" تاني يوم اسراء جات لي سمر وشايلة اكلتهم المفضلة قاعدين يأكلوا وبتونسو "
سمر: شكلك مبسوطة بعد السنة العدت دي .....!
اسراء: اي مبسوطة عشان انا وانتي رجعنا 😊
سمر: دا م قصدي لكن يا اسراء انا قصدي انتي مبسوطة مع مهند ؟؟؟؟؟
اسراء: مههههنننننند 😨😨😨 بسسسسس.........
"سمر مقاطعتها...."
سمر: ماف داعي مهند كلمني الحقيقة كلها وبعدين هدا ظاهر في عيونك انك مبسوطة وبتحبي 😊😊😊
اسراء: اعمل شنو طيب يا سمر 😭😭😭بالجد مهند كان محتاج لزول جمبو يساعدو ويسندو وم قدرت اشوفو بالحالة دي قررت اكون جمبو وحبيتو من دون م أشعر بنفسي😭😭😭😭 عارفاك حتقولي اني خنتك بس والله انا م........
سمر : كلامك صاح انتي م خنتيني ولا يوم ولا حتخوني ثقتي فيك وانا واثقة من كدا انا اتخليت عنك وعنو في أشد حوجتكم لي وقدرتو تكونوا جمب بعض وسند بعض ودي اكتر حاجة فرحتني 😊
اسراء: عارفاك بتحبيو يا سمر 😭😭😭😭
سمر : صاح انا بحبو بس هو بحبك انتي وبعدين انا م قدرت اكون سند ليو بس انتي حتكوني وانا واثقة انا دوري حينتهي في الحياة والمسرح حقك استغلي الفرصة م تفشلي اوعديني يا اسراء انك حتكوني افضل زوجة لي مهند وم تتخلي عنو اوعديني انكم م حتنسوني نهائي اوعديني 😔
اسراء : بوعدك يا سمر وبعمل كل ما في وسعي عشان اسعد مهند واسندو وم حننساك ابدا 😭😭😭
سمر : كدا حأموت وضميري مرتاح طيب ارح نتصور مع بعض للذكرى 😊
"سمر واسراء اتصورو مع بعض بعد يومين سمر ماتت 😭😭😭 اسراء زعلت شديد زعلت عليها والعجب وبكت بحرقة شديدة بعد الموضوع عد واتجاوزتو بعد سنة مهند واسراء اتزوجو واسراء علقت اخر صورة ليها مع سمر في الهول بعد سنة مهند واسراء جابو بنت سموها سمر ؛ اسراء شالت سمر ووقفت في الهول قدام صورتهم "
اسراء : زي ما وعدتك يا سمر م حننساك ابدا شوفي سمر بتشبهك كيف 😍😍😍 ومهند اسعد انسان وان شاء الله دايما بسعى عشان يكون اسعد انسان وربنا يرحمك وان شاء الله حنتلاقى في الجنة 💜
الخلاصة.......
مهما كنت غني م تتكبر وتتباهى لانو ربنا اكيد م أداك المال عشان تتباهى بيو قدام الناس ادك ليو عشان تنفق وتساعد المحتاجين وذويهم لأنك لو اتباهيت نهايتك حتكون وخيمة ؛ شفت في سورة الكهف لم الرجل اتباهى لصاحبو؛قال تعالى( وقال لصاحبه وهو يحاوره انا اكثر منك مالا واعز نفرا )
في النهاية ربنا جازاهو ونهايتو كانت وخيمة
وقارون برضو كان بتباهى وربنا جازاهو ونهايتو كانت وخيمة ؛ قال تعالى : ( وخسفنا به الأرض )
وفي قصتنا الفاتت دي برضو نهايتها كانت وخيمة ؛المال مجرد زينة للحياة زي ما قال ربنا في كتابو
قال تعالى:( المال والبنون زينة الحياة الدنيا والباقيات الصالحات خير عند ربك ثوابا وخير املا)
صدق الله العظيم
النهاية 😊❤
صاح القصة قصيرة جدا بس انا كتبتها للعظة والعبرة 💜
