دخلت طاحت عيني في عين محمد كان يطالعني بنظرات مش مفهومه
انا ابتسم ابتسامه صغيره : السلام عليكم
محمد و سالم : عليكم السلام
يايه بشرد و بصعد غرفتي
سالم : الدماني
لا يا سالم دخيلك مو وقته تزقرني ( صديت عليه و ما تكلمت )
سالم : علومج
انا اتأكد انه محمد ما يطالعني : بخير ( هني صد علي محمد )
سالم : تامرين على شي الغاليه ؟ محتايه شي ؟
انا : لا سلامتك اخويه
سالم : لا تستحين من محمد تراه اخو دنيا و ربيعي من سنين ( يصد عليه ) هاي الدماني شيخة البنات , بنت خالتي و اختي بالرضاعه
ابتسمت و انا منحرجه المسكين ما يعرف انه هالمحمد يعرفني عدل
طلعت اميه من المطبخ : الدماني شو تسوين
انا ابوس راسها : توي راجعه امايه
امي : تعالي ساعديني شوي ارتب السفره للشباب
انا : ان شاء الله
حطيت شنطتي على الدري و لحقت امي كان في صحنين سلطه و صينيه فيها عصاير و غازيات و صينيه عوده فيها برياني دياي و صحون صغيره روب و شطه و كانت امي حاطه في مجبه سمج مقلاي لنه سلوم يحبه خذت عنها السماط و طلعت
أنت تقرأ
لـي صـاحبن يشـرح الخـاطـر
Teen Fictionبسم الله الرحمن الرحيم اللهم ارحم جدي و جدتي 💗 روايه ليس لها بواقعي صله كتبتها بلهجتنا الاماراتيه اهديها اولا لصديقتي التي كانت اكبر دافع لي و من ثم لكم اسأل الله التوفيق و قرائة ممتعة لكم 💗 بـنت عـبـيـد .
