كسرة لَبوة

بارت 2

لبوة: حسيت ب مي على وجهي وصوت اخواني الي خايفين علية
كمت واني احس حيلي مهدود يعني معقوله ابوية راح يعني راح يندفن جوة التراب لا ماصدك لا يمكن اني بحلم اي اي اني بحلم
طلع الفجر واني مامغمضه ودموعي تنزل شلال كام مجتبى وبلغ عمامي و اجو هم وكل كرايبنه طلعت من غرفتي اريد اروح لبابا اكله بابا عمامي اجو وصلت بغرفته وتذكرت بابا راح كعدت يم الباب ابجي ودك على وجهي ياريتني اني الميته مو هو ماتحمل شون راح اكضي حياتي بدونة بيمن راح ارفع استقوي انكسرضهري بعدك يابويه اخخ بس

تمارا: مشت ايام الفاتحة ببطىء اليوم جان يمر علينه سنة البيت جان اضلم مابية غير صوت البجي محد الا نفس بشي فراك بابا كسرنا حيل

ام مجتبى: اليوم اخر يوم من الفاتحة ولسه ما مستوعبه الي صار احس نفسي داخل كابوس لكن مجاي اصحى منه ، 3 ايام محد من الجهال حاط لكمة بحلكه كلمن كاعد بنكره وبيجي منضرهم يكطع الكلب خطتا لبوة هي المدللة مال ابوها وكلش متعلقه بيه وحيل تحبة حب غير عن باقي اخوانها ، كمت سويتلهم عشة وصحتهم وهاي اول مرة ننجمع عالسفرة بدونك يا احمد اخ بس لا اعتراض على حكم الله

اسد: كعدنة على السفره وانضارنا كلها على مكان بابا الخالي اشوف لبوة منهاره وامي مغطيه وجها بشيلتها وتبجي و مجتبى كوه لازم دموعه وتمارا وضرغام يبجون كلمن اكل شويه وكمنا بعد تعب الفاتحة كمن راح نام

لبوة:وهاي اني حال الضيم حالي هيج يادنيه تكسرين ضهري هيج بابويه ؟!
جان اخذتي عيوني اخذتي حيلي اخذتي روحي بس مو تاخذين ابويه ، ابويه اعز ما املك ابويه روحي وقطعه مني شون يادنيا ، مسحت دموعي وخطرت على بالي فكره انو اختم القران واهدي الختمه ل روح بابا
كمت توضيت وكعدت اقرا واقراا لين طلع الفجر كمت صليت الفجر و من التعب كبل نمت

مجتبى: الايام جاي تمر بدون اي طعم يوم اسود من الي قبله احس مبقى طعم للحياة حياتنه الحلوه ابويه جان محليها مخليلها تكهة كلشي جان يسوي حتى يفرحنا ويضحكنا طبعا  امي مرضت حيل وصحته حيل ادهورت
انضربت جلطه

ضرغام: لحد الان منضر امي ولبوة مجاي يطلع من بالي شون ملخو وجهم من دفنو بابا لبوة وجه عباره عن خرمشات

لبوة: ايامي عبارة عن اكل ونوم وصلاه وقران ، كل ما احس نفسي اختنكت اروح كبل اتوضى واضل اقرا قران لين اتعب ومن التعب بدون تفكير كبل انام وهيجي يوم جر يوم عازله نفسي عن الكل

تمارا: من يوم دفنو بابا واني حياتي انكلبت صرت الصبح كله نايمه وبليل اكعد التفكير ياكلني شون راح نكمل شراح يصير بينه وضل افكر لين تطلع الشمس وانام
_________

ام مجتبى: اليوم الاربعين مال احمد وليحد هسه اكو نار واجه بكلبي مجاي تطفى بعدني مامتخطيه لسة ذاك اليوم جاي ينعاد ببالي كل يوم اتعس من اليوم الي قبلة ، لبوة طلعي كاسات المي من الثلاجة وخليها بصينيه وانطيها ل اسد
لبوة بعيون منفوخه وحمره من البجي : تمام ، طلعت المي ونطيته ل اسد واسمع مره كاعده يم بابا المطبخ تحجي ويا مره ثانيه وكالبيها كهوه ضحك و شقه ولا عبالك كاعدين ب اربعينيه مال واحد ميت ، طلعت من المطبخ واول ما طلعت سكتن خزرتهن ومشيت انيطت المي ل اسد ورحت يم بيبتي ام ابويه الي كالبته مناحه