصها
: تمام
وكانت تقرا ايات من القران وتسوي العمليه لين صفقوا
: مشاءالله العمليه نجحت مبروك
هي : الحمدالله اكمل الخياطه يلا روحوا انتو
وكملتها وطلعوا المريض وطلعت تدور الي حطمها
___________________
غرفه الاشعه
فهد : افك الجبس ولا بجلس فيه
: لا لا الحمدالله ان شاءالله فاكه
فهد : الله يجزاك خير
: يلا برسله له يلا ادخل
طلع وصقع في وحده كلها دم
فهد : انتي ماتشوفـ.. انتي
: اي انا صدفه حلوه صح
فهد : استغفرالله
: نجحت العمليه لا انت ولا غيرك تحطموني انا بنت ابوي
فهد : شسوي لك
: بس عشان معاد تقول لحد كلام يحطمه
فهد : يلا يلا روحي
الممرضه : فهد تركي
فهد : جايك
: انتبه لا تحطم الدكتور
فهد ضحك : لا تخافين واثق فيه
: بروح اغير ملابسي
فهد بدون شعور : استودعتك الله
ابتسمت
دخل
الدكتور : الحمدالله تقدر تطلع الجبس
فهد : الحمدالله
____________________
داليا : كيف طيب اخاف المكان غلط
المتدرب : هاتي يدك
داليا : يدي بتحط فيها
ضحك : لا بعلمك
ومدت يدها له ومسكها وقرب منها وحط يدها على الجسم التدريب كان اسفنج
داليا : الا انه مجسم تعلمي خفت مرهه
دخل مشعل وتعالى صوته : داليا
داليا : نعم
مشعل : ناديتك يعني تعالي
داليا : جالسه اتعلم
مشعل : وانا الي اعلمك مو غيري
داليا : انت مشغول مو فاضي
مشعل : تعالي ابيك بسرعه
داليا : اوففف روح لاحقتك
مشعل : قلت تعالي صح
المتدرب : خير يالطيب مطلع قوتك عليها عيب ترا
مشعل قرب منه : وانت وشعليك
المتدرب : ياخي علي
مشعل : ابلع السانك لا ابلعك اياه
المتدرب : التربيه صفر
داليا : امش خلاص بروح معك
مشعل دفها : تعال نشوف مين الي التربيه عنده صفر
المتدرب : اي وماقلت شيء غلط
مشعل : صح وانت تربيتك للارض فيه احد يقرب من بنت
المتدرب : هي طلبت مني وانا علمتها لا تدخل بنيتنا
مشعل : اذا شفتها ما اشوفك تقرب منها فاهم
المتدرب ضحك باستهزاء : حارسها الشخصي ولا حب قلبها
مشعل زادت عصبيته وضربه : ما تطاول علي فاهم لا اقطع اللسانك واخيط فمك الحين
المتدرب : بعد عندي ما بقى الا انت
داليا بصوت بكاء : خلاص خلاص امشي وسحبته
المتدرب : انتبهي ترا واضح مروج
داليا : مالك دخل
وطلعوا
جود : مشعل اشبك
داليا : تهاوش مع المتدرب
جود : ليه تتهاوش كم مره جاك انذار
داليا : يتهاوش
مشعل : جود تعالي عقمي الجرح
فهد مصدوم : مشعل
جود : انت
فهد : وعوه وش جابتس هنا
جود : يالليل وانا احسب اني ارتحت طلعت هنا
مشعل : تعرفينه
جود : لا الاشكال ذي مو جوي
فهد : تكفين طلبتس خليني جوك يشيخه اسكتي
مشعل علامك
مشعل : انت الي علامك ليه جاي
فهد : افك الجبس
مشعل : الحمدالله
جود : تعال اعقم جرحك
فهد : بنت عمه فيه تعقم جرحه
مشعل : ابغاها هي تعقمه شعندك
فهد : الله يشفيك انا بروح
مشعل : انتظر بروح معك انا وجود
فهد : داليا امشي معي بدلعك
داليا : لا معليه بجي مع السواق
فهد : افا ترديني
داليا : لا والله ما اردك
فهد : اجل امشي طلبتس
داليا : ابشر اجهز وببلغ البنات اني رايحه
فهد : انتظرس
جود : الحين انت اخو مشعل الراقي
فهد : اي اخوه شعندك بعد رجعيني لبطن امي
جود : ههههههههههههههه ودي بس مقدر
فهد : يشينس والله تلوعين الكبد
جود : ما طلبت رايك
فهد : لا بغيت افرضه افرضه ويمشي عليس
وجاء مشعل وجات بعده داليا
واخذهم فهد واشترا لهم قهوه
فهد : الله الاجواء ذي تحتاج اغنيتي
رد الزّيارة
رد الزيارة علينا يا حلو الأطباع
رد الزيارة
رد الزيارة
رد الزيارة علينا يا حلو الاطباع
رد الزّيارة
ما عدت أقوى فراقك أكثر من إسبوع
أكثر من إسبوع
ما عدت أقوى فراقك أكثر من إسبوع
أكثر من إسبوع
رد الزيارة
رد الزيارة
داليا : الله ماتوقعت صوتك حلو
فهد : احمممم احممم
مشعل : اعوههه
جود : صح اكرهك بس الصدق ينقال صوتك حلو
فهد : غصبا عنك
جود : وعععع
انتهى البارت
واتمنى رايكم ودعمكم لانه يزيد شغفي
وحبيت اليون انزل بارتين لكم لانكم طلبتوني وانتو تستاهلون ✨✨
أنت تقرأ
ليتني انا ووليفي بدارنا
Poetryروايه سعوديه حتى بعد فراقنا احب الليل بعودك لا ابيح اخذ الروايه بأي شكل من الاشكال
