بعدها طلعت فوق غرفتي سرحت كدا قمت مسكت تلفوني فتحت الفيس وانا ماشاءالله حسابي مقفل ٥ ألف وغير المتابعين ف نزلت بوست كاتبه سؤال فيو " كيف نتخطى الأذى النفسي السببوه لينا الناس ؟ " الردود بقت تنزل مطر ف رد كدا كان بسيط ومختصر كاتب لي بالتفويض لرب الناس م ف حل تاني ابدا عملت ليو لاف 💙 وطبعا ك انسانه ناسها متفاعلين معاها شديد كتبت بوست "موضوعنا اليوم التعامل مع الفقد ومع الشخص البيعاني مع الاكتئاب💙" والردود نازله زي المطر جد كتيره لقيت كومنت لوحده كاتبه لي "صعب جدا إنك تدخل حياه شخص وحيد وتغيرها تخيل شخص أجبرتو الظروف أنو يكون وحيد وبعد كدا يدخل ف حاله إكتئاب تفتكر شنو الممكن يحصل اللي ح يحاول يدخل حياتو ! إنت حرفياً بتبقي زي كأنك داخل تلِم قزاز لازم تبقى عامل حسابك وتعرف انك مُعرض للجروح بسببو طوال الوقت أصعب شخص ممكن تدخل حياتو هو الشخص المكتئب عشان الإكتئاب بيخليو يفقد القدره عل الانبهار باي حاجه شخص معندو أي حاجه يديها ليك إنت دخلت حياه شخص خلصان ومدام إنت ال عاوز تخشها ف تستحمل ال ح يحصل وم تلوموا ف للآخر لأنو م قادر يقدم ليك حاجه ف حقيقي الشخص الوحيد م اعتقد ح يلاقي ونس فيوم علشان خلاص الحياه ادتو دروس كتيره لدرجه انه إعتزل البشر وم بقى عاوز حاجه منهم 🖤" عملت ليها لاف ورديت ليها قلت ليها الشخص المكتئب محتاج دعم نفسي من الناس المقربين ليو وعنايه نفسيه م تتجاهلو الموضوع وتقولو يومين ويتحسن لا لو م اتعالج ح يبقى هش نفسيا ويبقى من الصعب معالجتو بعد كدا 💙 ف واحد تاني كان كاتب لي الشعور الاسوأ من الفقد هو شنو ؟ رديت ليو قلت ليو السلب وقت تتسلب منك كل حاجه وفجاه واسوا حاجه واكتر شي ممكن تأذي بيه انسان انك تديهو حاجه وتسلبها منو مره وحده هنا حيدخل ف دوامه تفكير هل انا صح ولا غلط ؟ طب هل انا قصرت ب شي ؟ يعني انا م كنت كفايه ؟ الدوامه بتاعت الذكريات وجلد الذات حيفضل مرافقك طول الوقت🖤 وبكدا قفلت تلفوني 🖤 نمت زي ٤ ساعات كدا وصحيت صليت المغرب والعشاء بعدها نزلت لقيت امي سرحانه قلت ليها مالك قالت لي اتذكرت شي بس قلت ليها اتذكرتي غسان صح ؟ قعدت تبكي انا دموعي رفضت تنزل كالعاده بس قلبي وجعني للذكرى ديي قلت ليها امي غسان بمكان افضل من هنا هو عند ربنا ادعي ليو محتاج دعاك💔 قالت لي م اشتقتي لاخوك ! انتي للان م نزلتي دمعه ل متين ي أيه لمتين حتفضلي كدا كاتمه بقلبك قلت ليها امي معايزه اتناقش ف النقطه ديي ومشيت شربت مويه وطلعت الحديقه الورا بعد مسافه جات بت ربا اسمها بسمه قعدت جمبي وهي بتعاين لي قلت ليها احكي قالت لي بقيتي حزينه قلت ليها الحزن لازم بس نحن بنقدر نقاومو ونعيش حياتنا واهو عايشه الحمدلله 🖤 سكتت م اتكلمت بعد مسافه مشت لمن ربا نادتها بقيت سرحانه بعد يومين الذكرى السنويه لغسان و ف اليوم د بزات انا بختفي نهائيا💔
غسان اخوي توأمي اتوفى بحادث غريب حتى جثتو ف واحد قالينا لقيناها ودفناها ف تركيا هناك💔 بكل مره بنسافر نزورو💔بس انا اشتقت ليو م كان بفارق ضلي خالص كان شبر شبر معاي حتى ف النوم بننوم ف غرفه وحده فيها سريرين وحاجاتنا كلها مشتركه بحبني شديد 💔 وانا ف دوامه الذكريات دي جاني عثمان قال لي يوتا يوتا ي بت قلت ليو ها نعم قال لي قومي ارح معاي هديتك بره قمت ومشيت وراهو لقيت عربيه زرقاء توسان عاينت ليو وعاينت ليها وبقيت بس ابدل النظر بينهم قلت ليو دي ؟ قال لي اييي ابتسمت كدا وحضنتو قال لي هاك اداني المفتاح شلتو ومشيت ركبتها وشغلتها ولفيت بيها شارعين نظام اجربها وجيت وقفتها ودخلت قلت ليو بالجد كدا شكرا 💙
#يتبع
