كسرة لَبوة

بارت1

3:42ليلاً
لبوة:جنت نايمة فزيت على صوت صياح امي نزلت ركض شفت اخواني الثنين كاعد يبجون وامي كاعده بالكاع ادك وتلطم ، حسيت راسي انضرب معقوله صار الي ببالي لا مستحيل!!
قبل يومين صباحًا
اُم مُجتبى : لبوة لبوة ماما خفي ايدج اخوج ينتضرج
لبوة: اي يمه هسه اصبري خمس دقايق
نزلت جوة سلمت على اخواني وصبحت على بابا لاحضت عليه التعب والارهاق سالته شبيك بابا
ابو مُجتبى : مبية شي يبعد ابوج انتي روحي لدراستج ومعليج بيه يلا ببنيتي الشاطره
لبوة: بسته ورحت طلعت جان اخويه التوئم اسد ينتضرني
اسد: اشرقت و انورت اميرة ديانا
لبوة: اوي انزول عليك يلا نروح لانتاخر ، خزرني ورحنة للجامعه
اثاناء وصولنا للجامعه خلي اعرفكم علية :
اني لبوة احمد عمري 21 سنة طالبة بكلية الصيدله مرحلة ثالثه اني واخوي التوئم والي هو اسد وعندي اخوان اثنين اكبر مني والي هم مُجتبى عمرة 27 نقيب و اخوي الثاني ضرغام عمره 23 خريج هندسه معمارية وعندي اخت صغيرة عمرها 15 سنة اسمها تمارا ابوية احمد عمره 56 سنة مهندس و امي سعاد 48 سنة ربة بيت
لبوة : بعز صفتي على الشوارع فززني صوت اسد وهو يكلي
اسد : هيو هيو من الارض الى الست لبوة حول
لبوة : ها هااااااا شكو
اسد : وجعووو صوتج شبيج ماتكليلي ترا وصلنا
نزلنه من السيارة وحنا جاي نمشي للقسم
اسد بخبث : اشو صافنة وايدج على الخد جنج عاشكة وبالج احد
لبوة: ضربته على جتفه بخفة وابتسمت لا ارادي من بين اخواني كُلهم اسد اكثر واحد متعلقة بيه وهو هم يعني اني وياه لان توم بكلشي سوه بدراستنا ب اكلنا ضحكنا هو اقرب شخص الي حتى اقرب من امي واختي احبة كُلش لان سبورتي و عندي وياه ميانه قويه على العكس مع باقي اخواني يحاسبوني على الكلمه .
وصلنا للقسم وبين الفاينل وبين الشله والكعده بالكافتريا وسوالف وضحك خلص هاليوم  الي حالة من حال الايام الي قبلها
اسد: ماصدك عكب باجر اخر امتحان وتخلص هل سنه اوفف شبساع خلصت السنه حرفيا ركض ركض ولا حسيت
لبوة: اي والله شوف الايام تركض وحنا ولا نحس منو يصدك صار 3 سنوات اني مخلصه السادس ولا عبالك
اسد : اي والله صحيح
رجعنا للبيت واول مادخلنه صار بوجهي ابوية الي طلع من المطبخ وحاط ايده على ضهره ويمشي على كيف سلمت علية وسالته
لبوة : بابا شبيك ؟
ابو مُجتبى : مابيه شي يبعد ابوج
وراح دخلت للمطبخ وشفت امي ادردم ويا روحها سالتها
لبوة: ماما بابا شبيه شو احسه مو على بعضه
ام مُجتبى : والله يا يمه شكلج سكرة بس جاي يصعد وميقبل يراجع طبيب عل كلبي هل رجال المهم شون جان امتحانكم شون جاوبتو ان شاء الله زين واصبلكم غدة لو تنتضرون مُجتبى
لبوة: لجج ماما الاسئله نار وشرااار كلها طلعت تتبجبج بس اني كدها بس اسد ماتوقع كدها بعدين اوي شنو مجتبى خل يولي ولا انتضرا خل يروح ابو شوارب خيخه
ام مُجتبى : لج لسانج لا كصه شون تحجين على وليدي هييج
لبوة:كمت طلعت من المطبخ واني ماده بوزي اوي شكلت اني صدك ناس ما تتحمل كلمه الحق يعني صح هو حلو بس يضل خيخه ، صعدت بدلت وصليت نزلت جوه جانو اسد وبابا و تمارا و ضرغام كاعد وامي جاي اصب الاكل توي اريد اكعد اندك الباب عرفت شرف الخيخه  رحت حتى افتحله الباب دخل ماد البوز حتى بدون سلام
لبوة: الناس اسلم مو تدخل مغندبه
مُجتبى: انجبي لج ، دخلت للمطبخ سلمت عليهم رحت بدلت نزلت اتغدي واني جاي اكل لاحضت على ابويه التعب سالته بويه بيك شي شو احسك مريض ؟
ابو مُجتبى : وبعدين تالي وياكم انتو كلتلكم مابيه شييي شنو ماتفهمون شبيه قابل استغفر الله حتى نفس للاكل ماضل يلا اني كايم عافيات سفره دايمه
تمارا: هسه صرت اتخاف على بابا وصحته شوف شون ضوجته حتى اكله ما اكل منه شي شون وياك اوي
مُجتبى: وتاليييي ويا لسانجن انتن الثنين اتكول لسان دلالات
ام مجتبى: يمه على كيفك ويا خواتك قابل شكالت
