فاحدى المنظمات العالمية للاستخبارات و وسط جو الخدمة و الصقيل و ما كيتسمع غا الكليك على الكلافي ، دخل واحد الشاب بينا فيه حالة عميل مرسم لابس لبسة بيضة و هاز واحد اللوحة الكترونية و كيجري جيهة ، واحد باينة فيه هو الرئيس تاعو لابس كومبلي كحل ، وكيشوف فيه بعينيه الكحلين بكل برود..
المساعد شاد اللوحة و كيوريه : سيدي .. الأقمار الاصطناعية تاعنا شدات حطام طائ...
الرئيس كتافى بانه يهز ليه ايديه بهدوء كاشارة باش يصمت و مشا غادي للمكتب تاعو و السطاجير تابعو ، تموضع على الكرسي تاعو بكامل ثقة و عطاه الامر باش يتكلم .
المساعد : الأقمار الصناعية شدات حطام طائرة ابوكاليبس الأولى في الضفة الجنوبية من لازورد واش نرسلو القوات؟
الرئيس بقا ساهي دارت ليه طن فراسو ناض بالزربة خرج من المكتب و مشا يجري جيهة العمال و دوا فالميكرو
الرئيس : كلشي يراجع المنطقة الجنوبية من لازورد داباااا!
كلشي ولا كيقفقف خلاو كاع خدمتهم و مشاو جبدو بالبيسيات تتبع الأقمار الصناعية للمنطقة اللي مطلوبة
العميل1: سيدي كاين حطام طائرة ابوكاليبس بالقرب من المنطقة العميل 2: و لكن هادشي مستحيل ما حلقت تا طائرة اليوم بالقرب من لازورد العميل 3: و مستحيل تدوز بلاما يبلغونا الحراس من غير انها منطقة ممنوعة العميلة 4: مايكونش زعما شي خطأ في الأقمار الصناعية؟ العميل 1: نتي بعدا غا امراة اش كتعرفي؟ غا سكتي
الرئيس دار خنزر فيه و هو يتخلع
العميلة 4: سيدي حنا كلنا عارفين باللي آخر رحلة لابوكاليبس كانت خمسين عام هادي قبل ما تختافى
الرئيس بقا كيشوف بعدم استيعاب ،كيفاش فلتات ليه هاد القضية تاع اختفاء ابوكاليبس من بالو
الرئيس: جبدو ليا اي حاجة متعلقة بهاد الرحلة الأخيرة... داباااا!!!
العميل5: سيدي ... آخر اقلاع لطائرة ابوكاليبس كان قبل خمسين عام للبهاما في شهر يوليوز نهار 10، بحيث كانت ضامة اكثر من 280 شخص بطاقم الطيران و المضيفات السطاجير : و حسب اقوال الناجيين ، بقاو ربعة الأشخاص فيها بصحبة رضيع ما كيتجاوزش 9 شهور، هوما اللي ختفاو مع الطائرة
العميل 1 خدم واحد الشاشة كبيرة قدام كلشي كانو فيها تصاور المختفين كيبانو كلما دوا على شيواحد فيهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
