سمر : الو يا مهند كيفك بس معليش انا لازم اشوفك ضروري
مهند : طيب حأنتظرك في المكان الاتلاقينا فيو اخر مرة
" وفعلا مهند مشى شارع النيل وانتظر سمر وهي بعد ساعة بالضبط وصلت "
سمر : مهند كيفك ؟؟؟؟
مهند: الحمد لله وانتي كيفك
سمر: تمام مهند معليش انا ما شفت رسالتك الا الليلة
مهند : طيب ي سمر انا مرسلها ليك من كم ؟؟؟؟؟ طولت صاح وم شفتيها الا الليلة وبعدا تسمعيني الكلام الفارغ دا وتقولي انتي م بتهميني؟؟؟؟؟ انا الطلعت ما بهمك يا سمر للاسف انا الطلعت ما بهمك 💔😔
سمر : مهند معليش م تقول الكلام دا انا قلتو ليك في ساعة غضب بس 😖
مهند : انتي طول عمرك كنتي كدا ومستحيل تتغيري طول عمرك بتقارنيني بيك وتقولي انو وضعي زي الزفت طول عمرك بتهمك القروش والوضع المادي وشكلك مأملة على انو وضعي زي وضعكم صاح طيب احب اقول ليك انو لا يا سمر انا وضعي اقل من وضعكم وبكتير كمان وانا كدا مبسوط وراضي 😊💔
سمر: لالا يا مهند خلاص بطلت كل شي كنت بقولو ليك انا تاني حأعمل كل شي بتطلبو مني وأكون معاك
مهند: تكوني معاي بعد شنو ؟؟💔 بعد كسرتيني ولا بعد انا خسرت كل شي كل ببني فيو عشانك اي يا سمر انا خسرت الشغل المشيت عشانو وخسرت شريكي 💔 خسرت الشركة وخسرت كل شي انتي ما عارفة انا مريت بشنو يا سمر انتي ما عارفة 💔 ما عارفة اني كنت حأتزوجك واتقبلك بس عشان خاطر ابوي وابوك وبديت اتقرب منك واحبك بس عمايلك كرهتني فيك 💔 ما عارفة اني كنت مستعد أتخلى عن كل شيء واكون معاك بس انتي ولا يوم ما كنتي معاي وفي لحظات كنت متمنيك فيها تكوني معاي بس ما كنتي 💔 ما عارفة انو اهمالك للرسالة دي خلت حياتي كلها جايطة انا قلت ليك تكلمي ابوك عشان يكلم ابوي و ابوي حيكلم ناس الشركة لأني م لقيت فرصة اكلمهم واعتبروني هارب اتخيلي 💔 انا خسرت كل شي كل ببني فيو عشانك وبسببك وم حتقدري تعيشي مع واحد فقير وما عندو قروش عشان كدا انا نهيت كل شي بربطنا مع بعض
سمر: مهند لا😭😭 انا ما بقدر اعيش من دونك انا خسرت صحبتي الوحيدة عشانك وانت حتخليني؟؟؟
مهند: يا خسارة الصحبة والعشرة انا م بقدر اعيش معاك لاني اكتفيت خلاص !! خلي قروشك البتتفاخري بيها دي تملأ ليك الفراغ الفي حياتك وانسى اني كنت جزء من حياتك طيب يلا سلام 💔
سمر: 😭😭😭😭 مهند لاااااااااااا
" مهند فات خلاها وهي بتبكي سمر خسرت كل شي في حياتها بسبب تكبرها خسرت صحبتها وخطيبها و اختها وامها وعلى شوية حتخسر نفسها ودا كلام سحر القالتو ليها ؛، مهند رجع لأبوهو وحكى ليو الحصل كلو وانو مستحيل يرجعها في حياتو ولازم يرجع الإمارات عشان يصلح كل شي اتخرب وم معروف حيقعد كم يمكن سنة سنتين تلاتة المهم لمن يصلح كل شي بعدها برجع وفعلا دا الحصل مهند سافر ع اول رحلة في اليوم التالي وسمر اتكسرت وحست بنفسها صغيرة شديد وكمان بقت تتزهج في أقل شي بحصل بعد منهد أتخلى عنها وجاها إنهيار عصبي بقت تبكي وتعاتب نفسها ليل نهار سحر حنت على حالتها ودوها من مستشفى لي مستشفى وبقت عايشة على المهدئات "
يتبع.........
