الريم : تبين الصدق انا ما اداني هالمغازل بس ذياب مبين عليه انه ولد سنع بس قسم بالله لو ضايقها مره ثانيه بصفعه
انا : ابوي انتي خطر على المجتمع
الريم : الحمدالله شهاده افخر بها
انا : خلي ها احين شو بنسوي للبنات ؟
الريم : بخليهن يسلمن قبل الميث
انا : كيف
الريم : بنخلص كلنا الا انتي و قبل ما تسلم تمي سأليها اسأله لين ما ايب ذياب و سلمي خلي المراقبه تطلع و انتي وياها و بندخل ذياب و بنسكر الباب و الباقي يعتمد على الذيب
انا : تقولين؟
الريم : هي
انا : مخ والله مخخ
المراقبه اللي بتكون على صفنا : يلا دخلن القاعه و لا تبن دعوه
انا : يا ليل ليش حطوا هاي علينا
الريم : غثيثه وربج
دخلنا مر الامتحان علي مثل السم كأنه تعبي هالاسبوع كله راح عبث انغصيت و ربي اختنقت كنت بصيح في الامتحان تميت احل و احل و كل سؤال احله ما احصل جوابه بين الاختيارات
دخلت مس الماث و ساعدتني تمت تخبرني انه كل شي اسويه صح بس خطوه وحده اللي تنقص و الحمدالله قدرت احل عدل ساعدت ربيعاتي كلهن الا الميث خليتها اخر شي خلصن البنات و غمزتلي الريم ساعدت الميث و سلمنا و طلعت المراقبه
أنت تقرأ
لـي صـاحبن يشـرح الخـاطـر
Teen Fictionبسم الله الرحمن الرحيم اللهم ارحم جدي و جدتي 💗 روايه ليس لها بواقعي صله كتبتها بلهجتنا الاماراتيه اهديها اولا لصديقتي التي كانت اكبر دافع لي و من ثم لكم اسأل الله التوفيق و قرائة ممتعة لكم 💗 بـنت عـبـيـد .
