لـي صـاحبن يشـرح الخـاطـر

البدايـة

امي : يالدماني اتأخرتي

انا انزل : يت امايه يت

امي : يلا كلي

اسحب توست و احط فيه قطعة جبن و اخذ خياره

سند ( اخويه ) : الدماني اقعدي بلاج مستعيله

انا : لا دخيلك البنات يستنوني

امي : ما عليه يا اميه قعدي تريقي لاحقه على البنات

ابوس راس امي : تامرين على شي

امي : بس عناد بس تبا تسوي اللي براسها

سند يبوس راسي و يقوم وياي

امي : وين مروح انت بعد ما اصدق خذت اجازه و بتم وياي ( تمتزر عين امي دموع )

سند : ياربيه اميه تستنين أي شي عشان تصيحين

امي تحط ايدها على ويها

يروح صوب امي و يحظنها : بوصل الدماني اميه و راجع

امي : انتبه و انت تسوق

سند يحبها على راسها : ان شاء الله

طلعنا انا و سند و حركنا للمدرسه كان في زحمه خفيفه على الدرب بس وصلنا

سند : يلا يوم دراسي ممتع

انا : يلا مع السلامه ( ونزلت )

ما مداني امشي خطوتين الا اسمع صوت هرن قوي

التفت و الا اشوف الريم واقفه قدام سيارة اخوي و اربع صوبهم