ابناء العم(كاملة)

الفصل (١)

#ابناء_العم
#الفصل_١
_________________________________________

دخلت تلك الفتاه المطعم الذي تعمل به منذ مده و نظرت حولها جيدا تبحث عن شخص ما لكنها لم تجده فتنفست براحه شديده ، لكنها تسمرت في مكانها عندما سمعت صوته صوت المدير"

:"لطف."

لطف بهمس باكي مضحك:"مفيش مره ادخل بهدوء ، اكيد جاي يهزقني زي كل يوم ، راجل ظالم صحيح مش مراعي اني بنت وحدانيه منكسره لا بيجي عليا و يدوس عليا."

ثم رفعت يديها للسماء قائله بدعاء:"يارب تدوس عليك عربيه ترله عشان نخلص منك قريب و اعرف اتاخر براحتي."

جاء المدير قائلا بغضب:"انتي يا بنت انا مش بنادي عليكي من بدري مش بتردي ليه؟."

استدارت له لطف قائله ببسمه بلهاء:"يا اعدل الناس الا في مخاصمتي ، اخبارك اي يا راجل يا كبره انت ها ، صحتك عامله اي كويسه ، اه صح دا انا نسيت اقولك ان امبارح انا مشيت بدري و نسيت استاذنك فانا دلوقتي ا......."

قاطعها المدير بغضب:"اخرسي يا عملي الاسود."

لطف بمرح:"طب اي مش هتسمعني المورشح بتاع كل يوم ولا اي."

المدير:"لولا الست والدتك انها وصتني عليكي انا كنت زماني طردتك من بدري ، حرام عليكي بقي كل يوم تيجي متاخر و تمشي بدري من غير ما تاخدي اذن ، لييييه حد قالك انو مطعم ابوكي ولا اي."

لطف بدراما:"فكرتني بالوالد الغالي."

المدير:"استريح بدري."

لطف بتعجب:"ايه؟."

المدير:"ابوكي و امك ماتو و سيبوني انا اعاني معاكي ، دا انتي هتموتيني بدري بدري ، اتفضلي علي شغلك يا انسه."

لطف بتذمر:"طيب خلاص متزقش ."

ثم قالت بمرح:"و براحه علي نفسك عشان صحتك دا احنا عايزينك."

"ثم ركضت الي داخل المطبخ بضحك و هي تسمعه يسبها"

:"خير عملتي اي المرادي يا اخره صبري."

نظرت لطف لصاحب الصوت وقالت بتذمر:"الله الله طب و ليه الغلط بس يا مارو ، و بعدين انا بعمل اي يعني ، طب دا انا في حالي كده علي طول ، و مش بتشاكل مع حد ولا بزعل حد ، تقدر تنكر كده."

ثم نظرت له بتحذير حتي لا يكذب حديثها فقال مارو بضحك:"معاكي حق انتي مش بتتشكلي مع حد خالص ، دا انتي غلبانه و الله و مش بتاعت مشاكل ، معلش الناس بقت ظلمه."

لطف بضيق مصطتنع:"عندك حق و الله يا خويا الناس بقت وحشه اوي و دايما ظلمني كده ، يا شيخ حسبنا الله ونعم الوكيل ، ربنا علي الظالم و المفتري."

ضحك مروان بشده وقال بابتسامه:"طب يلا ياختي خلينا نشوف اللي ورانا ، و بطلي شقاوه شويه."