انا ساكته
مسكني من ايدي و وداني السياره و راح ياب الطلب
محمد ركب ورى عندي و كان ساكت و انا كنت ساكته و فجأة انفجرت صياح كان صياحي نفس صياح اليهال اصيح و انوح كأني كنت افضفض لمحمد بصياحي كان محمد ساكت و بس يطالعني و انا اصيح بعمق كأنه التراكمات اللي تمت في صدريعلى ابوي و صفوان كلها طلعتها عنده تميت اصيح لمده طويله صياح المفروض اصيحه من اربع خمس سنين بس ما طلع بديت اشهق ضاق نصخي ما قدرت اتنفس عدل و بديت اكح و اكح فتحلي محمد دبة ماي و عطاني اشرب
اطالعت محمد بنظره جدا طفوليه حسيته ابوي وايد حسيته ابوي كان يعطيني نظرة انه لو تبين تصيحين اكثر عادي ترا بسمعج تذكرت موقف
__
الساعه 2:30 فليل
انا اتصل
صفوان بصوت جدا تعبان : الو؟
انا بصوت واضح اني كنت ميته صياح : اوه راقد؟
صفوان : هي , تبين شي؟
انا : هي صفوان ( بديت ادمع ) وايد مضايقه
صفوان : الله يهديج رقدي بس
و سكر
__
انا : لوعت جبدك من كثر ما صحت؟
محمد : لا شدعوه؟ لو ما انه صياحج على حزن كنت قلتلج احلى من يصيح
أنت تقرأ
لـي صـاحبن يشـرح الخـاطـر
Teen Fictionبسم الله الرحمن الرحيم اللهم ارحم جدي و جدتي 💗 روايه ليس لها بواقعي صله كتبتها بلهجتنا الاماراتيه اهديها اولا لصديقتي التي كانت اكبر دافع لي و من ثم لكم اسأل الله التوفيق و قرائة ممتعة لكم 💗 بـنت عـبـيـد .