اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
☄️ نيويورك ، الولايات المتحدة الأمريكية☄️
نيويورك ... العاصمة الاقتصادية للولايات المتحدة و العاصمة الثقافية والإقتصادية للعالم ، هاد المدينة الأمريكية المشهورة بكونها الأكثر تأثيراً في المجالات تاع التجارة والمال، والإعلام والفن والأزياء، والعلوم والتكنولوجيا والتعليم والترفيه والسياحة و زيد و زيد ، كلشي خدام ماكينش الوقت فين تحك راسك ، ها الانفليونسوز فالسوشل ميديا ،ها الموظفين ، ها أرباب العمل و رجال النفوذ ، ها الطلبة ، ها اللي كيدوزو السطاجات ... اللي عندو و حتى اللي ما عندوش ، المهم كلشي مزاحم و عايش باللي قسم الله .
فواحد الابارطومو وسط المدينة مع جوايه التسعود تاع الليل ، كانت واحد البنت طالقة شعرها الشهب المتوسط ، دايرة ماسك لوجهها ، و لابسة كسوة صيفية تال الركبة بالغوز مع طالون كحل ، و شابو داير بخيط فالغوز و نظاظر تاع الشمس ، حطات باليزتها قدام الباب .. هادي سوسن
في جيهة أخرى من الابارطومو وحدة ثانية كتجر فباليزتها جيهة الباب ، لابسة شورت تاع جين فالكحل و ديباردور فالكحل و فوق منو جاكيت فالخزي و تاهي سبرديلة فالكحل ، و جامعة شعرها المارو شفنجة و مع هو قصير بقا ليها شي شعر طايح .. هادي ابتسام
خرجات عندهم الثالثة جارة باليزتها و جامعة شعرها كودشوفال و ضاربة صالوبيت دجين تحت منها تريكو نص كم بيض مع سبرديلة فالبيض .. هادي منى
منى: واجدين ؟ (دارو ليها براسهم آه) سوسن:متأكدة ما غنتعطلوشي؟ ابتسام: دوزي دوزي يلاه حنا هاد الوقت اللي جينا فيه ندوزو على دار البيلوط و نوصلوه معانا للمطار
مشاو البطلات دياولنا شدو طاكسي و صلو لمطار نيويورك الدولي ، واحد من أكبر مطارات نيويورك لقاوه مسطوكي ، الزحامات الدنيا عاااامرة
سوسن حيدات النضاضر:هادو كاملين غاديين للشينوا؟ ابتسام:كل واحد فين غادي مسافر منى دارت عند ابتسام: ياك كنا مخططين نمشيو لهاواي! سوسن خرجات عينيها في منى : كيفاش لهاواي؟(دارت عند ابتسام) ا لعايلة قول شيحاجة ابتسام قلبات عينيها :لما سكتيني من ديك الشمالية تاعك ، غا درت فيكم خير أما كون راكم شادين الطيارة للمغرب منى : انا الوقت عندي هو الوقت ، والكلمة هي الكلمة و هاواي هي هاواي ،انا بغيت وسط مناسب للاستجمام. سوسن رضات نضاضرها و دارت : ايوا تانا غنمشي للشينوا ولا بناقص ابتسام جراتها : تي ريحي غنمشيو للبهاما سوسن:شني هاد البهيمة؟ ابتسام جبدات التيلي و بدات توريهم : غا شوفي را بحال هاواي و حسن كاع من الشينوا منى: اكسكوزي موا ... انا حاطة فلوسي باش نسافر فينما بغيت ابتسام: نتي باغا تولي مديرة اعمال زعما و ناقصة خمسة فالمية من اللي خاصك تحطيه للسفر ندوي ولا بلاش؟ سوسن: دابا شني المعمول انا حمقاتني الباهاما ..
