بسم الله الرحمان الرحيم ♥
السلام عليكم ورحمه الله وبركاته ♣
$_________"قصة بقلم مايا دوان ♣
هايد بعد ذاك اليوم المفروض نرجع نلتقي بيوم الجمعة الجاي واليوم اثنين
رحنة على المدرسة كل عادا بس مثل ماتوقعت الكل بلش يسئلنة على جماعة الاضباط
والبنات يستفسرن ما نطيتهن وجه اخذت كوكب وصلت يم باب الصف وكلت اذا تردن من خلالنة تسون علاقات
لاتحاولن لين احنا ماعدنة علاقة وياهم من الساس
طلعت واني متنفرزة لزمتني سندس بنص الطريق
سندس يابة هاي عدجن هيج جكليت وما كلتن
هايد ترة كلمة الخ اوديج ورة الشمس افتهمتي
سندس شبيج هيج ترة ماكلت شي بس والله سوة موقف وياج اني لو بمكانج الزمة من رجلة وايدة حتى لايعوفني
هايد اي همزين انتي مو اني
كوكب هوب هوب كاف
سندس اي والله كاف بس ترة اشاقة
هايد ادري بس متعصبة من باقي البنات ماجانن يكعدن يمنة
هسة بس يريدن يحجن ويانة
سندس علمود ابن عمجن
كوكب وشنو احنا واسطة
سندس اي امشن خلي نروح على الحانود لين ميتة جوع
هايد يلا قبل لا يرن الجرس
سندس شوفي شلون تعدل مزاجهة ورة ماجبنة سيرة الكل
كوكب ههه
كوكب مر الاسبوع سريع رجعنة العصر يوم الخميس لين اول ثلاث ايام نروح الصبح نرجع الضهر واليومين الباقيات نروح الضهر نرجع العصر
رجعنة حضرنا كل وحدة ملابس الي نروح بيهن
صار المغرب نزلنة ساعدنا امي بالعشا بس هايد كلشي مسوت لين كلشي متعرف
امي مدللتهة ماتخليهة تمد ايدهة على شي بس احنا تشغلنة عبالك مو بناتهة بنكلادش جايبتنة
صبينة العشة تعشينة غسلنة موعين ورحنة نمنا
فهد مضينة اسبوع بالدوام رجعنة جدي كال مشتري مزرعة على اطراف السليمانية
وعازم اعيال عمي صلاح هناك رحنة جيكنة المكان لكينة سلوان حاط اثاث ومنضفينة
هدا كملنة البيت راح ابوي جاب كوما مسواك فواكه
وخضار ولحم دجاج وسمج ولحم احمر وحبشكلات
انواع حلويات و كارتون اندومي لين هايد تموت علي وعمي صلاح جاب طليان حتى يذبحهن جوة
رجليهم خطية شكد فرحان من يوم الي شاف عمتي هاي حالتة البتسامة مامفارقة وجهة ابد
