يكول #كاظم_اسماعيل_كاطع
زعلان بس يازعل لمن ترد للصدگ گبل المناده اجي
بعدها خلصت المحاضره جان عدنا محاضره ثانيه بعد
نص ساعه
شمس : اني راح ارجع مابيه حيل
لبوة: تمام حياتي ديري بالج على نفسج
شمس : مع السلامه
لبوة: الله وياج حياتي
شمس : اخذت تكسي وبطريقي للبيت خليت راسي
على شباچ السياره و بديت اذكر...
قبل 15 سنه
اذكر بوكتها جنت صغيره جان عمري 9 سنوات
كلشي ما فهم امي كالتلي رايحه اجيبلي اخ راحت هي وبابا ومارجعو انتضرتهم هواي .. بدون فايده ضليت بيت جدي
اشهر وكل ما اسال احد بابا وماما وين ياشرولي على السمه
ويكلولي راحو للجنه ... ضليت هيج فتره طويله بعدين
عمي اخذني بالبدايه فرحت لان راح اعيش ويا بنات عمي ..
بس مع الاسف انتي طفله تعيسه مامكتوبلي الفرح ..
جنت اشتغل خدامه جوه رجل مرت عمي اكرف و امسح و اكنس
وكل هذا وادرس همين ..
كبرت شويه ودخلت متوسط و زاد عليه فوك انو الشغل كله
صرت اقري جهالها.. ارجع من المدرسه تستقبلني مرت عمي
زينب : ولج شمس الهدوم تنتضرج
شمس : صار عمه
زينب : شمس المواعين غسليها
شمس : تمام
زينب: وهاي الهدوم اكويها ورجعيها المكانها وامسحي اخشاب
الاستقبال العصر جايني خطار
شمس: وكذا لي ورا العشه اخلص من شغل البيت يجي
دور ايلاف و يوسف اقريهم بعدها يلا افضى النفسي..
وبعدها من خلصت متوسط وصرت اعداديه صارت
تخليني اطلع اشتغل اذكر مره جنت راجعه من الدوام
دخلت للطرمه جان باب البيت مسدود دكيته اكثر من مره اجت
مرت عمي
زينب: وقزلقرط شكو
شمس : اريد ادخل
زينب: ماكو دخله للبيت اذا ما تاكيلج شغل، تعبت اني
بس اصرف عليج شنو مخلفتج وناسيه
شمس : اول شي انصدمت هي ربع ما صارفه عليه ..
حتى الملابس حسره عليه ملابسها القديمه وملابس بناتها
جانت تشككهن وتنطيني ياهن جنت اكعد اخطيهن..
ومرات اصلا كثر ما شاكتهن مايتخيطن..
خليت جنطي بالكاع يم المرجوحه وطلعت بره البيت
جان اكو براس الفرح دكان وصاحبه رجال عجوز
رحت كعدت يم المحل جوه القمريه بس حتى الشمس لا تلوحني
شافني الرجال
أنت تقرأ
كسرة لَبوة
Romanceمشتاكلك كد غيبتك بس خايف اني بشوفتك تلجم جروحي الغافية مشتاكلك يلنظرتك مدري تزيدلي العلل مدري تردلي العافية مشتاكلك شوك الذي جاسة البرد ليل الشتة وحن السوالف دافية مشتاكلك بس كلي انت بيادرب روحي تجيلك حافية قصة حقيقة ! بقلم الكاتبة: كگــٰاف...