صرغام: مجتبى راد يحجي لاكن سكتة وكلت كافي يلا خل نسمم مثل الوادم
لبوة: كملنه الغده وكمت بحكم انو اني بعدني مامخلصه فاينل ف ما اشتغل اي شي كل الشغل على ماما وتمارا ، رحت نمتلي شكم ساعه وكعدت اقرا
وهيجي خلص اليوم طبيعي
ساعة الخامسة فجرا
اسد: دك المنبه مالتي كعدت كرة ماشبعان نوم لان سهرت اقرا رحت كعدت لبوة الي تشلع الكلب يلا تكعد ، كعدنا تريكنا صلينا وكمنا انراجع شويه و امي كعدت وكعدت  مُجتبى كعد ضايج عفيه هل ولد عيشته ضايج واعصاب
صار الوكت ورحنا للجامعه دخلنه للامتحان
لبوة: طلعت من الامتحان اول وحده لان هاي الماده صح صعبه بس اني كُلش احبها ف ما استصعبها انتضرت فوك النص ساعه اسد ليما طلع
ورجعنا للبيت وطايرين من الفرح لان اليوم اخر يوم حرفيا فررح
تغدينا وكلشي تمام صعدت سبحت و سويت عنايه لنفسي لان فتره الامتحانات جنت هامله نفسي ، خلصت للعصر وقررت اكل اي شي واغط ب سبات صيفي عميق ،
_______
ام مجتبى : نايمه وحسيت ابو مجتبى ماهوه باوعت على الساعه مو وكت اذان استغربت  كلت يجوز راح للحمام و رجعت نمت فزيت بعدها بربع ساعة اباوع همين ماكو خفت كمت دورت عليه ولكيته يم باب الحمام واكع وطالع من حلكه دم والنمل ملتم على الدم  احس اطرافي جمدن ركضت على مجتبى و ضرغام كعدتهم نزلو ركض شالو ابوهم وبوجهنا للمستشفى
مجتبى: امي كعدتني تبجي وتحجي حجي مو مفهوم حسيت صاير شي وتحديدا ويا ابويه نزلت بسرعه ونزل ضرغام ومن شفت منضر ابويه الصراحه جنت متوقع لان وضعه مجان عاجبني هل فترة شلناه للمستشفى
وهناك الدكاترة كالولنا : البقيه بحياتكم المريض من جبتو هو جان متوفي اصلا
ضرغام: امي سمعت حجي الدكتور لو انصرعت كامت تملخ بنفسها واصيح حتى الدكتور بعده مامكمل حجية ما كال شنو سبب الوفه وامي انهارت احاول الزمها ماكو ملخت نفسها
مجتبى : رحت سويت الاجراءات الازمه واني الدموع بعيني معقوله ابويه مات مستحيل لا اكيد اني بحلم هسه اكعد
ام مجتبى: ولككككك اخخ منك يا احمددد ليش رحت ليشش عفتني بوحدي ليششش كوم الله يخليك كوممم مو روحي بيكك اموت بعدك والله كوم بس كوممم ماريد شي اسبوع اتوسل بيك تروح للطبيب اجيك وضعك اشوف شبيك مابيك ماقبلت لو رايح ماجان صار الي صارر اخ منك احمد اخخ ليش تكسرني هيج ليش سوده بوجهي جننت تتمنى يصيرلك حفيد واتسمي سيف سوده بوجهي بيه ولابيك يمهههه اريد احمد يمه رجولي رجلي يمه اريده
ضرغام : جاي احاول الزم امي الي شيلتها انفتحت و كطعت كذلتها دموعي تنزل عشره عشره واني اسمع حجي امي كلبي يتكطع احس ، حاولت شكد اسكت امي لاكن لاحياة لمن تنادي ماسكتت ماهدئت الا ضربوها مهدء
مجتبى: صارت ساعه 3 ونص امي بدتت اصحصح ودموعها ماوكفت اباوع على ضرغام الي صار احمر نار من البجي واني بالكره لازم نفسي كل شويه دموعي تخوني وتنزل لاكن امسحها
طلعنه من المستشفى وكئنما روحنا طلعت صرنه عباره عن جسد بلا روح
وصلنه للبيت اول مادخلنه امي كعدت بالكاع وشكدت دشداشتها من الطول للطول  وكالت
ام مجتبى: يممههه البيت بيه ريحه ابوك يمههه شون يعني بعد ماراح يفوت من هل باب بطوله الحلو ولا راح يكعد بذاك الكرسي ويشرب كهوتا بصياح عالي رج البيت رج يمههههههه احمد راح يمهههههه راح بعد شيرده يمه
راح ابو طول الحلو راحت روحي وياه يمههههههههه وادك والطم على راسي
لبوة :جنت نايمة فزيت على صوت صياح امي نزلت ركض شفت اخواني الثنين كاعد يبجون وامي كاعده بالكاع ادك وتلطم ، حسيت راسي انضرب معقوله صار الي ببالي لا مستحيل لالا ماصدك يمههه يمهه راح ابويه يماااا راحت روحي يابويه حسيت الدنيا صارت سوده بعيني كمت اسمع اصوات جاي تبتعد لين اختفت
ضرغام: نزلت لبوه شافتنه منهارين عرفت من حجي امي انو ابويه اتوفه فجاه وكعت من طولها ركضنا عليها ، لبوة لبوة كومي يمعوده ماكو حسيت للحضه انو هي هم ماتت!