كسرة لَبوة

البارت 8

‏"إنّها الأيام التي يبدو فيها كل شيء غريبًا، كُل شيء ليسَ مفهومًا، كُل شيء يتعذّر شرحه."

قبل يوم ...

ضرغام: خضليت كاعد يم قبر ابويه فتره وراها قريت الفاتحه وطلعت رجعت للبيت وبوجهي لغرفتي قفلت الباب خليت راسي عل جربايه ضليت مده طويله احاول انام بس مكدرت
فجاه اجاني اشعار ..

ميس : ضرغام وينك ؟

ضرغام: موجود

ميس :ضرغام شوف عندي موضوع وياك

ضرغام: اي كولي

ميس : شوف ضرغام انت هواي مقصر وياي هاملني حيل لا تهتم لاتسال لاتخابر واربع وعشرين ساعه ضايج وادور مشاكل من جوى الكاع

ضرغام: اي يعني ؟؟ وضحي اكثر

ميس : يعني مجاي تحس نفسك مقصر وياي ؟؟

ضرغام: لا لان تعرفين ضروفي وليش اني هيج
لان ماتغيرت لان صرت ماحبج او شي بس صارتلي ضروف وانتي ادره بيها

ميس: اي اوكي بس هم كافي يعني هاي الضروف ما خلصت

ضرغام: وتاليي هسه شتريدين فضيني اريد انام

ميس : تعرف شنو اريد ؟

ضرغام ؟؟

ميس: اريد شي واحد وهو ننفصل

ضرغام: نعم؟

ميس : اي ضرغام مثل ما سمعت اني هذا اهمالك ماتحمله اني ماكدر ابقى ويا واحد مثلك ميهتم بيه ما يقدرني

ضرغام: اي خوش

ميس : اي فلذالك اني اجوني خطابه قبل اسبوع اني ماكتلك لان جنت ناويه ارفض بس انت كولش زودتها ف اليوم راح انردلهم خبر انو احنا موافقين

ضرغام: خوش

ميس : بس كلي هيج سهل عليك اتبيع حبنه

ضرغام: مثل ما سهل عليج ف اي عليه هم  سهل
لمهم هي كلمتين اسمعيهن زين

اول شي لو انت صدك حابتني جان عذرتيني كلتي الولد هذا ابوه ميت ماصارله كم شهر والمصايب جاي تطشش فوك راسهم منا ومنا خلي اصبر عليه فتره ليما يجمع نفسه ويوكف على رجله بس انتي بالمقابل شسويتي ؟؟ ها كوليلي شسويتي رحتي انخطبتي

ميس: مو مو انخطبت بس راح اوافق

ضرغام: ميهمني المهم فرصه سعيده باي
طلع يمي يكتب قبل لا ادز الرساله حضرتها

دخلت على اليوتيوب وكبل على اكثر اغنيه جانت حتوصف
الي امر بيه هي اغنيه قصير عبد الجبار / افراكك