سبينا من كلام الناس (مكتملة)

الفصل السابع

صلوا على من ستدرككم شفاعته يوم الدين محمد وعلى اله وصحبه اجمعين ❤🌎

فقالت : لا يا جدو مش بفكر فى الكلام دا دلوقتي

قال سمير بجدية:امال هتفكري امتى ؟
ليان انتى كبيرة مش صغيرة وواعية البنت بيجي عليها سن يا حببتي ومش بيتقدملها حد وبعدين ياسين محترم واخلاق وتربية ..وجدع ..انا مش بغصبك بس فكري بهدوء ومتضيعش الفرصة هو حابب يقعد معاكي الاول و بعد كدة ابقى حددي وصدقني انا عمري ما هختارلك الشر

تنهدت وهر تنظر لطبقها بألم لا تدري مصدره وقالت بهدوء: اللى تشوفه يا جدو

ابتيم سمير بسعادة وقال :خلاص هبلغ ياسين وبكرة يجي وتقعدوا مع بعض واللى في الخير ربنا يقدمه

اماءت برأسها دون رد وقالت:انا شبعت الحمد لله عن اذنكم

وفجأة سمعوا صوت ارتطام قوى فى الارض

نظروا جميعا وجدوه كريم الذي كان يحاول الجلوس على كرسيه المتحرك ووقع ارضا

جريت عليه امه وسمير وهنا وجنى  وصدمت ليان

وضعوه على كرسيه فقال بصوت يملاءه الالم :هنا وديني اوضتي

سمر :اوديك انا يا عيون..

قال كريم بحده :قولت هنا لو سمحتوا

هنا بسرعة وهى تمسك كرسيه: خلاص يا متما هوديه انا محصلش حاجة

واخذته الى غرفته واغلقت الباب

الجميع يعلم ان هنا هى قطعة الماسية لكريم فهنا تعلم كل شيء عنه

قال سمير بحزن وهو يقوم : تعبت منه مش راضي يتعالج بعد ما العملية منجحتش قولتله جرب علاج طبيعي وبردو مفيش فايدة لا حول ولا قوة الا بالله العلي العظيم

وذهب الى غرفته واغلق الباب

ذهبت ليان للغرفة وارتدت ملابسها وخرجت بعدها قائلة:انا ماشية يا ماما

سمر من الداخل :استني يا بنتي رايحة فين انتي كمان

ليان وهى تذهب سريعا حتى لا توقفها: مشوار مهم ومش هتأخر

ركبت سيارتها وذهبت للبحر ذلك المكان الذي تستريح فيه كانت حركة الامواج مضطربة كحركة مشاعرها
لما البكاء !! وجدت الدموع تهبط من اعينها حسرة على ما وصلت اليه لا تريد خسارة عائلتها ولا خسارته ولا تريد الزواج لقد تعودت على عائلتها الجديدة لا تستطيع الاخلي عنهم والبحث عن عائله جديدة انها تكتفي بهم لما القدر بتلاعب بقلبها كما الدمى

بكت بحرقة وهى تدفن وجهها بين كفيها لقد سئمت كل شيء مشاكل الناس ومشاكلها والظروف والحياة سئمت كل شيء

شعرت بيد توضع على كتفها نظرت بخضة وجدتها جنى تبستم لها بحب وحنو وهى تحتضنها :مالك يا لي لي بتعيطي لي سا عيوني والله ما حد يقدر يعملك حاجة غصب عنك

صدمت ليان قبل ان تبادلها الاحتضان وهى تبكي :هو لى كل ما حياتي تتعدل تيجي حاجة تخربها يا جنى انا تعبت

ربتت على ظهرها وهى تقول :مفيش حاجة هتخرب يا عيوني كل حاجة هتحصل زى ما انتى عاوزة ما حدش هيجبرك كان مين سي يا سين دا عشان ينزل دموعك

ضحكت من بين دموعها على تلك الشقية

وقالت وهى تبتعد وتجفف دموعها : ماما سمحتلك تيجي لوحدك ازاى وعرفتي مكاني من فين صحيح

