" بعد سنة في الإمارات لسة مهند م رجع وبدأ يرجع كل شي براهو ويبني من اول وجديد ؛ وهو في الشركة بيتكلم مع شريكو الجديد محمد "
محمد : اها وقعت على الأوراق؟؟؟
مهند : اي والحمد لله الصفقة تمت ونجحت والشركة حتحقق أرباح عالية شديد 😊
محمد : خبر حلو ويستحق الاحتفال الليلة عازمك عشاء في البيت طيب
مهند : كيف ؟؟؟؟ والله يا محمد .......
"محمد قاطعو"
محمد : بزعل منك والله اول مرة اطلب منك كدا وحتخذلني 💔
مهند : طيب ما مشكلة بجي بس م بعرف البيت رسل لي الموقع طيب
محمد : طيب يلا مع السلامة لي بعدين
" محمد رجع بيتو وكلم مرتو انو جاي ضيف يتعشى معاهو وبدو يجهزو بعد العشاء كدا مهند جا بيت محمد ورحب بيو وضيفوهو ومرتو ختت العشاء وقعدوا يأكلوا"
محمد: حتاكلي من دون اختك ناديها
"فاتت نادت اختها والمفاجأة انو اختها طلعت اسراء يعني محمد طلع راجل اسرار اختها الكبيرة 😨 اسراء ساعة شافت مهند اتفاجأت والعجب مهند "
اسراء: مهند😨😨😨😨😨
مهند: اسراء 😨😨 انتي ؟؟؟؟؟
محمد : بتعرفوا بعض ولا شنو؟؟؟؟؟؟
اسرار : ما تقولي لي دا مهند خطيب سمر ؟؟؟
مهند : كنت خطيبها بس هسا لا
اسراء: كيف يعني كنت خطيبها ؟؟؟
مهند : كدا عديل انا وهي انفصلنا قبل سنة ؟؟؟؟
اسراء: لي 😨😨😨😨😨
محمد : دا ما وقتو اقعدوا اتعشو وبعدها اتكلمو عشان الاكل ببرد
" قعدوا أكلوا وشربوا العصير بقو بتونسو "
اسراء: انا لازم اعرف كل شي يا مهند احكي لي
مهند : طيب تتذكري اخر يوم لاقيتك فيو في شارع النيل؟؟؟؟
اسراء: يوم سمر كانت زعلانة منك داك ؟؟؟؟
مهند : اي بس يلا جاني اتصال من الشركة بعد رجعت منكم و........" حكى ليها الحاصل كلو " وفي النهاية نهيت كل شي بربطنا مع بعض لاني بالجد تعبت من العيشة دي كنت محتاج ليها في عز وقعتي وضغوطاتي وهمومي بس م كانت معاي ودايما بتقارني بي وضعهم المادي وانا كدا مبسوط وراضي ومرتاح والحمد لله اني أنقذت نفسي قبل ما أقع فيها 😊
اسراء: دا كلو حصل وانا ما عارفة وصحي اعرف كيف وانا بقيت ولا شي بالنسبة ليها اعرف كيف وهي خلت القروش شي أساسي في حياتها واختارتها وخلتني 💔 وبرضو يا مهند ما كان تخليها لانها بالجد بتحبك هي خلتني عشانك يا مهند في النهاية اتخليت عنها ؟
مهند : هي ما خلتك عشاني هي خلتني وخلتك عشان القروش وخليها تتحمل نتيجة اغلاطها
" اتونسو كدا ومهند واسراء شالو أرقام بعض وطلع فات"
من جانب تاني.........
"في السودان سمر حالتها اتدهورت شديد وحتى بقت تستفرغ دم "
ام سمر: لازم نشوف أخصائي بعدا
ابو سمر: طيب كلامك صاح بحاول احجز ليها الليلة
ام سمر: طيب
" أبو سمر فات للاخصائي وم لقى حجز قريب الا بعد شهر لانو مسافر وبجي راجع بعد شهر وجا راجع قال يصبرو لمن يجي "
نرجع للامارات......
" اسراء ومهند بقو مقربين من بعد وبتكلمو كل يوم والتاني في يوم مهند قال ليها بحبها وهي ما ردت ليو جات لاسرار اختها "
اسرار : وافقي عادي اصلا انتي بتحبي قبل يقول داير سمر
اسراء: بس كيف يا اسرار م بقدر هو كان خطيب صحبتي 💔
اسرار: لي م بتقدري وبعدين هي كانت صحبتك بس هسا لا وانتي م عملتي شي بالأول اتنازلتي عن حبك وهسا جاتك الفرصة لي عندك حتخسريها؟؟؟؟
اسراء: كلامك صاح بس برضو شينة في حقي
اسرار: انا غايتو وريتك والباقي عليك
" اسراء فكرت في كلام اختها الكبيرة وشافت انو صاح وقالت لمهند موافقة "
يتبع .......
