" مهند بقى بتكلم في نفسو انا تعبت من عناد البنت دي طول عمرها عنيدة وراسها يابس وجنها مشاكل وفوق دا كلو متباهية ومتكبرة انا تعبت من العيشة دي حبيتها غصبا عني عشان ابوي وأبوها اصرو انهم يزوجونا لي بعض بس بحركاتها دي شكلها حتخسرني لالا يا منهد استغفر ربك وارجع ؛ مهند استغفر وصلى ركعتين ورقد نام وهناك سمر بتشكي لي سحر "
سحر: خلاص اسكتي ياخ
سمر : شوفي ولا اشتغل بي تاني 😭😭😭
سحر: من حقو وانا لو كنت في مكانو تاني لو بقيتي قبلة ما بصلي عليها لأنك ما فكرتي ولا يوم انو هو بخاف عليك وبحبك بدل ما تكوني معاو في حوجتو ليك تنكدي عليو ؟؟؟
" اتناقشو كدا وطبعا سمر كالعادة ما بهمها شي غير كرامتها ومكانتها رقدت نامت على كدا تاني يوم ماف واحد اتصل للتاني وبالمسا طلعوا فاتو شارع النيل سحر وايهاب مع بعض سمر واسراء قاعدين سوا كدا مهند جا وشايل هدية في يدو سمر شافتو فرحت بس عملت نفسها زعلانة اسراء خلتهم مع بعض وفاتت لي صحباتها"
مهند : زعلانة مني يعني 😐 جبت ليك شوكولاته معاي محتشوفيها😔 خلاص انا ماشي م مشكلة 💔
سمر: انت عارف اني ما بقدر ازعل منك 😫💔
مهند : وانتي عارفة اني ما بحب اشوفك زعلانة بس انا مضغوط والله جيت بس اراضيك وراجع خليت المكتب فاضي 😔
سمر : طيب ما مشكلة طالما جيت بس ما تمشي قبل ما تاكل معاي الشوكولاتة 😁😁
مهند: 😂😂😂 طيب
" مهند قعد شوية وقام فات شوية كدا سمر مشت قعدت مع اسراء وصحباتها مع انو م بتطيقهم بس عشان م تقعد براها بتونسو ساي وسمر تعاين ليهم كيف كيف جابو عصير وواحدة من صحبات اسراء بالغلط كشحتو فيها "
البنت: معليش 😖😖
سمر : معليش شنو انتي عميانة وبعدين الطلب منك عصير منو بتتوقعي انا اشرب عصير من برا لي قايلاني شنو وانتي منو اصلا عشان تكشحي فيني العصير قايلاني من مستواك اصلا من شكلك دا زي الشحادة م من مستواي 😒😒
اسراء: سمر خلاص الموضوع ما بستاهل والبنت اعتذرت منك شنو هو
سمر : اي م عشان صحبتك واصلا ما عارفاك بتصاحبي ناس زي ديل كيف
اسراء : سمر خلاص الموضوع م جاب كدا وهو وينو الموضوع البخليك تهيني في البنات كدا اصحي على نفسك انتي قايلة نفسك شنو مجرد انسان م اكتر
سمر: طيب يا اسراء خليك مع صحباتك اصلا م بتشرف اقعد مع ناس زي ديل
" سمر فاتت واسراء لحقتها "
اسراء : دايرة اقول ليك كلام بس م حبيت اقولو ليك قدام البنات انتي عشان غنية بتشوفي الناس كدا كل زول بتشوفي م مستواك طيب اعرفي انو بتصرفاتك دي كل الناس بتشوفك ولا شئ عمرها القروش م بتفرق بين الناس
سمر: بس بالنسبة لي بتفرق يا اسراء وشكرا ليك انك وريتيني اني ولا شي واعرفي اني من الليلة م محتاجة ليك خليني مع نفسي وقروشي دي بس 😌🤚
اسراء : طيب يا سمر شكرا لأنك نكرتي كل جميل كان بينا خلي قروشك تبني ليك صحبة جديدة تستحملك وبعدا لو احتجتي لي في يوم اكيد حتلقيني جمبك واعرفي انو قروشك محتعمل ليك شي في النهاية حتضرك بس م اكتر 😔
سمر: اتأكدي اني محاحتاج ليك في يوم نهائي طالما مهند والقروش في حياتي وانسيني وامحيني من حياتك طيب يلا سلام 😌🤚
"سمر مشت واسراء من بعد كوركت ليها "
اسراء : عشان بس كنا اعز أصحاب حتبقي اكيد دوام في البال 😔💔
" سمر فاتت بيتهم وحتى م انتظرت سحر ؛ اسراء زعلت شديد وانكسرت انها خسرت سمر بس كمان سمر الدايرة كدا مسحت دموعها ورجعت لصحباتها لقت سحر واقفة معاهم وحكوا ليها الحصل "
سحر: يعني انتي وسمر اتشاكلتو؟؟؟
اسراء: لا م اتشاكلنا ببساطة انا وهي انتهت علاقتنا وماف شيى بربطنا بي بعض ؟؟؟؟
سحر: للدرجة دي سمر بقت عميانة قروش ؟؟
اسراء : شكرا للموقف الوراني الحقيقة وبالنسبة لي كل شي انتهى خلاص 💔 م كنت حابة اقول كدا بس جبرتني يا سحر وعليك الله م تشيلو في خاطركم وكلمي خالتو عليك الله م تزعل مني 💔
" اتكلموا كدا ورجعوا البيت "
يتبع.....
