قلت ليو عسوله 💙 وسكت قال لي ساكته مالك قلت ليو ولاشي بس م حصل جبت سيرتها قال لي م شفت انو لازم اوريك عاينت ليو قلت ليو طيب وسكت مسكت تلفوني وانا منزله بوست مكتوب فيه (وتبقى الذكريات قصصاً صامته تركت بقلوبنا أثراً لا يزول 💙)خطف التلفون قلت ليو رجع لي تلفوني قال لي انا بتكلم معاك عاينت ليو وسكتا قال لي مالك اتضايقتي قلت ليو ابدا وشلت الطفله بقيت العبها ونتصور بالتلفون بقى يعاين لي مستغرب قال لي أيه ؟ قلت ليو اهلا قال لي بتحبيني انتي؟ قلت ليو مناسبه السؤال شنو ؟ قال لي م تردي ب سؤال قلت ليو لا وريني بتسأل سؤال زي د ليه وعشان شنو ؟؟ قال لي بس كدا قلت ليو انت ادرى مبتعرف تحدد اذا الزول بحبك او لا ؟ قال لي بس انتي غريبه شديد بارده وملامحك م فيها ريأكشن وسكت قلت ليو الصدمات كترت بقيت م بتأثر قال لي يعني بتحبيني قلت ليو وحيفيد ب شي وانت متزوج وعندك بت ؟قال لي عايني لي قلت ليو اها قال لي ايه عايني ف عيوني قلت ليو اها عاينت قال لي بحبك قلت ليو م تهظر معاي وشلت البت تاني شالها مني قالل لي انتبهي معاي ي بت قلت ليهو عدي معايزه هظار معاك وقمت قال لي نا م متزوج لكن قلت ليو كيف يعني قال لي عديل كدا شهد دي ف يوم جيت راجع من الشغل لقيتها قدام باب سوبر ماركت شلتها وربيتها واهو اعتبرتها بتي م بتي الحقيقيه بس هي اكتر من بتي بقت عالمي الخاص فهمتي! وانا بقوليك انو م شفت انو لازم اوريك عشان افسر هل بتحبيني او لا بس طلعتي غريبه قمت منو ودخلت غرفتي خليتو ونا واقفه ف الشباك بعاين ليو من فوق وبين مصدومه فرحانه مقادره احدد شعوري لقيتو مشا اتصل لي بس م رديت غسان جا واتحركنا ع المطار رنيم اتصلت لي وين انتي ي بت قلت ليها ف المطار طالعين ع الطياره نصل وبرجع ليك بعد قفلت ركبنا الطياره سافرنا السودان لاقونا عثمان ومهند واياد💜سلمت عليهم وصلونا البيت الساعه ٣ صباحا اتصلت ل يوسف عارفاه بكون صاحي رد لي ف الجرس الاخير وساكت قلت ليو يوسف ! قال لي انتي كيف تتخذي قرار زي د !؟ قلت ليو يوسف كان لازم ابعد من لارا يعني انسانه معايزاني ف حياتا اجبرها! قالل لي وانا ذنبي شنو ي أيه ! قلت ليو روق قال لي م بروق ي ايه م بروووق قلت ليو انت وين قال لي ف الزفت م دخلك قلت ليو يوسف انت وين بطل عصبيه قبل يحصل لي شي سكت وقال لي ف الشقه قلت ليو تمام الشمس تطلع حتلقاني قدامك معاي علا فاهم! قال لي طيب قلت ليو يلا وبنتصرف ف موضوع السهر د تاني اصبر لي بعد قفلت نمت للساعه ٨ صباحا صحيت واتصلت لعلا تجيني جات بعد مسافه مشينا ليوسف قلت ليو يوسف د شنو الشقه مالها مبشتنه كدا ي ولد سكت م رد قلت ليو اطلع قدامي للصاله مشينا قعدنا اتفاهمنا سوا واعتذرت ليو كتير