لـي صـاحبن يشـرح الخـاطـر

34

اللهم في اخر يوم من رمضان ارزقني ما اتمنى، وما احتاج، وما هو خير لي، فلا احد يعلم ما بداخلي سواك، استودعتك نفسي ومستقبلي يا كريم يا غفور .

اخر يوم رمضان وايد زعلانه انه رمضان بيخلص الحمدالله هالسنه كانت وايد غير قدرت اختم القران اكثر عن مره الحمدالله

تيمعنا انا و ربيعاتي وايد في رمضان بس اللي شغلنا عن بعض اخر يومين عشان العيد و التجهيزات

امي : خلاص ما بقى احين شي حق العيد كل شي زاهب

امون تدخل : السلام عليكم

انا : هلا هلا

سالم : انا ساير ايب الملابس من الدوبي ( المغسله او المكان اللي يكوي او يغسل الملابس لو ما فهمتوا )

انا استغربت بس ما رمست صارله فتره من تكون امون موجوده يختفي من البيت بكبره او يتهرب

سند : عيل انا صاعد الغرفة بصلي و بنسدح شوي لين العصر تعبان

انا : تقبل الله

يبوسني : منا و منج

__

وضع الدانه كان وايد عايبني ما تعبت نفسها و لا حبست نفسها و لا تضيقت ما خلت ضيقتها تكمل 24 ساعه اليوم اللي بعده تجمعنا و سولفتلنا باللي صار اللي ما حطلها قدر اتخطته كأنه ما كان موجود طرش اعتذارات قد شعر راسها بس الدانه كانت مجاهلته و لا عورت راسها و لا شياته كملت و كأنه ما كان موجود على قولتها (وجوده كان مجرد ضغط نفسي و زيادة تفكير )