البوليسي: الطوموبيل هادي روشيرشي
علاء دار عند ابتسام
ابتسام:كيفاش روشيرشي؟ الشاف انا لقاني غا فطريق طلبتو يوصلني انا و صحاباتي مافخباري لا روشيرشي ولا موشيرشي
علاء دار عندها: كيفاش؟
ابتسام هبطات: الشاف تا الا بغيتي دير معايا اجراء تسنا نفيق صحاباتي حنا را ما درنا والو
علاء شاف فالبوليسي: غا قول ليا شنو هاد روشيرشي؟
البوليسي: يعني مطلوبة للعدالة البوليس كيقلبو على هاد الهوندا
علاء ضرب طليلة على الجاجة تاع الجنب بانت ليها الطشطوشية طلعات تقفز فالدريات: يعني كيقلبو علينا تاحنا؟
البوليسي هز براسو بصمت
علاء مازادش معاه: ايوا نخليهم يكملو خدمتهم
و ديمارا هربان ابتسام اللور تشقلبات على منى سوسن ناضت عينيها حولين ، ابتسام هزات راسها لقاتو مكسيري و تابعاهم طوموبيلة البوليسي بدات تويل و تندب و خشات راسها تال عندو : اش درتي ا مسخوط الواليدين
علاء: ماسمعتيهش قالك حنا روزيرشي كيقلبو علينا، حنا شكون اللي غنوقفو خدمتهم؟
سوسن:ا وعدي البوليس ماجين ورانا
ابتسام: اويلي اميمتي على اخر اياماتي نولي نضرب العدس بلا عطرية فالعكاكش
☄️ عند ليث☄️
ليث كيدوي فالتيليفون و معصب كشاكشو خارجين: كيفاش هربو للبوليس؟
لاح تيليفون بجهد على الارض تا تهرس حدا رجلين خليل اللي هاز طابليط و كيشوف فيه ، من نهار طاحت ابوكاليبس فالمغرب و هو على هاد الحال تاحاجة ما بقات كتفاجأ خليل فهاد السيد
خليل:محدنا عرفنا الوجهة تاعهم علاش ما نسبقوهمش ليها؟ غنبقاو تابعينهم بهاد الشكل المزري؟
ليث تنفض من بلاصتو : وجد الطوموبيل .... و الفريق حتى هو
خليل كتافا انه يهز راسو بايجاب و تكلم مع نفسو: و لكن علاش الفريق ؟
☄️في مطار محمد الخامس☄️
المطار كيسفر مع هاد الوقت نزل الطيارة اللي ضامة طاقم عمل الفيديرالية الامريكية من رئيسهم اوس لمساعدو و مقتفين الاثار و قوات الامن المسلحة و اعضاء الشرطة العلمية ستقبلوهوم السائقين هكاك الطوموبيلات كيتسناوهم على البرا غا الفريع و خارجين غا تيتيز الزعر على خوه لابس الكلاس و غادي جيهة طوموبيل... منهم نيت اوس اللي ستاقر فطوموبيل هو و المساعد تاعو كارلوس
أنت تقرأ
APOCALYPSE / بالدارجة المغربية
Ciencia Ficciónحـــــــــصــــــــــــريـــــــا و بقلمي أورفيسيا +ﾟ.｡ أبوكـــالــيـــبــــس ｡.ﾟ+ ༒☬𝐀𝐏𝐎𝐂𝐀𝐋𝐘𝐏𝐒𝐄☬༒ "قــلَّ صـبــري علـى زمــانِ غـيــر زمــنـي .... وخُـطــوبٍ ألــبَـسَــنْــنَـ...
