الهنوف تضحك : بخير حرمت عمي يسرج الحال
ابتسمت ام سعود و طلعت
الهنوف قعدت على السرير تستنى الميث تخلص
__
كانت الدانه واقفه تستنى الباص لين مرت عليها سياره و وقفت نزلت الدريشه
الريم : صباح النور و الطيبه
الدانه بعدها مستغربه
نزلت ام عبيد الدريشه اللي قدام : نوصلج؟
الدانه تحاول تثقل لنه عبيد اللي كان يسوق : لا ما يحتاي خالوه
ام عبيد : شو ما يحتاي ترا الدرب نفسه
الدانه تبتسم
الريم : يلا
الدانه : نزين خالوه بعطي امي خبر و بي
ام عبيد : نستناج
دخلت الدانه عطت أمها خبر و طلعت ركبت ورى عند الريم
ام عبيد : يا حي الله الدانه توى ما نورت سيارتنا
الدانه تبتسم بحيا
عبيد : وانا اشهد
الريم ادقه على كتفه : ابدا ما يخصك
عبيد يطالع الدانه من المنظره
ام عبيد : عينك يا ولد
تموا يسولفون سوالف خفيفه لين ما وصلوا المدرسه
كنا انا و الميث و الهنوف فنفس الدقيقه نازلات من الباص و شفناهن الثنتين نازلات من نفس السياره
أنت تقرأ
لـي صـاحبن يشـرح الخـاطـر
Teen Fictionبسم الله الرحمن الرحيم اللهم ارحم جدي و جدتي 💗 روايه ليس لها بواقعي صله كتبتها بلهجتنا الاماراتيه اهديها اولا لصديقتي التي كانت اكبر دافع لي و من ثم لكم اسأل الله التوفيق و قرائة ممتعة لكم 💗 بـنت عـبـيـد .