عموه تمسك ايدي و تسحبني : شو اللي مب مستعده بيحبونج نفس ما حبيتج و اكثر
مشينا و الكل التفت عليه من الصاله الزجاجيه و يطالعوني بذهول و محمد مب منتبه علي
فتحت عموه الباب
دخلت وراها : السلام عليكم
محمد وقف و اتوقع يدوه سحبت ايده تقعده
تقدمت و انا احاول اتجنب نظراتهم و حبيت راس يدوه
يدوه : فديت الدماني انا فديت هالزين
ميته حيا من نظرات محمد اللي مش طبيعيه
وحده من البنات القاععدات واضح انها بعمر ال15 : عموه منو هاي الخبال اللي دخلتيها علينا
عموه شما : اذكروا الله
البنت : ما قلنا شي
عموه : هاي اللي رمستكم عنها خطيبت محمد و باذن الله بتصير حرمته
بديت اسلم من الجهه اليمين كانن الحريم الكبار و من الجهه اليسار البنات
سلمت عليهن و حبيت بعضهن
و حده من الحريم رمست : خليني اعرفج على الكل
انا عمة محمد العوده و اسمي العنود اللي حذالي اختي اللي بعدي اماني ( تبتسملي) و اللي بعدها بعد اختي كوثر و تعرفين شموه اختيالصغيره نحن عمات محمد اما اللي بعد كوثر هالحرمتين حريم اخواني و الاولى حرمة اخوي يوسف و اسمها مهره و الثانية حرمة اخويحميد و اسمها عايشه ( تطالعني من فوق لتحت ) طبعا البنات اول شي بنات مهره الكبيره فاطمه و اللي بعدها وديمة و خديجه
أنت تقرأ
لـي صـاحبن يشـرح الخـاطـر
Teen Fictionبسم الله الرحمن الرحيم اللهم ارحم جدي و جدتي 💗 روايه ليس لها بواقعي صله كتبتها بلهجتنا الاماراتيه اهديها اولا لصديقتي التي كانت اكبر دافع لي و من ثم لكم اسأل الله التوفيق و قرائة ممتعة لكم 💗 بـنت عـبـيـد .