☄️عند ابتسام ☄️
ابتسام مشات كتجري قتاحمت عليهم الدرجة اللولة لقاتها خاوية بحالها بحال درجة رجال الأعمال و الدرجة السياحية الممتازة ، اويلي واش هادو طارو و خلاونا حنا هنايا نموتو ، شوية علات راسها بانت ليها واحد مضيفة طيران ، لا بلاتي جوج ، اويلي ثلاثة ، اناري ستة ، شت كاع ليزوطيس معمرين هنا ، تحركات شوية القدام بانو ليها كيحاولو يهدنو واحد خونا ، ضارب الحطة كلاس كومبلي فالكحل ، عينيه زرقين كيبريو و شعرو شهب ، تشوفو تقول هادا هو الراجل ، و وراه جوج صعاصع دايرين النضاضر كحلين و لابسين الكحل ، غا شافوني قربت ناضو تمو جايين جيهتي
ابتسام بالانجليزية: محتاجين مضيفات طيران في الدرجة السياحية
مضيفة 1: سمحي لينا عندنا حالة طارئة حاليا
ابتسام : و شناهيا بالسلامة هاد الحالة الطارئة؟
مضيفة 2: مدموزيل ما كتشوفيش السيد بانيكي
ابتسام بالدارجة : لحاسات الكابة قولو تجمعتو عليه على فلوسو و خليتو الناس يموتو بالخلعة
دار عندي داك الشهب مصدوم و بقا كيشوف فيا
ابتسام بالدارجة : مالك؟ و بقا تحنزز (قرب واحد من دوك الصعاصع) مالك تانتا و الله تا نمحط خويا را عندي الصمطة الكحلة فالكاراطي و طاطا جيستي و زيد كنلعب البوكس قيسني و تش....
مضيفة 2 بالانجليزية : مدام بليز خرجي راه كتشكلي عائق
ابتسام بالانجليزية: ياك ا ختي ؟ ... جايين حاضيين ليا هادا و كادبين على ناس حقا تسد علينا الباب
مضيفة3:. مدام عافاك
ابتسام: مدموزيل الله يخليك ا مدام ، و ما تقاطعينيش ولا غنتلاح عليك من هنا ، سمعتيني و لا لا ... ما بقاتش فيكم الانسانية يخ تفو..
الشاب بالانجليزية : انا ما بقيتش مرتاح هنايا ، ديوني للدرجة السياحية
تلاحت عليه وحدة من المضيفات : ميستر كون هاني راهم خداميين بالاوتو بيلوط .
الشاب بالانجليزية : انا راني حاجز كاع المقاعد فالدرجات الثلاثة اللولين باش ناخد راحتي .. هادا كيتعتابر استهتار من الخطوط الجوية تاعكم
المضيفة 5: ميستر العمراني هاحنا غنجيبو الباراشيت و...
ابتسام تمات جايا جيهتهم و شدوها لي ݣارض
ابتسام: اييه هي الا جبدتي البراشيت دابا نيت و عتقتي عباد الله
الشاب بالانجليزية لدوك لي ݣارض : خليوها فحالها
ݣارض 1: ولكن مستر...
الشاب: اششش (دار عند ابتسام) مدام
ابتسام: مدموزيل
الشاب قلب عينيه و دوا معاها بالانجليزية : مدموزيل ! كنتمنى لك رحلة سعيدة (شاف فالمضيفات) جيبو الباراشيت
ابتسام بالانجليزية : والناس الآخرين؟
الشاب بالانجليزية: ما كيمهنيش
ابتسام شنقات عليك و تلاحو عليها ليݣارض
ابتسام: واش ما كاينش فقلبك ذرة تاع الرحمة و الإنسانية ، شنو زعما عندك الفلوس تعتق راسك بوحدك ؟ شنو ذنب دوك الناس مساكن؟
الشاب شاف فيها بغرور: ما عندهمش الفلوس او لا ما واصلينش لمستواي العالي !
أنت تقرأ
APOCALYPSE / بالدارجة المغربية
Ciencia Ficciónحـــــــــصــــــــــــريـــــــا و بقلمي أورفيسيا +ﾟ.｡ أبوكـــالــيـــبــــس ｡.ﾟ+ ༒☬𝐀𝐏𝐎𝐂𝐀𝐋𝐘𝐏𝐒𝐄☬༒ "قــلَّ صـبــري علـى زمــانِ غـيــر زمــنـي .... وخُـطــوبٍ ألــبَـسَــنْــنَـ...
