THE ENDLESS LOVE || ʙᴀꜱᴇᴅ ᴏɴ ᴀ ᴛʀᴜᴇ ꜱᴛᴏʀʏ ❬ Completed ❭

CHAPTER 18

Me "ඉක්මනට එන්න හරිද" කියලා මම කියද්දි ගෞරව් මගෙ නලල ඉබලා ටවල් එකත් අරගෙන බාත්රූම් එකට ගියා... ගෞරව් එතනින් ගියත් එක්කම මට ඊයෙ රෑ වෙච්ච දේවල් එකින් එක මතක් වෙන්න ගත්තා... ඒ වෙච්ච දෙවල් නිසා අපේ බැදීම තවත් ශක්තිමත් උනා වගේ මට දැනුනා... සෝෆා එක උඩට කලුල් දෙකත් අරගෙන ටිකකට ඇස් පියාගන්නවත් එක්කම මට නොදැනිම මාව නින්දට වැටුනා.... මගේ යටිපතුලෙන් සීතල ගතියක් දැනෙනවත් එක්කම මගේ නින්දෙන් මම ඇහැරුනේ මගෙ කකුල් දෙක දිහා බලන ගමන් මම ආයෙත් දැක්කෙ මගේ කලුල් දෙක උඩ ඔලුව තියන් කදුලු පෙර පෙර අඩන මගෙ අහිංසකයව...

Me "අනේ මැනික මොකද මේ ආයෙත් අඩන්නෙ"

Gauraw "මට දුකයි සුදූ... ඇස් දෙක පියාගත්ත ගමන් මගෙ හිතට එන්නෙ ඊයෙ රෑ වෙච්ච දේවල්... ඔයාගෙ කදුලු දකිද්දි මට වාවන්නෑ රත්තරනෙ... මට සමාවෙයන් මැනික..."

Me "බබා මම කිව්වනෙ ඒක ඉවරයි දැන් හිතන්න එපා ඒකම ගැන... කෝ එන්න" කියලා මම කිව්වෙ ඇලවෙලා ඉන්න තැනින් නැගිටින ගමන්... බිම වාඩි වෙලා ඉන්න ගෞරව්ගෙ මූනට මූන බලාගෙන ඉදගත්ත මම ගෞරව්ගෙ කම්මුල් ආදරෙන් අතගාන ගමන් එයාගෙ සිනිදු තොල්පෙති සිපගන්න පටන් ගත්තෙ එයාව සන්සුන් කරන්න පුලුවන් සහ එයාගෙ දුක අඩු කරන්න පුලුවන් ඒකෙන් විතරයි කියලා දන්න නිසා... මම ඒ හාදුවෙන් පුලුවන් තරම් මගෙ ආදරේ ගෞරව්ට දැනෙන්න දුන්නෙ මොන දේ උනත් මගේ ආදරේ කිසිම අඩුවක් වෙන්නෙ නෑ කියලා ගෞරව්ට ස්තීර කරන්න.... ඒ සුන්දර වගේම දිග හාදුවෙන් පස්සෙ අපේ පැටලුනු දෙතොත් ලිහෙනවා එක්කම මගේ කන් දෙකට දුකින් පිරිච්ච ගෞරව්ගෙ කටහඩ ඇහුනා...

Gauraw "මැනික මාව දාලා යනවද,ඔයා මාව දාලා ගියත් මම මොකුත් කියන්නෙ නෑ... ඒත් යනවා නම් මට කියලා දීලා යන්න ඔයා නැතුව ජීවත් වෙන විදිහ "

Me "මම එක සැරයක් කිව්වා නේද බබා... කවදාවත් මොන දේ උනත් මම උබව දාලා යන්නෙ නෑ... කොහොමද මම උබව දාලා යන්නෙ... බලන බලන හැම තැනම උබේ රූපෙ මැවෙද්දි, ගන්න හුස්මක් හුස්මක් ගානෙ උබේ සුවද දැනෙද්දි, ඇහෙන වචනයක් වචනයක් ගානෙ උබේ කටහඩම මගේ හිතේ දෝන්කාර දෙද්දි, ගෙවෙන හැම තප්පරේකම හිතේ අස්සක් මුල්ලක් නෑර උබේ ආදරෙන් ඉතිරෙද්දි කොහොමද මම උබව දාලා ගිහින් උබේ ආදරේ නැතුව තප්පරයක්වත් ජීවත් වෙන්නෙ...
මැනික... ආදරේ කියන්නෙ නිකන්ම අකුරු හතරක් නෙමේ කියලා මට කියලා දුන්නෙ උබ... පොත්වල ලස්සනට ලියවිලා තියෙන ආදරේ කියන්නෙ කොච්චර ලස්සන හැගීමක්ද කියලා මට කියලා දුන්නෙ උබ... මම කොහොමද එහෙම ආදරයක් පොඩි රන්ඩුවක් නිසා නැති කරගන්නෙ...."