" انك تتباهى بي اسمك او شرفك او قبيلتك دي حاجة موجودة في كل إنسان بس كونو انك تتباهى بي مالك ورتبتك دا شي بخليك صغير جدا في نظر الناس يعني ربنا أداك المال عشان تنفق وتساعد المحتاجين ما أداك ليو عشان تتباهى بيو قدام الناس؛ وقصتنا المرة دي عن واحدة اسمها سمر دي بت أكبر الأغنياء في حيها وحتى بيتهم عبارة عن قصر وكلهم هم ما فايتين أربعة بي ابوهم سمر وسحر اختها وامها وأبوها؛ كلهم متواضعين شديد الا سمر دي متكبرة شديد وشايفة نفسها وكل زول بتشوفو زي الحاجة الكعبة وهي ما عارفة انو كل الناس شايفنها ولا شئ يلا سمر دي عندها صحبتها واحدة وشدييييد كمان اسمها اسراء هي زاتها غنية بس ما متكبرة زي سمر وقاعدة تنصحها كتيير بس سمر م بتسمع كلام زول ؛ سمر مخطوبة من واحد اسمو مهند وهو ود صاحب ابوها وبحبو بعضهم كتير وبتشاكلو كتير بسبب تكبر سمر بس مهند في النهاية بتنازل هو وبراضيها عشان هو بحبها وسحر مرتبطة مع ايهاب اخو اسراء ولسة ما اتخطبوا؛ سمر قاعدة في اوضتها اتصلت عليها اسراء "
سمر: أهلا يا مرض
اسراء: مرض يمرضك اها الطلعة كيف بكرة ؟؟؟
سمر: اي في طلعة لكن نمشي وين ؟؟؟
اسراء: نمشي شارع النيل نقعد قعدة ظريفة كدا صاح مهند جاي معانا؟؟؟
سمر: شارع النيل 😖😖 ملقيتي غير الحتة دي م مستوانا ياخ 😒
اسراء: ياخ بطلي الشي البتعملي فيو دا واصحي على الواقع وبعدين حتكون قعدة ظريفة انتي ومهند سحر وايهاب وانا 😇😇😇
سمر: 😂😂😂😂 وانتي مع منو ؟؟؟
اسراء : جايين صحباتي ياخ المهم لي بكرة انتي كلمي مهند بس مع السلامة
سمر: طيب لي بكرة 😇😇
"طبعا اسراء م مرتبطة هي بتحب مهند من قبل يقول داير سمر بس لم اتكلم هي اتنازلت عنو عشان هي طيبانة واعتزلت من بعدو الحب عشان اتكسرت هو عارف انها بتحبو بس هو بحب سمر ؛ سمر اتصلت على مهند "
سمر : الو مساؤ 😊😊
مهند: حياتي انا مسائي انتي ❤ كيفك؟؟
سمر: تمام وانت كيفك؟؟؟
مهند: الحمد لله وبعدين تمام دي مش قلنا نخليها😐
سمر : تمام ......🤐 اقصد طيب 😅
مهند : 😂😂 اي كدا لازم تتعودي انك تحمدي ربك في كل ثانية
سمر : طيب يا مهند 😇😇😇
مهند:وحلاتو البسمع الكلام❤😍
سمر: طيب يا مهند خلاص بطل اها بكرة حتجي معانا ؟؟
مهند: لالا ياخ ما بقدر 😔
سمر : لي ياخ لازم تجي انا اقعد مع منو😫😫
مهند: عندي شغل كتير يا سمر زي ما عارفة شريكي سافر وانا بقيت براي مضغوط 😔
سمر : طيب يا مهند خلاص ما تجي شغلك أهم مني يلا مع السلامة 😔💔
" فصلت الخط فيو يلا هم طبيعي كدا بتشاكلو دائما؛ يلا مهند دا ولد صاحب ابوها يعني من قاموا سوا وهو ود بيتهم رجع اتصل ليها ما ردت طوالي اتصل لي اسراء "
مهند : الو اسراء كيفك مسا الخير واسف على الازعاج
اسراء : مسا الخير ماف اي ازعاج لالا عادي
مهند: طيب سمر دي م بترد علي ممكن تشوفيها لي
اسراء: خير اتشاكلتو ولا حاجة؟؟
مهند : والله يا اسراء سمر دي زعلت عشان انا قلت ليها ما بقدر اجي بكرة معاكم لاني مشغول شديد والله
اسراء: طيب بشوفها ليك وبوريك
" اسراء اتصلت على سمر "
سمر: اها مالك تاني يا مرض خلاص رسلوك 😒
اسراء: عايني يا سمر كدا م ممكن معاك مهند بحبك فتحي عيونك دي يعني عشان م جاي تعملي كدا بدل ما تقيفي معاهو وتسندي لو م كنتي معاهو هسا متين حتكوني معاهو وريني لو عملتي كدا حتخسري صدقيني لانو لو ما لقى منك اهتمام اكيد حيمشي منك ويفتش اهتمام من غيرك 😔
سمر: اها واعمل ليو شنو انا مثلا ؟؟
اسراء: طيب يا سمر ما تعملي ليو شي بعد تخسريو حتعرفي تعملي شنو😒
" فصلت الخط واتصلت على مهند كلمتو انها م بترد برضو "
يتبع........