ابتسمت وهى تخبط على وجهها :شت نسيت انا اصلا جاية مع كريم وهنا ركبنا تاكسي وجينا وشاروت فى مكان قريب :هما هناك اهو  ..وعرفت مكانك ازاى انا معرفش كريم بيحب يجي يقعد هنا فجبناه وجينا ولمحتك فجيت اشوفك..استني اروح اناديهم وضربتها فى كتفها بخفة :امسحي دموعك يا امال ..دا اللى يزعل ليان اسوحه واخد اعضائه

ضحكت ليان بخفة على تشبيهها وهى تمسح على وجهها :فظيعة يا جنى ربنا يحفظك والله

ذهبت جنى واحضرت اخواتها الذين ابدو اعتراضتهم اولا وجاؤا على مضض

لاحظت ليان ذلك وام تحب ان تسبب لهم احراجا فقالت : هروح اشتري حاجة وارجع علطول

وغادرت سريعا

نظرت جنا لهنا بضجر :عجبك كدة اهي سمعتك

هنا بغضب وهى تجز على اسنانها :كىيم جاي يشم هوا انتى تروحي تقوليلها اننا نيجي لي مش فاهمة هو الواحد خلاص اتمنع من حريته

جنا بضيق :انا مش فاهمة انتى مبتحبيهاش لي ..فتحت لنا بيتها وبتعمل كل حاجة عشان راحتنا ولو فكرتي هتلاقى اننا اللى اقتحمنا حياتها مش هى وهى مرحلة بدا

هنا وهى تنظر للبحر بضجر : والله دا واجب عليها مش بتجبي علينا يعني

جنا وهى تمسكها من كتفها بغضب :انا مش فاهمة انتي بتكرهيها لي حرام عليكي

هنا وهى تزيح كفها بغضب اعمى :عشةن هى السبب فى كل اللى احنا فيه (نظرت جنا بصدمة ) ايوة مستغربة لى هى سبب حادثة كريم وهى سبب ان اخونا يبقى مشلول وهى سبب اننا ندفع كل حاجة عشان نعالجه وفى الاخر بيتنا عشرة عمرنا يتاخد رهن ..هى سبب كسرة ابوكي وعينه اللى مبتترفعش وهو عارف انه عايش في بيتها ومش قادر يوفي مصاريف عيلة كاملة اللى هى بتستركه الدفع من غير ما هو يعرف بس هو عارف ومش قادر يتكلم ...هى سبب حسرة امك ووجعها وعياطها كل ليلة وهى بتقول با رب هى سبب كل اللى احنا فيه عشان بس كلام الناس  خلى الناس ينفعوها هى اصلا متستاهلش كر...

كريم بغضب عارم وصوت عالى :هنااااا كفاية حرام عليكي بقا ..كفاية ..انتى من امتى بقيتي كدة ..هاا هى مش واجب عليها تستحملنا علفكرا ..والحادثة مش بسببها هى مطلبتش مني اجري وراها فى عز الليل ..وخسارة البيت مش بسببها هى مش سبب اى حاجة انتى غلط يا هنااا ..دمعت عينه وهو يقول :انا السبب ..هى مطلتش مني احبها ولا طلبت مني اجري وراها ..ولا طلبت مني اى حاجة ..واحدة غيرها كانت قالت انا مالى وكانت اتصدفتنا يوم يومين وبعدين قالت مش هتشوفوا مكان ايجار او كانت عملت اى حركة تبين انها مش عاوزتنا نقعد عشان هى مش واجب عليها تستضيفنا اصلا يا هنا ..لكن هى جريت وصرفت وجابت عفش وشاركت فى فلوس اكل وبتعاملنا بترحاب وعمرها ما اشتكت ..مكنتش اعرف انك بالقساوة دي خذلتيني

واخذ كرسيه والتفت عندما راى ليان التى تقف خلفهم والدموع تسيل من عينيها وتنظر لهم  بوجع وحسرة وفجأة....

بوووم خلص الفصل

متنسوش الفوت 🙈
والمتابعة 😍
والصلاة على رسول الله صلى الله عليه وسلم 💛🌎