Unicode
"Ai Jeff မင်း ပြိုင်ပွဲကိစ္စကော အခြေနေဘယ်လိုလဲ"
အကင်အိုးပေါ် သုံးထပ်သားပြားတွေရှဲခနဲတင်ရင်း Dan ကစကားစသည်။
"ဖောင်တော့တင်ပြီးပြီ၊ ပြိုင်ပွဲက နည်းနည်းတော့ကြီးတယ်ကွ"
"ဘာလဲ ခုတည်းက ယုံကြည်မှုပျောက်နေပြီလား"
"အေးကွာ ငါလည်းဘာတွေ ကြောက်နေမှန်းကိုမသိပါဘူး"
အိမ်ထဲကနေ အအေးဗူးတွေမနိုင်မနင်းသယ်လာတဲ့ Barcode ဆီက ဗူးတွေကူသယ်ပေးရင်း Jeff ကစကားပြန်သည်။
"P'Jeff က ပြိုင်ပွဲမှာ၀င်ပြိုင်မလို့လား?"
"အင်း ဘာလို့လဲ"
"ကောင်းတာပေါ့ P'Jeff အသံကဒီလောက်ကောင်းတာကို လူတိုင်းကြိုက်ကြမှာသေချာတယ်"
"မင်းကော ကြိုက်လား?"
Jeff ကိုအမွှန်းတင်နေရင်း ရုတ်တရတ် မေးလာတဲ့ Dan မေးခွန်းကြောင့် ကြောင်အမ်းအမ်းဖြစ်သွားသူမှာ Barcode နှင့်အတူ Jeff ပါပါသည်။
"အမ်?"
"ကြိုက်လားလို့မေးတာလေ၊ ဘာဖြစ်လို့ကြောင်နေတာလဲ"
"ကြိုက် ကြိုက်ပါတယ် သီချင်းဆိုတာကို ကြိုက်တယ်လို့ ဟီး"
ငယ်သေးတဲ့အရွယ်ဖြစ်တာကြောင့် ကြိုးစားဟန်ဆောင်သော်လည်းပဲ စိတ်ထဲမလုံဖြစ်သွားတဲ့ ကြောင်အမ်းအမ်းရုပ်ကလေးက အရာအားလုံးကို ဖော်ပြလျက်ရှိသည်။
ထိုကလေးရဲ့ အူကြောင်ကြောင် အဖြေကိုကြားတော့ တစ်ဖက်ကိုလှည့်ကာ Jeff ခိုးရယ်မိသည်။ 'ကိုယ့်ကိုရော မကြိုက်ဘူးလား' လို့ မေးချင်ပေမယ့်လည်း ပါးစပ်ကပြောမထွက်၊ ဒါအပြင် ဟိုကောင် Dan ကရှိနေပြန်သည်။
"Ringtone"
ညအချိန်မတော်ကြီး လာတဲ့ဖုန်းက unknown number ဖြစ်နေသည်။ ဘယ်သူ့ဆီကမှန်းမသိတာကြောင့် ကိုင်လိုက်သည်။
"Hello"
"Jeff"
Jeff ကြားလိုက်သောတစ်ဖက်ကအသံမှာ ရင်းနှီးဖူးသောအသံ၊ သို့သော် တုန်ယင်နေပြီး အသဲအသန်ငိုထားပုံပေါက်သည်။
အနားက Barcode နဲ့ Dan ကို တစ်လှည့်စီကြည့်ရင်း
"Rose, ဘာဖြစ်တာလဲ"
YOU ARE READING
STAY
Fanfic"လူတွေသိတဲ့ ငါက Kim.....ပြီးတော့ မင်းက Chay...... လူနည်းစုပဲသိတဲ့ငါက Jeff......ပြီးတော့မင်းက Barcode...... အဲ့နှစ်မျိုးက အပြိုင်စင်္ကြာ၀ဠာဆိုရင်တောင် ငါ့နှလံုးသားကတော့ မင်းကိုပဲ ရွေးချယ်မိမှာပဲ" - 𝗝𝗲𝗳𝗳 𝗦𝗮𝘁𝘂𝗿 "စင်္ကြာ၀ဠာတိုင်းမှာ အစ်ကို့ကိုခ...
