بعدها جيت نمت الصباح صحيت وطلعت بسيارتي لقيت نفسي مشيت كافي بعييد وجمبو ف نادي دخلت النادي لقيت واحد ومعاو اخوه تقريبا والصغير كان منزل راسو والكبير بكورك فيو مشيت عليهم الفهمتو انو بحبط فيو وبقول ليو انت اصلا فاشل م عندك مستقبل ولا هدف ولا ف يوم حترفع راس امي وابوي المنتظرنك ديل💔انت عارف انو المجال د صعب وانت م قدرو وكلو تعب ومشاريع قلت ليو لو سمحت عايزاك دقيقه وسقت الولد الصغير الكبير بعاين لي نظام م تدخلي قلت ليو انتظر مكانك بس انت سقت الصغير قلت ليو احكي لي مالك انت متخاف انا بقرا علم نفس احكي ب ارتياح مف زول حيعرف قال لي انا ف تالت شلت هندسيه و ف للجامعه قدمت لمعمار و دا حلمي بس اعمامي واخوي عايزني اقرا طب ودايما بحبطوني وبقولو لي انت م قدرو مع اني لاقي نفسي شديد ف المجال دا قلت ليو عاين مهما حصل انت اتمسك بحلمك و م تنتبه لكلام الناس لانوا الناس دايما بتحب تستمتع بفشل غيرهم ويشوفو نفسهم بس الافضل انت خليك قصاد حلمك لانو انت الحتنفع نفسك هم م حينفعوك ولا كلامهم لو وصل الامر تقفل نفسك منهم اقفلها عشان مستقبلك او م تحتك بيهم اتكلمت معاو كتير وقلت ليو قوم ادخل الكافي انتظرني مشيت للكبير عاينت ليو مسافه بدون اي تعابير ف وشي قال لي طيرتي اخوي وين قلت ليو يلا نقعد واشرت براسي ع انو نمشي الكافي قام مشا معاي وهو رافع حاجب قلت ليو كلها كم كلمه وامشي منك وعاينت ليو بدون تعابير مشينا لاخوهو وبعد قعدنا بديت اتكلم واقول انت لمن تجي تشجع زول بتحكي ليهو بإيجابيه وعن الحاجات الكويسه م ح تحكي ليهو عن السوء وعن الحاجات الكعبه كلنا من صغار قرينا وعرفنا مف شئ صعب لمن كنا بنعافر عشان نحفظ صوره الفلق ونجتهد عشان نسمع الشفوي كلو صاح لحدي م وصلنا تامن وامتحنا وكتبنا المقاله الطوييله ديك ف المعاصر ونجحنا وفرحنا دخولنا الثانوي واختلاف البيئه والطريقه الجديده ف الدراسه والمواد Totally different وامتحان الشهاده والاجتهاد ومرات الإعاده عشان هدف واحد انت عايز توصل بيهو كل خطوه ف ديل أخدت جزء كبير من تعب المشوار وانت لسه ماشي ولسه ح تتعب💜 لكن ح توصل عشان عارف انك م بتعافر ساي انت قدامك هدف ح توصلو ح تحقق حلمك وتوصل ليهو خليك واثق ف نفسك خليك متأكد انت قدرها💜 وانت واشرت للكبير قلت ليو حاول شجعو بايجابيه م احباط ف النهايه انت اخوه وانتو لبعض تحريشات اعمامك ليك م حتنفعك حتخسرك اخوك فكر فيها 🖤يلا مع السلامه وقمت مشيت بعد اخدت رقم الصغير اسمو وسام واخوه أيمن 💙وانا طالعه يوسف اتصل لي قال لي خطوبتي بكره قلت ليو بجد! قال لي بارده قلت ليو م بارده انت قررت وجهزت كل شي وجيت كلمتني حقولك لا غير اليوم مثلا ي يوسف! سكت مسافه قلت ليو ألف مبروك ي يوسف قال لي الله يبارك فيك قلت ليو ها احكي قال لي ليها فتره بتقول لي جاي امتا كنت حمشي الجمعه الفااتت بس حصل لي ظرف قمت قلت ليها بكره ان شاء الله لكن م أكدت ليها قال لي دقيقه قلت ليو مالك قال لي لالا دي هي متصله انسي ارح قولي عايزه تقولي شنو قلت ليو طيب منتظر شنو ؟ قال لي انتي حتجي صح قلت ليو لا قال لي نعم! كيف يعني قلت ليو يوسف م جايه قال لي ليييييهههه نفسسسسسسييييي ااععععررررففف وهو بكورك معصب لي قلت ليو م تعصب قال لي أيه فهميني إنتي مالك قلت ليو بكل هدوء يوسف كان انت ناسي انا م ناسيه بكره سنويه غسانن وانت عارف م حتشوفني اصلا ولا حتلقى لي آثر قال لي آسف قلت ليو م مشكله قال لي دقيقه اقول ل لارا دي تنتظر عشان نكمل برواق قلت ليو لالا خليك معاها انا اصلا سايقه لمن ارجع قال لي تمام🖤
بالجهه التانيه يوسف كان اتشوش كاملا لارا بتتصل ليو الاتصال السابع بيرد بقوليها نعم ي لارا قالت ليو مشغول مع منو انت م بترد لي ؟ قاليها بتكلم مع يوتا مالك فشنو عايزه شي! هي اتحمقت قالت ليو اظن انا حبيبتك م أيه الوقت كلو أيه أيه د شنو يخخ قال ليها عايزه شنو هسي قالت ليو اتكلم معاك قال ليها يخ انتي اتصلتي لقيتيني مشغول م تتصلي مليون مره من اول مره م رجعت ليك معناه مستحيل افصل للمكالمه وارجع ليك فاهمه وهسي انا م رايق والله وطق قفل 💔 بليل بعد راق رجع ليها ردت ليو قاليها الخطوبه م بكره تمام؟ قالت ليو ليه قاليها أيه م حتقدر تجي أجلتها قالت ليو شفت مشكلتك كلها أيه قاليها انا كلمتك وقفل
نرجع بجهتي
بعد قفلت من يوسف رجعت نمت م صحيت الا للصباح التاني
#يتبع