واقنعتو انو يصالح لارا عشان هو بحبها وانا عارفه قدر شنو هو بحبها قال لي م اهم منك انتي اختي وسندي قلت ليو اسمع الكلام بس 🖤بعدها طردتو وجبت بت ربا نظفت الشقه ونظمتها للضهر طلعنا معاو مطعم بعدها وصلتو ناس لارا دخل وجا بعد ساعتين ورجع براهو قال لي رفضت انا ف الوقت د عرفت انها عايزه يحاول عشانها بس يوسف مستحيل يتذل ع قولو لزول ويحنس كتير د طبعو سكت وطلعت من الموضوع طوالي وصلتو الشقه قلت ليو م القاها زي منظر قبيل فاهم! ودعتو و وصلت علا وكان مفروض الاقي جودي مشيت ليها ف كافيه قريب لبيتهم وصفتو لي حضنتني قالت لي اخيرا الحمدلله العشت لليوم دا قلت ليها كيفك قالت لي الحمدلله قعدنا وبقينا نتونس ونحكي فجأه جاتني فكره ف راسي عندي كاميرا ف السياره طلعت جبتها وجيت قلت ليها جودي عندك مانع اسألك ف فيديو وانزلو ؟ قالت لي لا قلت ليها طيب مشيت ع شله كدا قلت ليهم لو سمحتو عايزه واحد بعرف يصور ف بت قامت قالت لي انا قلت ليها تعالي معاي دقيقه بس جات معاي قلت ليها م تظهريني تمام! ظهريها هي بس ويدي قالت لي طيب بدت تصوير قبلت ع جودي وكان ف يدي ف مايك مديتو عليها قلت ليها رايك شنو ف الحب عموما ؟ قالت لي انا شايفه انو كلنا عاوزين نحب كلنا ممكن نحب بس لازم نفضل فاكرين انو تمن الحب ده حيتحسب على كل دقيقه ف عمرنا زي م حنفرح حنزعل زي م ف حلو ف مر صدقيني الحب عباره عن نعمه من نعم ربنا وعلشان كدا ربنا حط ف الحب سر وسبب وجودناااا 💜 قلت ليها شكرا واشرت للبت تقفل ف قفلت وشكرتها ومشت مشيت ع شلتها قلت ليها تصوري ولا اصوركم قالت لي بتصور معاهم نادين جودي قلت ليها امسكي الكاميرا كدا بس م تحركيها وزنتها وبديت اصور اخترت ولد كدا قلت ليو كيف انت من جوا كيف حال قلبك ؟ قال لي انا زي امس وقبلو زي بكره فارغ منها أحن لحاجاتنا الصغيره لقهوتنا الصبااحيه ف المقهى نسيت ان اقول انها فقدت طعمها بغيابها وسكت سألت البت الصورت لي قلت ليها طلعي الكلام الجواك قال لي د الشهر التاني ع غيابه ع رحيله لم يكسرني غيابه كما توقعت فالمكسور لابد ان يتجزء لقطع وها انا قطعه واحده مررت برسائله منذ قليل فلم يسقط مني شيء باعتبار ان الدموع ليست شيء يستحق ان يذكر اعددت كوب قهوه ف البارحه واستمتعت به حتى القطره الاخيره ولما انتهيت تذكرت بأني نسيت ان اضيف السكر وشربتها ع مزاجك لكنني لم انكسر بعد هل هذا دليل ع اني انكسرت! انا لم انكسر بعد وسكتت 💔 انا قفلت الكاميرا وقمت حضنتها قلت ليها بسم الله ع قلبك حتى يهدأ💜 مسافه حتى قمت قلت ليهم فرصه سعيده واديتهم اسم حسابي ف الفيس قلت ليهم بنزل الفيديو فيو ودعتهم ومشيت مع جودي وصلتها بيتها ورجعت البيت نمت لتاني يوم الصباح #يتبع
