المغرب انس رجع لارا وجانا ومنها رجعنا البيت 🖤 رسلت ل لارا م تكلمي زول ودخلت لناس البيت امي قالت لي مالك فيك شنو قلت ليها امي انا كويسه بس عايزه انو لي يومين م نايمه كويس قالت لي ليه مالك م بتنومي قلت ليها امي بس اصحى واحكي ليك تعبانه ي امي قالت لي سمح تعالي رقدتني فيها وبقت تلعب لي بشعري لمن نمت جا مهند شالني وداني الغرفه🖤 ونزل تحت قاليهم البت دي مالا م كويسه جا انس من بره قاليهم تعبت وديتها الدكتور امي وابوي اتخلعو قالو ليو مالا قاليهم والله ي جماعه الدكتور قال عندها ضغط ومحتاجه راحه امي بكت شغاله بتي لسه صغيره يحليلها مهند شال همي وخالتي موده بتصبر ف امي بتقوليها اهدي ي سلوى هي كويسه هسي بس تنتظم ف العلاج 🖤 بعد امي راقت و وقت النوم جا نور قالت عايزاني وبتبكي وامها بتحنس فيها بس هي م راضيه انا صحيت عايزه مويه سمعت صوتها طلعت لقيتا بتبكي واول م شافتني جاتني جاريه 😂🖤 قلت ليها نوري السمحه مالك قالت لس انوم ممعاكي🥺 قلت ليها طوالي حبيبتي وشلتها شربت مويه جيت لامي لقيتا دموعها ف عيونها بستها قلت ليها مالك ي امي قالت لي ليه م بتوريني قمت عاينت لأنس وقلت ليها يدوب عرفت ي ماممتي اهدي انا كويسه ومهند ولا بابا بصرفو لي حبوب باخدها طمنتها اني كويسه وقمت شلت نور ودخلت غرفتي💜 رقدتها نومتها بعدها لقيت يوسف مرسل لي رديت عليو و نمت الصباح صحيت ابوي قال لي جامعه م بتمشي الليله اتصلت ل لارا عشان تشرح لي بعدين وحذرتها م توري زول بعد قفلت نور جات نازله وبتدعك عيونها💜 وبتفتش فيني قالت لي يوتا كنت بفتش فيك بلغه الشفع😂💜 مشيت بستها وسقتها حميتها وغيرت ليها ونزلت معاها شربتها الشاي مسكت تلفوني فتحت الفيس ونزلت ف صفحتي بوست 🖤
محتواه " الذكريات التي لا تَموت تُميت ؟ "🖤
وقفلت التلفون بقيت سرحانه ماما جات قلتليها سوسو مدرستك وين قالت لي م ماشه الليله قلت ليها سمح نفسي ف بطاطس ب باشميل ممكن تسويها لي💜 قالت لي من عيوني 💜 بستها وجات نور حاكتني بعد مسافه جو الشفع حبايبي رامي و يارا وريم ❤️ خالتو اجلال قالت ليهم تعالو خلوها ترتاح قلت ليها جوجو خليهم مرتاحه انا 💜 جات ربا بتنضف قمت سقت الاولاد طلعنا الحديقه الورا قعدت معاهم ف المرجحانيه ولعبتهم واحد واحد واستمتعو واتصورنا ولعبت معاهم💜 بعدها نادونا للفطور الساعه كان ١١ فطرنا وانا نعست قمت نمت 💜 صحيت بعد ساعه لقيتهم بتكلمو مع عثمان لمن شافتني خالتو اجلال عايزه تكلمو خطفت التلفون قفلتو حذرتهم من انو يعرف ولا حخلي البيت اقعد ف الشقه وكنت جاده معايزه زول يعرف خالص غير العرفو امس امي قالت لي د اخوك قلت ليها و د بزات انتو مفروض م توروهو عشان هو بره وكدا حيقطع شغلو ويجي المهم بعد اقنعتهم عثمان اتصل تاني مهند قاليو الشبكه المهم بعد خلصو قال جاي يحضر رمضان هنا يعني بعد ٥ شهور تقريبا 💜 بقيت بعاين ليهم قلت ليهم انا طالعه مع انس حاخد الرخصه اليوم قالو لي تمام سقت انس ومشيت استلمت رخصتي ومنها نزلنا ف مطعم الساعه كان ٣ اتغدينا وشربت عصير 💜 بعد خلصنا رجعنا البيت لقيت الشفع بيبكو عايزني قلت ليهم ارح سقتهم الطابق الاخير ف غرفه كدا دخلنا بقينا نلعب الغرفه كان فيها حوض كبيييييييير مليان كورر (جمع كوره😂) قعدت معاهم ولعبتهم ومهند جاب حبوب اداني بلعت وكنت مرهقه جات ملاذ ومعاها رغد قالو لي بنلعبهم نحن امشي ارقدي ارتاحي 💜مشيت يوسف اتصل لي بنتكلم قال لي ليه م جيتي قلت ليو عيانه شويه بكره بجي ان شاء الله قال لي مالك قلت ليو ارهاق ساي كويسه هسي قال لي طيب داخل محاضره لبعدين وقفلنا 🖤✨ مرو يومين وانا نزلت جامعه ولارا شرحت لي الفاتني بعد شهر كدا ونحن بمحاضره جا عميدنا قالينا بعد ساعه حتمشو المستشفى تشوفو الحالات الدكاتره بتعاملو كيف مع المرضى وكدا وطبعا ابوي عندو مستشفى للامراض النفسيه 🖤 مشيناها كان واقف بره مع الامن سلمت عليو قلت ليو هيثم حبيبي عايزه تلفون جديد تلفوني قفل شاشه قال لي خلصي من العملي بتاعكم ونتلاقى بعد تخلصي مش م عندكم شي بعديو ؟ قلت ليو ايي قال لي تمام دخلت مع التيم وبقينا نلف مع الدكتور وجزء مع دكتوره تانيه وانا طبعا بعرف اتعامل مع المرضى كان اخدت كورس ف قطر لمن سافرت لعثمان قبل سنه 🖤 يلا كان ف صوت صراخ من غرفه مشينا الدكتور بتاعنا سأل الممرضه مالو ! عندو شنو قالت ليو د قبل شهر جابو لينا واحد قالينا خلوه عندكم ومشا ودفع للمستشفى مبلغ كبير وقدر م اتكلمنا معاو ابا يتكلم ولو دخلنا ليو بصرخ اتناقشو الدكتور والممرضه وقالينا يلا نتم 🖤بس انا بالي مع المريض الكان بصرخ دا عمرو ١٤ سنه تقريبا شافع يعني والولد ماشاءالله حلبي وحلو شديد💜 بعد خلصنا مشو انا قلت ليهم ابوي تحت بمشي معاو البيت 🖤 بعد طلعو انا مشيت لابوي اتكلمت معاو واتفقت معاو ع شي قال لي طيب بعدها طلعنا مشينا محل تلفونات نزل وجا جاب لي تلفونين قال لي ايفون ١١ برو ماكس و د للتصوير لاني عارفك مجنونه تصوير😂💜 والتاني استخدميهو أنتي للمكالمات والسوشيال وكدا سامسونج s20 ❤️فرحت شديد بستو قلت ليو الله يديمك لي يخخ😂❤️ بعدها رجعنا البيت
#يتبع
