كسرة لَبوة

بارت39

انه شعرفني بالأشعار ؟
ومن يَمتى صرت مجنونه وأسمعهن ،
سوالف قَيس والحلاج
وأحبيني وكلام الگاله قباني
من يَمتى ضعت اني !
شسَوت عينك بروحي ؟
وصرت هالكثُر متنازل
شسويتلي حتى أقنع بنَظره وصوت ومراسل !
چنت ما أهتم لواحد ،
شجاني ومن وره عيونك صرت عاقل ؟

-شمس

شمس : ب اسبوع كملت كل تجهيزاتي وخطيه لبوة
خطوه بخطوه وياي مااشتريت شي الا واخذ رايها ذوقها
حلو وتفهم..

واليوم اخذتني للصالون حتى احف و اسوي وجهي من هذن
السوالف لان باجر خلاص راح يجي اسد ياخذني انفقنا مانسوي
عرس مجرد زفه وخلص..

لبوة: اخذت شمس للصالون وحفت و سوت تنضيف بشره وشيره
وحمام مغربي وكصو نهايات شعرها وميشت شعرها لون افتح من
لون شعرها بكم درجه هيج لون عسلي طلع يخبل من الصبح
للمغرب يلا خلصنا وصلتها للبيت ورجعت واني هلكانه
تعب ..

شمس : اباوع على شكلي بالمرايه هاي اني مجاي اعرف روحي
شهل جمال ..رجعت للبيت واستقبلتني زينب

زينب : اي عيني وين جنتي دايحه لنصاص الليالي

شمس : شنو يا نصاص ليالي شبيج انتي

زينب : ولج كلبه تعالي اشو

شمس : جرتني من شعري وبدت تملخ بيه صاحت عمي

زينب : تعال شوف بنت اخوك الدايحه شوف ساعه شكد
هاي راح اسود وجهنا يومين ويرجعوها تفشلنا كدام العالم

شمس : هاي شبيج ترا باجر عرسي يعني اكيد راح اتاخر

زينب : عشتو عرسج اكص ايدي اذا ما الولد شابع منج ومتريع

شمس : شدتحجين انتي

زيد: شمس شهل حجي

شمس : عمو شنو شهل حجي
اجا لزمني من شعري

زيد: احجي احجيي كلبه جان عندج علاقه بالولد

شمس : يجر بشعري بقوه ويحجي كمت ابجي ماكدر انكر
وماكدر احجي واكول اي بس ابجي

زينب : شوف شوفف ماتكدر تكول شي

شمس : لزمني شبعني كتل