☄️عند ابتسام و علاء☄️
ابتسام:شنو زعما
علاء:صدفة انه العالمة و الاشارة وصلو للمغرب في وقت متقارب!؟
ابتسام سكتات : شنو دابا نمشيو نقلبو على العالمة و لا ݣلاكسار؟
علاء: انا جاتني هاد القضية تاع العالمة عندها علاقة بهاد الموضوع
ابتسام:حنا ما عارفين تا سميتها كيغانديرو تانلقاوها؟
علاء : غنتبعو الاشارة تاع جهاز ݣلاكتريك ... ما يمكنش لشي مخلوق فضائي يجي لهنا من دون اي مساعدة
ابتسام:زعما ديك العالمة اللي مفرݣعة الدنيا مالقات ما يدار قالت ليهم حقا نخلي اف بي آي ولا منعرف سي آي إي تقلب عليا باش تصفيها ليا و هزات خوه و خاطرت بحياتها زعما الانسانية اللي فيها قالت ليها هربي بيه ليقت...
علاء هز فيها عينيه كيتسناها تكمل
ابتسام:زعما هي اللي تكون مخبية داك لاخور؟و باش عرفناه خوه ماشي شي واحد اخر؟
علاء: الا لقيناها معناتها لقيناه تاهو اكيد غتكون عارفاه فين كاين حتى الا ما كانش معاها
ابتسام: و تقدر تلقا لينا شي حل تاحنا الا شكينا عليها (دارت عند ݣلاكتريك) حنا مستاعدين نعاونوك باش تلقا خوك
علاء شاف فيها و هي تخنزر فيه : شنو بغيتينا نخليوه يقلب عليه يصفيوها ليه .... ما عندكش الخوت ما غتفهمش .... سير جري فيق الدريات
علاء:علاش!؟
ابتسام:غنتحركو دابا ... يلاه فازي فازي را غنتحللو ليهم هنايا فهاد القنت(مشا)
ݣلاكتريك: كنشكركم بزاف
☄️عند منى و ابتسام☄️
دخلو للبيت اللي كانو فيه عياو ما يقلبو على دوك الثلاثة والو يلاه بغاو يفيقو السي مصطفى و مرتو تم جاي علاء باغي ينقز من الشرجم
سوسن: منى منى ميسيو العمراني هاهو جا
منى جات عندو:فين هي ابتسام و سوزان
علاء هز تقاشرو لاح الساك لسوسن و خرج من البيت كيتسلت: لبسو دغيا فرجليكم غادين نمشيو دابا
تاهوما مازادوش معاه منى قالت ليها اللي يقولها مسيو العمراني هي اللي كاينة ، سوسن هزات الساك تاع سوزان و خشات سبرديلة ابتسام فرجليها ،منى نفس الحاجة لبسات سبرديلتها و هزات الشابو تاع سوسن و خرجات من الشرجم ، علاء بقا واحل كيقلب على فردة تقشيرتو ما لقاهاش دارت عندو سوسن
سوسن:مسيو العمراني خفي رجليك
علاء ضار عندها:كيفاش؟
سوسن:زعما بزربة
علاء خشا سباطو فرجليه بانو ليه السوارت تاع هوندة تاع سي مصطفى هزهم و مشا كيدفع في سوسن باش تخرج من الشرجم : quickly
سوسن :حشووومة ا ميسيو....
علاء دفعها:بغيتي ابتسام تركبني في كرويلة؟
سوسن:علاه نتينا كتعرف الكرويلة؟
علاء جرها معاه لجيهة الهوندا تاع سي مصطفى :طلعي (طلعات و هو ديمارا غادي فين خلا ابتسام)
☄️عند ابتسام و منى☄️
ابتسام بعد ما عاودو لبعضياتهم كاع اللي عرفوه: علاش ما يكونوش كيقلبو على هاد مينا حتاش خطفات فضائي و هربات للمغرب... ما كاينينش شي اسرار دولية كثر من هادي!
أنت تقرأ
APOCALYPSE / بالدارجة المغربية
Science Fictionحـــــــــصــــــــــــريـــــــا و بقلمي أورفيسيا +ﾟ.｡ أبوكـــالــيـــبــــس ｡.ﾟ+ ༒☬𝐀𝐏𝐎𝐂𝐀𝐋𝐘𝐏𝐒𝐄☬༒ "قــلَّ صـبــري علـى زمــانِ غـيــر زمــنـي .... وخُـطــوبٍ ألــبَـسَــنْــنَـ...
