بسم الله الرحمان الرحيم
*
السلام عليكم ورحمه الله وبركات
★___________________________★
عودة الي الماضي
عمر يمة لازم نسوي هيج لو والله يكتلون ناصر ذول ماعندهم ضمير
يمة اختك عمرهة 8 سنوات وين تنطيهة فصلية
وهمين الي راح تنطيهة الهم مانعرف شبيهم ماشبيهم
عمر خلص نطيهة يعني ننطيهة
نسرين جنت اسمعهم بس ماجنت فاهم ليش امي تبجي ماجنت فاهم اي شي جاعد يصير
وبلية وضحاها اخوي عمر اخذني ووداني على بيت مليان زلم جنت ادحك بوجوهم
اشوف نضرات الكره والبغض رغم اني ماعرف هذول الناس
ولزمني واحد منهم ذباني بين نسوان كالت وحدا منهن انتي من اليوم خدامة البيت
نسرين ليش اني شمسوية
المرة لا انتي مامسوية شي بس اخوج هوة المسوي
كعدت بذاك البيت ثلاث سنوات اهاين وذل هاذا كلة ماهمني بس الي همني اهلي ما سئلو علي ماكالو
بنتنة شصار بيهة بعد مرور 3 سنوات
دخلت وشفت العائلة مهوسة وناس تطب وناس تطلع ماهتميت كملت شغلي ورحت للغرفة الصغيرة الي نطونياهة
كعدت واني افكر شبيهم سمعت دك الباب كمت فتحتة
تعالي يريدونج
نسرين ليش
اني لو اعرف ما تصفنت بوجهج يلاة بلا لغوة زايدة
نزلت واني افرك اصابعي شكو عمي شصاير كالو تريدني
اي حضري نفسج بسرعة
رحت ركض عبالي اهلي جو ياخذوني بس خابت ضنوني لمن انطوني بيد زلمة جبير وكال
هاي فصليتكم شنو
اخذني واني غاركة بتفكيري مادري شجاعد يصير اكو سيارت وزلم مسلحة واني مثل الطرش بالزفة
استقبلتني مرة اول مافتت وهية تبجي
ومرة جبير تصيح ودكول جبتو كتالة ابني
نسرين شنو عمو والله اني ماكتلة احد احسة لزم ايدي وكالة ام علي معليهة
عوفيه
والله اذا ماندمهم على دعمة ابني
نسرين بنفسهة جنة بمشكلة وصرنا بسوء
دلوني على مخزن صغير ودخلوني بي وقفلو الباب بلشت اشتغل ببيتهم
مثل ماجنت اشتغل قبل لا وهنا اسوء
بعدين عرفت ابنهم داعم ابن ذول وجابوني هنا
ابو محمد البنية صغيرة وعيب مخليهة يمنة وهية ماتقربنة
محمد لازم واحد من اخوني يكتب كتابة عليهة
صلاح اني اكتب عليهة
نسرين كتبنة كتابنة جان طيب وياي يعاملني كني بنتة ومامنقص علي شي حتى جان يساندني
جبت منة نورس وبعدها ايمن وجبتج انتي وراج احمد
وخلاني اكمل دراستي جنت انطي خارجي فخلصت بقة بس كلية
بعد مدا مات اخوهم الي جان بغيبوبة
ام محمد تخبلت وكالت يطردوني من البيت بالاول رفضو بعدين خيرتهم يا اني يا هية بالبيت
فختارهوا جنت مصدومة لمن حتى الطفال رفضت تاخذهم. اخذتهم واخذت جناسينة محمد ابو صكر
كتلة سالفة اخوي هوة عرف وين اهلي وداني يمهم
المن وصلت خلق اخوني تكلبت عبالك مو رايديني بالبيت عشت تحت ضل مهاين نسوانهم و ابوي وامي ما عرضو
بعد ماجبت كوكب وهايد
كملت دراستي
جانت نورس تساعدني بتربيتكم
كملت وتخرجت
بعد مدا ماتت امي بس قبل ماتموت انتطني كلادة واسوار ذهب وكالت انو هيا مجان بيدهة اي شي
ابوي اخذني على بيت
وكالي هنا راح تعيشين انتي وجهالج واني حاجيت صديقي حتى يعينج بصيديليتة
تعرف يابوي بيوم وديتوني وانطيتوني فصلية وماسئلتو علي واليوم شمرتوني همين بس احلف بعد هاذ اليوم لا انت ابوي ولا هذول اخوني
واني اتبرة منكم ليوم الدين
طلع من دون مايرد
انا هنا ماعرفت شسوي الخذلان من اهلي ومن زوجي
ومن كل شخص بحياتي قررت ما استسلم وتعينت بصيدلية وبلشت اشتغل صح الراتب جان قليل بس
دبرت اموري جانت نورس تساعدني بكل شي بالطبخ بتربية الجهال وجانت تدرس
ونتي تعرفين الباقي
يمكن لو رجع قبل بوكت جنت راح اسماحة بس حالين مستحيل
نجوم اسمع امي تحجي ولا ارادين كمت ابجي
نسرين لا تبجين اني ماحجيلتج حتى تبجين بس حبيت تعرفين ليش اني ماراح ارجع لبوج
نجمة شنو من كلب اب هاذا مو اب
نسرين لا تحجين هيج اني مالومة امة جبرتة بعدين هوة غريب واهلي الي اقرب منة الي نسوني
يلاة عندي شغل كايمة
نسرين بنفسها ربي سامحني لين ماحجيتلهة كلشي
نجمة صار بكلبي كره اكبر واكبر تجاهم
_______________
★طبعا لهنا وينتهي بارتنة انتضرونا بالجزء 8★
±تسوير ومتابعة فضلان وليس امرا±
