عجائب أهل البيت ( عليهم السلام )

قصة عن كرامة ابو الفضل العباس(عليه السلام)

ينقل السيد المقرم في كتابة كرامات مولانا ابو الفضل العباس (عليه السلام) هذه القصة وكثير من الكتب ذكرت هذه القصة الي وقعت في احدى القرى العراق قبل 50 سنه او اكثر يكول في هذه القصة كان اكو رجل شيخ عشيرة كبير الشأن بين قومه وصاحب وجاهه بين الناس ولكن هذا الرجل اصيب بمرض الشلل بقى مقعد تقريبًا 30 سنة هذا الرجل من انشل 30سنة ما فادة ولا علاج وهوه عزيز عند  قومه كامو كل مايحل شهر محرم وتصير المجالس يوم السابع يشيلون السرير مالته ويخلونه يم المنبر ويربطون السرير بالمنبر يكول اني حاجتي اريدها من ابو فاضل يكول ذاك اليوم صار يوم السابع شالو هذا الشيخ خلوه وربطو السرير بالمنبر صعد الخطيب قرء وقرة مقتل ابو الفضل شلون كطعو جفوفة( سلام الله على جفوفك ياسيدي ومولاي 😔)شلون انضرب راسة شلون انكسر ظهر الحسين بوقعته(سلام الله على ظهرك ياحبيبي ياحسين)خلص الخطيب صعد الرادود يقرة اللطم بده يلطمون المعزين
اهناك اتفاجئوا بأن هذا الرجل الشيخ بنص اللطامة يصيححح
انا العباس كومني انا ابو فاضل كومني الطم انا اخو زينب كومني الطم وكف الرادود وكل المعزين وكفو
شيخ انته شكومك؟
كلهم اني نايم بفراشي هذا وانتو بديتو اتلطمون واني عيني على هل باب يكول ويطب فارس على فرسة يكول عليه علامات الكرامة والشهامة والشجاعة يكول يباوع هذا الفارس اتلطمون يكول هذا الفارس يباوع يمنه يسره يباوع ياهوه الما يلطم على العباس😭 يا الما يبجي على العباس😭 يكول شافني اجه صوبي كله حجي انته ليش ماتلطم على العباس يكول انه شفته كتله سيدي انه وين وانه مشلول مااكدر اوكف ومااكدر الطم انه بس اكدر ابجي على العباس كله حجي كوم كوم كوم الطم على العباس
كتله شيخنه عزيزنه مولانا انه مشلول مااكدر اكوم شلون انته اتكلي كوم الطم انه مااكدر اكوم كله شيخنا داكلك كوم الطم على العباس كتله مولانا والله مااكدر كلي مولانا كوم الطم على العباس يكول انه بعد استسلمت كتله زين مولاناانطيني ايدك خل اكوم الطم كومني الطم
كله شيخنا شنطيك اني ماعندي جفوف 😭شلون اكومك تلطم😭😭😭
كتله مولانا جا شلون كلي جلب بالرشمة مالت الفرس وصييح يابو فاضللل وكوم يكول انه مدبت ايدي يكول بس لزمت الرشمة مالت الفرس وانه كمت على حيلي ( دخيلك يامولاي يابو فاضل)وانه الطم كلوله يعني انته بس هيج سويت كلت كظيت الرشمة وصحتتتت يابووو فاضل

وين اصحاب الحوائج صيحوووو يابو فاضل يابو فاضل دخيلك يخو زينب دخيلك ياساقي عطاشى كربلاء اقضي حوائجنا بحق محمد وآل محمد

اعتذر اذا اكو اخطاء املائية لان هاي القصة سمعتها وكتبتها
فأعتذر جدا اذا اكو اخطاء

Fatima.A.A