صل ع النبي وتبسم
فوت ياعسل
ياسين : ومين قالك انها بتحبك
كريم : انا عارف من غير حاجة
ياسين : يا كريم اصلا ليان اختى
كريم : وهى كمان بتعتبرك اخوها اعتبرها كدة علطول بقى
ياسين : لا هى اختى حرفيا ... انا راضع معاها اصلا .. ومتفقة معايا اعمل المسلسل اللى عملته دا عشان نتعرف و عشان اعالجك اصلا
كريم بصدمة : اي!!!
ياسين ببهوت: ايييييي
كريم: انت قولت اي
ياسين بتنهيدة: بص انا مش بيبل فى بوقي فولة.. فهو بصراحة كدة هى البت اصلا همها عليك وخلتني اعمل مسلسل عشان.. بس انت مش عندك دم اعمل اى
كريم: هنتحاسب لما اشوفك المهم هنبدأ أمتى
ياسين بابتسامة وهو يلعب بقلمه: من بكرة لو حابب
كريم بابتسامة: تمام.. بس زي ما قولتلك مش عاوز حد يعرف
ياسين بخبث: يبقى اسمعني انت هتق.........
كريم بابتسامة: اوك
______
فى غرفة سمير وسمر
سمر تبكي: هيسافر فين بالمنظر دا يا سمير ازاى توافق بس
سمير بتعب: سبيه على راحته يا سمر.. هو مبقاش صغير يمكن ربنا يهديه ويفكر فى العلاج.. سبيه هيسافر يومين تلاتة ويرجع
.....
بس للاسف اليومين بقوا اسبوع والاسبوع بقا شهر والشهر بقا سنة... وكل دا محدش يعرف عن كريم حاجة
_____
فى منزل ليان
ليان: يا ياسين انا هتجنن مش معقول يختفي فجأة كدة من غيرمببرات.. هيسافر يومين وكل دا انا قلبي واجعني عليه اوي بجد
ياسين بتنهيدة: هيرجع يا ليلو متخافيش... اكيد ليه عذره
ليان بعصبية: عذر اي يا ياسين ماما سمر تعبانة جدا فى غيابه.. مش كفاية رجعوا البلد من شهر وسابوني لوحدي.. و جدو سمير كمان
ياسين: ان شاء الله خير يا ليان.. احنا بردو منعرفش بيمر بإيه
ليان بشك: انت عارف مكانه يا ياسين
ياسين بارتباك: هعرف من فين.. لا طبعا معرفش
ليان برجاء: ياسين لو عارف و مخبي قول ارجوك.. عشان لو فى مشكلة نحلها
ياسين بتنهيدة وهو يخفض عينه: كريم تعبان اوي يا ليان... انا كنت فاكر انه محتاج كام جلسة علاج طبيعي و يبقى تمام.. بس الامر طلع اكبر من كدة... عرضت عليه انه يقولكم انه مسافر وهأجرله شقه فى اسكندرية وهعالجه هناك.. بس بعد التحاليل والفحوصات... حالته كانت صعبه.. كان لازم عملية... عملناها بس منجحتش.... وهنا حالة كريم بقت اسوأ.. رفض تماما انه يتعالج.. وفضل حابس نفسه شهر... لحد ما حاولت اقنعه وبدأنا علاج طبيعي بس مكنش فيه اي فايدة.. جسمه مكنش راضي يستجيب.. بكى ياسين هنا وقال والله حاولت يا ليان والله
أنت تقرأ
سبينا من كلام الناس (مكتملة)
General Fictionلم أُرد سوا أن أكون سعيد وسعادتي تكمن بين مُقَلتيكِي 🥺💛🌎
