بعد خلصنا لمزن مراجعه وشرح قمنا طلعنا ع مطعم اتعشينا ورجتنا مزن دخلت تنوم وانا وعلا فضلنا بنحضر اتصلت لي لميس قالت لي جاياك وريتها اني فالشقه جات قاست لي واتطمنت وقعدت شويه ومشت مرو الايام 🖤 ف يوم علا اتصلت ليوسف قالت ليو عايزين نطلع قاليها جدا اصلا متفق مع لارا نطلع جيبي معاك يوتا ونتلاقى ف شارع النيل نحن وصلنا قبلهم شويه ويوسف اتصل لي قال لي يوتا البت دي تلفونها وين قلت ليو علا! تلفونها صامت بكون قال لي طيب وصفي لي انتو وين وصفت ليو شويه وجو وديك قالبه خلقتها م اشتغلت بيها علا قالت ليوسف وين مختفي يعني م الناس كلها عرست عديل م بتختفي انا ضحكت ولارا غاظتها ضحكتي قالت ليها بس نحن م زي كل الناس وعاينت لي بطرف عيونها علا قالت ليها ليه قال معرسين وعندكم اولاد ولا مدبلين عاينت لعلا الواضح انها م طايقه لارا قمت قلت ل يوسف قوم جيب لينا شي ناكلو وعصاير وسوق خطيبتك تتمشو شويه قام لارا قالت م ماشه تعبانه والشبشب عالي قلت ليو خلاص سوق اختك دي قالت لي يزوله بتوزعيني! م قايمه الا انتي معاي وهو اصلا انا بحاول افرق بين علا ولارا عشان علا مقهوره منها وبترمي الكلام فالوش😂😂قلت ليوسف خلاص خليو قال لي ي بت مالك انتي بمشي براي ومشا قلت لعلا ارح نتمشى قريب وقمتا وجريتهاا بقينا قريب منهم بس واقفين بنعاين للبحر لمن شفنا يوسف حاي رجعنا قال لينا مشيتو تشوفو البحر صح انتو الاتنين انا حافظكم بتحبو البحر زي عيونكم طيب م سقتو لارا ليه علا قالت ليو قالت الشبشب عالي ي يوسف ناسي! انا قرصت علا بتحت لمن نطت يوسف قاليها مالك قالت ليو نمله🙂 كملنا قعدتنا وساق خطيبتو ومشا اخيرا اتلفت ع علا قامت جاريه للعربيه🙂 لحقتها قالت لي حسوق انا ساقت ورجعنا رجعتني البيت وجا يوسف ساقها مرت الايام وجا رمضان وطبعا لميس منعتني من الصيام ف مشيت الشقه قعدت هناك لمن رمضان يخلص عشان م يلاحظو لي فاطره🖤ف نص رمضان اتصل لي مهند قال لي مرت خالو بتولد قلت ليو خالو مؤمن! طيب طيب جايه كان معاي علا جاتني قلت ليها يلا بسرعه عبايتك فيك وجرينا وكان من بين الايام صايمه جرينا عالمستشفى وانا كنت حاسه بهبوط وصلنا لقينا امي وخالاتي وملاذ مرت عثمان وملاذ بت خالتي💜المهم كانو واقفين وانا وعلا واقفين مهند جا بعد مسافه الممرضه جات طالعه ب بت قالت لينا مبروك جاتكم بت ومشت بيو تحممو وتلبسو وكدا💜 دخلنا بعد ساعتين لماريا مرت خالو باركنا ليها وجابو ليها بتها حضنتها عثمان وخالو مؤمن جو ومعاهم يارا و رامي💜بعد شويه بقيه اولاد خالاتي جو باركو وطلعو ابوي قاليهم يرجعو البيت وانا طالعه هبطت وقعت علا مسكتني ومهند وعثمان جو جارين وامي كمان قلت ليهم روقو ف اللحظه دي جات لميس لقتني كدا قالت ليهم دقيقه مشت وجات قالت لعثمان شيلها جيبها شالوني لغرفه كدا ركبو لي محلول جلكوز ودرب تاني بعد خلصو قمت مهند شغال لامي وابوي وعثمان يخ خلونا نفحصها احتمال ف شي لميس قالت ليو روق ي مهند اهو دي صحت جاني قال لي حنعمل ليك فحوصات قلت ليو لالا انا كويسه وعارفه مالي ارح البيت بس سكت قلت ليو الله يخليك ارح امي قالت لي اودعهم ونجي نطلع قلت ليها سرعه بس ناديت علا ادتني تلفوني وشنطتي قلت ليها حتمشي معاي وبعدين بليل يوسف يجي ياخدك قالت لي طيب مهند جا شالني عديل ونزلني العربيه وجات علا معاي ومعانا ماما وعثمان معاهو بابا وملاذ مرتو 💜رجعنا البيت قعدوني اتلفت ع عثمان الكان خايف وجمبي علا قال لي انتو داسين مني شنو قلت ليو عثمان قبل فتره جاني ضغط هو من الخلعه قعد ف الارض انا شلت هم اوريهم السكري كيف سكت مسافه مهند قال لي طيب الليله مالك م كنتي واعيه حتى بعد محلول الجلكوز م من الضغط متأكد انا قلت ليو طيب بس م ف زول يخاف ممكن! واقعدو قعدو عايزه ابدا كدا خفت من رده فعلهم ابوي قال لي قولي م تخافي قلت ليهم وانا منزله راسي عندي سكري جاني قبل كم شهر م وريتكم عشان م تقلقو وانتو اصلا الفيكم مكفيكم ابوي من الصدمه م قادر يتنفس كويس وامي تبكي علا جابت لابوي البخاخ بتاعو اخدو وارتاح شويه وامي تبكيي لمن وشها اتملى دموع وعثمان م قادر يقوم لا هو لا مهند بس مصدومين كدا وخايفين علي شديد قلت ليهم اسفه 💔سكتو قلت ليهم ي ريت لو غسان هنا م كان جاني شي كان حكون كويسه شديد💔بكو كلهم حتى علا بكت وابوي 💔 بعد مسافه قلت ليهم خلو السمايه تمر ع خير بعدين انا بكلمهم كلهم برواق قالو لي طيب مهند سندني لغرفتي وجوني ملاذ وعلا قلت لملاذ امشي روقي عثمان حيكون تعبان ومصدوم وزعلان هزت لي راسها ومشت💔
#يتبع
