سبينا من كلام الناس (مكتملة)

الفصل الرابع

حضنته وحضنتهم كلهم وودعتهم ومشيت ..مشيت وقلبي واجعني ركبت العربية وسوقت انا اصلا مبحش اسوق بالليل بخاف..بس اعمل اى فى مخي بس شغلت قران عشان اهدأ ومشيت فجأة عربية وقفت قدامي واعترضت طريقي خلتني اضرب فرامل بسرعة
لقيت رجلبن ضخام خارجين وجايين عليا اتخضيت وقفلت لوك العربية وانا مرعوبة وهما عاملاين يخبطوا ع الازاز وفجأة ظهر كريم زي ما بيظهر في حياتي دايما ومسكهم بالشومة وضربهم بس كانو اتنين وضخام ضربوه جامد وانا اتخضيت وصوتت وخرجت من العربية بسرعة وهما اول ما وقع فى الارض افتكروه مات وانا كمان ركبوا عربيتهم وجريوا ..وانا جريت عليه وكان متبهدل متكسر فعلا عيطت وانا بقوله :كريم ..قوم يا كريم انا اسفة والله ..اي اللي جابك ورايا يا كريم حرام عليك اللي يتعمله فيا دا والله حرام
بس مكانش بيرد شوفت نبضه وكان ضعيف سحبته من درعاته براحة عشان الاسفلت وحاولت اطلعه العربية ..وحطيته ع الكنبة اللى ورا وقفلت الباب ..بصيت لقيت عربيته ورا مفتوحة روحت عندها وركنتها على جمب واخدت المفاتيح وركبت العربية ورجعت البلد وانا بسوق بسرعة وقلبي بياكلني لو مات مش هسامح نفسي ولا جدي هيسامحني ..قعدت اعيط وانا بقول يا رب لا ياا رب وصلت المستشفى وناديتهم بسرعة جم اخدوه ع الترولى وانا ركنت العربية وطلعت جري ووقفت استنى وانا بدعي ربنا يستر ويفضل عايش ..انا مش هستحمل بجد ..خرج الدمتور بعد ساعة ونص..
وقفت وقولتله بلهفة':ها يا دكتور طمني

الدكتور بأسف : للاسف اخد خبطة جامدة فى عموده الفقري عملتله شلل ..بس ان شاء الله ممكن بالعلاج الطبيعي يخف ..بالاضافة عنده كسر فى ايده وغرزتين في دماغه ..نبضه كان ضعيف بس هو اتعدل دلوقتي الحمد لله ..وهيفوق بعد شوية حاولوا تكونوا جمبه عشان حوار الشلل دا هيصدمه اكيد وهيقعد فترة مش عاوز يتعالج ربنا يقويه ويقوي أهله عن اذنك

