APOCALYPSE / بالدارجة المغربية

🪐PART : 4🪐

منى مغمضة عينيها بالدوخة: ابتسام واش متأكدة باللي قريب للبلاصة اللي لقانا فيها را ربعة السوايع بالحساب و حنا باقي ما وصلنا

ما كاينش جواب ... حلات عين وحدة لقات كولشي تكرشخ حال فمو ناعس سوسن حالة فمها و معنزة و سوزان الصغيرة قتلها الصهد كاملة عرقات علاء خشا وجهو فالجاكيط تاع ابتسام و حاط ضهرو على الهوندا و رجليه طاويهم مزاحم مع الدلاح و ابتسام مقابلة معاه ناعسة واقفة و خاشية دراعها بين الحديدات الغلاضات تاع الهوندا و راسها محدور مخبي على الشمس ... سكتات و رجعات غمضت ديك العين جوج دقايق اتا دور مول الهوندا الفولو بجهد خوا على واحد الرموك و مول الرموك تاهو طلق داك الكلاكسون عندو و جاي مزروب عوج ، كلشي نايض مشقق ، كلشي نايض مفرݣع كيلتاقط فالانفاس تاعو و الشمس كتحرق فيهم اتا فرانا عوتاني كلشي تهز و تحط

مول الهوندا: تاشتك جاي طاير ياكما كاين باس؟
مول الرموك:وا نتا اللي جاي تقرقش علينا هنايا طييييط .... طييييط طييييط
مول الهوندا: انا ما عايرتكش دابا
مول الرموك: و تا سير الله طيييييييط طيييييط طييييط
ابتسام: هادا مالو شتو شعل غا بوحدو على الراجل مسكين
علاء: he crossed the lines
منى: اويلي كيكيخسر الهدرة
سوسن: ا وعدي راه هابط ماجي للراجل مسكين
ابتسام هبطات كتجري: ياكاخو شيباس ماكاين
علاء كيطل عليها: اش كتدير هادي؟
منى:ابتسام ماشي ابتسام الا ما دارت ايديها
مول الرموك: ا سييييري اديك المرا قبل ما نخلي عشتك
ابتسام:حررررررربش تقيصني يامن مخزز السنان لاخور يال(كلام في منتهى الجمال و الرقة)
مول الرموك :وا حيدو من الطريق
ابتسام:واش الطريق تاع باك غا قول ليا واش الطريق تاع باك .... و سيييير قلب ساعة بختها لقيتيه شارف بغيتي تغدا بيه
علاء: تتتتتتت ... شينهار غيوقع شي مشك...
منى:ناري شرݣات ليه الپنو تاع الرموك
سوسن: ا وعدي كيكاتعطيه العصا
علاء:منين جابت الحجرة؟
منى شدات فراسها:ياكما ناوية تهرس ليه الجاج ... ويلي دارتها بصح
سوسن: وهانتي نمشي تانا نتعلملي الكراطي بحالها
ابتسام:طلع ا الحاج دغيا ديماري
مول الرموك: يال طيييييط طييييط دابا تشوفي

مول الهوندا طلع ديمارا و ابتسام تلاحت اللور مع خوتها الهزة اللي غيهز مول الرموك راسو لقاهم طارو ما نزلو ، ما وقفوا تال من ورا نص ساعة وقفو قدام واحد البلاصة ما كيشوفوها غا فالافلام تاع ميريكان القديمة ، طاغي عليها الطابع الغربي ، داكشي تاع رعاة البقر ، و ثيران و الاحصنة في الاسطبلات ، و الكرويلات يتشايرو قلال فين تلقا عندو شي طوموبيل ، و اللي لقيتيها عندو عول عليها حديدة مصدية ، و الشمس طنطييينة و بنادم كيدور عادي ما ناقصو خير

منى:لا لا كيفاش واش الميكسيك متأخرة تال هاد الدرجة ؟
سوسن:انا في بالي عاملة هايدة غا فالافلام القديمة
علاء:ولكن حنا في لازورد اللي كاينة فالمغرب

منى هبطات كتسوس فحوايجها و علاء تبعها و لكن بقا واقف حدا الهوندا

سوسن:بسومة نطلبك؟
دارت عندها ابتسام: شنو؟