صلوا على رسول الله
واعملوا فوت
وكومنت جميل
رايكم يهمني
وروحت وانا وامل علطول ناقر ونقير كدة ..فتحت باب الشقة لقيت تحته رسالة ؟!
رسالة رميت المفاتيح ع الكنبة وقعدت افتح الرسالة لقيتها من اخو جدي ؟ جدى اصلا مات ومكنش عنده غير ابويا وابويا مات هو كمان عاوز اي اخوه
فتحت الرسالة وكان المضمون( ازيك يا بنتي انا اخو جدك سمير الوافي ..انا تعبان اوي يا بنتي ومريض قلب والدك كان سايبلي وصية ليكي انتى بالذات كان بيحبك اوي الله يرحمه كان دايما يقول ليان حتة من روحي ..راح وروحه لسا موجودة فيكي🥺💛 .. نفسي اشوفك انت واختك وأملى عيني منكو دا انتو ولاد الغالى ابوكي مكنتش عمه دا احنا كنا اخوات عشان قرابة السن ...يا ريت متحرجنيش يا بنتي وتيجي ..كان نفسي اشوف يارا كمان بس عرفت انها برة مصر ربنا يسعدها ويسعدك ويرزقك باللى ينور قلبك مستنيكي يوم الاتنين وانا عارف انك اصيلة بنت اصلة ومش هتكسفى جدك ..مع الف سلامة يا عيون جدك )
اي دا؟! مش فاهمة اي اللى فكره بيا دلوقتي ...وبيثبتني عشان اروح ...انا معرفهمش عشان اروح ليهم اصلا ...انا فاكرة ان بابا زمان كان بيحكي عن جدو سمير دا لان اكبر منه بسنتين ..كانو مع بعض فى نفس المدرسة وكانو اصحاب جدا ...بس بردو اي سبب يفكروا بيا دلوقتي ..انا معرفوش فقررت اني مش هروح
وكعادتي اللى مش بنفذ كلامي اصلا روحت 🙂 انا كدة انسانة متخلفة اقولك مش هعمل واعمل ..صراحة الفضول اكلني اعرف اي سبب انه عايزني واي الوصية دي
كنت واقفة قدام البيت هو ماشاء الله حاجة اورجينك زى ما بيقولك فيلا متوسطة كدة وبوابة وغفر و جو واعر جوووي هههه قلبت صعيدي اهو ...
روحت لعمو البواب وقولتله بتوتر : ازيك يا عمو انا ليان حفيدة جدو سمير ممكن ادخل
الراجل بصلى وقعد يضحك مهو صراحة مش طريقة اتكلم بيها دي دا انا ولا عيلة عندي ٥ سنين
اتعصبت صراحة وقلبت ع الوش الخشب : فى حاجة يا اخينا عشان تسخسخ كدة ...هو انتو جايبني هنا تهزأوني ولا اى
الراجل اتعدل لما لاحظ جديتي وقال : مقدرش ادخلك يا استاذة هروح اسئل الباشا لو صح هدخلك مش يمكن تكوني حرامية ..ومشي من قدامي
وقفت ابص للشارع وانا ببرطم : بلا وكسة دى منظر واحدة حرامية ..راجل مبيفهمش وانا اللى احترمته وقولتله يا عمو فى الاول ..على راي المثل سكتناله دخل بحماره
جيه الراجل بيجري وهو بيقولى بأسف : انا اسف يا هانم .. الباشا مستنيكي جوا
باشا وهانم اي جو حريم السلطان دا بصيت للراجل بثقة كدة ..اصل هو صراحة استفزني لما قعد يضحك على كلامي ودخلت ...وايوا بقى ما شاء الله جينينة ونافورة وحاجة كدة العب يا جدعان فى مرجيحة احيييه ...هو مينفعش اخد لفة وبعدين ادخل للى اسمه جدو دا
أنت تقرأ
سبينا من كلام الناس (مكتملة)
قصص عامةلم أُرد سوا أن أكون سعيد وسعادتي تكمن بين مُقَلتيكِي 🥺💛🌎