قال كل دا وانا مصدومة مش مصدقة دموعي نزلت وقعدت اعيط بوجع انا عمري ما اذيت حد بالشكل دا ..مامته هتعمل اي لما تعرف ان ابنها حصله كدة بسببي ..ولا جدو ؟ هو بنفسه اللى جابني ..وانا بسببي ابنه الوحيد بقا عاجز ..قعدت اعيط وانا بقول اللهم اجرني في مصيبتي ..سمعت صوته وهو بيزعق مع الممرضة وقلبر وجعني دخلتله بسرعة
:يعني اي ؟ اتشليت ؟!...اي الهزار البايخ دا وبصلي لما دخلت وضحك بوجع وبيقولى :تعالى شوفي الهبل دا يا دكتورة ال اتشليت ال ..قوليلهم حاجة الاغبية دول ..هو اه مش حاسس بيها بس تلاقيها منمله من. الضرب بس..مش صح يا ليان
بصلي والدموع فى عينه وانا مش قادرة ابصله حتى الممرضة خرجت وانا قعدت ع الكرسي وحطيت ايدي على وشي وعيطت ..مش عارفة اعمل اي انا السبب ..بصلي وقال بهدوء والدموع لسا متحجرة فى عينه : متعيطيش دا قضاء وقدر ..وبعدين ..وبعدين انا راضي والله راضي
عيطت اكتر وانا عملاة اعمل راسي يمين وشمال ..وهو زعق فجأة :,كفااااية عياط قولت اسكتي
سكتت فجأة مزعلاش من زعيقه ..بالعكس انا سيبته يطلع كل اللى جواه من وجع فيا ..كفاية انه كدة بسببي
قال والدموع نزلت من عينيه:اي دلوقتي بتعيطي عشاني ..اه سوري ..انتي بتعيطي عشان نفسك عشان جدك اللى جابك من بلد عشان يشوفك تكوني سبب فى ان ابنه الوحيد يبقى كدة هاا ..ولا امي اللى اعتبرتك بنتها ..هتشيلك اللوم واخواتي والناس كلها صح ...مش دا اللى هامك كلامهم ...كلام النااااااااس هو دا اللي بيفرق معاكي لكن كريم يولع ..دا عيل دا مراهق ..دا معرفش اي ..يولع كريم عشان بس الناس ..فأنا بقول لسيادتك متتعبيش ضميرك انا لا شوفتك ولا شوفتيني عادي كنت ماشي بالعربية طلع على شوية حرامية خلصنا ..متخافيش مش هجيب سيرتك يا  دكتورة اتفضلي روحي القاهرة و انا كويس متشغليش بالك ولو انى اشك انك شاغلة بالك بيا اصلا ..قال اخر جملة بسخرية
بصيتله ومعرفتش اقول اي ..انا فعلا فكرت. كدة ..انا طلعت وحشة اوي بجد بس انا اتوجعت عشانه مفيش. حاجة تخليه انه يدافع عني او يجي ورايا غير انه بيحبني بجد ..زفرت بألم وقولتله :انا اسفة جدا اسفة على كل حاجة عارفة ان اسفي مش هيصلح حاجة ..مس عارفة اقول اي بجد ..غير اسفة وشكرا وعيني دمعت ..شكرا انك كنت مالي عليا حياتي وكنت ببقى مطمنة عشان عارفة انك موجود حتى لو استخبيت منى بس انا كنت بلمحك ..شكرا انك حاولت وشكرا انك فى عز زعلك مني دافعت عني ووقفت جمبي ..كريم صدقني انا مش هناسبك انا وحشة وحشة اوي وانت شخص كويس ونضيف تستاهل واحدة شبهك ..انا مش شبهك يا كريم صدقني ..عارفة ان مش دا وقت كلامي ولا مكانه ..بس يا عالم هتشوفني تاني ولا لا ..عاوزة اقولك اهتم بنفسك واتعالج بسرعة عشان اهلك عشان والدتك واخواتك ووالدك ..انت عندك ناس كتير بتحبك وعيلة بتعتبرك رقم واحد ..وانا معملتش اى حاجة من دي صدقني انت تستحق حد احسن مني مش انا ..ربنا يوفقك فى حياتك ويريح قلبك ..ويجعلك الخير ليك ..وهقولك كمان مرة اني اسفة جدا على كل مرة قابلت حسنتك بالسيئة ..ربنا يسعدك مع اللي تسعد قلبك وخلي بالك من نفسك قولت كدة وجريت على برة دفعت حساب المستشفى وكلمت جدي مقدرتش اسيبه كدة لوحده ولما اتأكدت انهم جم مشيت بعد ما سيبتله حاجته فى الاستقبال عارفة ان جدي مش هيسامحي ولا حد من اهله بس انا فعلا وحشة عشان كدة ربنا اخد كل اللى بحبهم عشان مأذيهومش ..روحت بيتي وقعدت فيه مخرجتش قعدت شهر مش بخرج قفلت تليفوني وكل حاجة توصلني بالعالم وفضلت قاعدة في اوضتي وانا ببص على صور بابا وماما واختى واحنا صغيرين كلهم سابوني لوحدي ...ايامي كانت مملة ووحشة اوي كنت بعيط من تأنيب الضمير عرفت من المستشفى وقتها ان كريم قعد تلت ايام وبعدين خرج ومعرفش اخبار تاني خوفت ..مش هقدر اشيل الذنب لكتر ما انا شيلاه دلوقتي ..اصحابي جم من فترة وثعدوا يخبطوا ع الباب كنت برد واقولهم اني بخير. ومحتاجة اقعد مع نفسي ومع الحاحي كانو بيمشوا ..كلو مشي مفضلش غيري ..اتنهدت بوجع وانا بمسح دموعي ونمت للمرة اللى معرفش عددها كام صحيت على صوت خبط جامد حسبتهم صحابي فقمت بملل اتأكد بس اتفاجأت ب.........

بووووووم خلص البارت مستنية رايكم

متنسوش الفوت
و الصلاة على رسول الله ❤

دمتم فى رعاية الله💛🌹