اخترتك من الناس للقلب خله🤍

البارت ٤

بالمستشفى بقسم الطوارئ كان وضع العائلة متدهور  اخوان ريم كل واحد يسوي نفسه قوي وهو منهار داخلياً

عبير منهاره وتبكي : نوف لايصير فيها شي تكفين روحي لدكتور شوفي وش صار
نوف اخذت نفس : عبير هدي وخذي نفس ومو صاير لها شي ان شاء الله وربي يقومها بالسلامه بس انتي هدي وريحي نفسك
سعود : خلوها تهداء شوي وجيبي لها مويه
خالد: انا طالع
عزيز: وين ؟
سلطان: اتصلتو على اهلنا
سعود: ايه جايين
خالد : اذا جو نادوني تلقوني بالممر
سعود: ابشر
عزيز: خالد انا معك بروح
خالد: يلا
نوف بعد ماجابت المويه وهدأت عبير شوي
طلع الدكتور وشاف ان سعود اكبر واحد وناداه على جنب
سعود : عسا ماشر يادكتور صاير شي
الدكتور: اخذتك لان انت الكبير وراح تكون واعي وتفهم انا شقاعد اقول
سعود: يادكتور شصاير
الدكتور: ريم صار فيها نزيف داخلي وانقذناها الحمدلله
سعود: الحمدلله ربي يوفقك يادكتور
الدكتور: لكن عندي شي بقوله لك
سعود : وايش هذا الشي
الدكتور: احتمال اذا صحت ماتقدر تمشي
سعود : لا اله الا الله لاحول ولاقوه الا بالله
طلع سعود من غرفة الدكتور وهو ضايق ووجهه قالب ولقاء اهلهم  وعزيز وخالد مجتمعين
ام سلطان: ياسعود تكفى قل مافيها شي ياسعود تكفى تكلم وطمنا
سعود: مافيها شي ان شاء الله وراح تكون بخير بس
نوف: ياسعود لاتلعب بأعصابنا تكلم
سعود: بس لما تصحى ماتقدر تمشي
صعب على ام سلطان وابو سلطان وعيالهم ونوف وعائلتها تقبل ان ريم تكون معاقه وكان خبر صادم
وحالتهم كانت مزريه بالمره وصعب عليهم تقبل هذا الشي خالد كان منهار كان يحب ريم وانصدم مره وصعب يتقبل هذا وقعد يقول بهمس لسعود :كيفف وشلون صادق مستحيل
سعود: خالد تعال وراي للممر
سعود: ياخالد اهداء
خالد: احبها ياسعود ومنصدم من الكلام انت صادق ياسعود
نوف: سلام كنت جايبه لكم ماء خالد فيك شي؟
خالد وهو يمسح على وجهه: مافيني شي
نوف: خالد ترا ادري
خالد: بإيش تدرين
نوف: انك تحب ريم
خالد: كيف عرفتي
نوف: ذيك الليله كنت مسويه اكل لكم وسمعت كلامك انت وسعود ذاك اليوم
سعود: اخخ ياخالد كل الديار درت
وبداء يهوجس خالد ويقول:
يّردني عن ما أشتهي شي يانوف
ماهي على كيفي ولا هي بيديني

ظروف تقوانا ونقوى على ظروف
وأحيان مانقوى على الحاجتيني
نوف بنبرة حاده وعيونها دموع: اذا انت تحبها صدق لازم تحبها وهي كذا
سعود : ترا صادقه نوف
خالد مسح على شعره وقال: يانوف احبها بس مااقدر اتقبل فكرة انها معاقه
نوف عصبت :بتتقبل هذا الشي غصب عنك لو انت صادق وتعشقها تحبها زيي ماهي
خالد : كيف بتقبل يانوف كيف!!
سعود: ياخالد ماترا ماهي لعبة اطفال
نوف عصبت و زعلت كيف يقول عن صديقتها كذا: ياخالد انقلع ماتفهم البنت بالمستشفى وانت تقول كذا الله ياخذ العيال يقول انه يحب وهو حتى ذرة حب بقلبه مافي
سعود: اقطعو النقاش وروحو داخل الناس تحتاج وقفتكم وانتم هنا تتهاوشون
نوف: انقلع انت وياه وان شاء الله ريم تصحى ومافيها شي
رجعو نوف وسعود وكان واضح عليهم انه صاير شي وكان التنافر واضح بينهم
ابو سعود: صاير شي بينكم ياخالد؟
خالد: لا والله مو صاير شي
ابو سعود : ليش معاملتكم لبعض متغيره؟
خالد: كل واحد شايل هم ريم والله يايبه نعدها مثل اختنا
ابو سعود : ان شاءالله مو صاير لها شي
خالد: ان شاء الله
ام سعود جايبه لهم ماء: وش تقولون
ابو سعود : ولا شي
كان الكل تعبان ويبي ينام ومواصل عشان يتطمن عليها جاءت الساعه٦ الصباح صحت ريم وكانت دايخه ماتدري هي تحلم ولا واقع ماتدري هي بخير ولا لا  صحت والوضع اشبهه بأنك عايش بحلم تريد النجاة منه وتسمع العالم الواقعي انت لا تشعر بماذا شعرت ريم بتلك الليله لكن اصعب مما نتخيل صعب ان تصحى وانت فاقد قدميك صعب ان تصحى وانت فاقد جزء منك صعب ان تصحى وانت بدأت تعيش حياه اخرى ليست حياتك المعتاده لانعلم ماذا مخبأ القادم لنا لكن نعلم اننا قادرون على تخطي كل شي
ريم حاولت تقوم ولكن ماقدرت انصدمت ريم كيف انها ماتحس برجولها وصرخت بأعلى صوت صرخت صرخة حزن على الم على خوف كانت صرخه ترجف كان شعور ريم صعب وصفه
اجتمعو الدكاتره والممرضين وام سلطان وعبير على ريم
بداء الدكتور يمرر الابره بشويش على رجلها وكانت ريم تصرخ وتقول: يادكتور مااحس يادكتور رجولي مااحس فيهم تكفى يادكتور
كانت صرخاتها سكين على قلب خالد اللي حبها من طرف وعيونه دمعت لا ارادياً
اما ابو سلطان ههه جاه تأنيب الضمير ندم لان كان يعامل ريم اسوء معامله كانت اكثر وحده يضربها حرمها من احلامها اللي بنسبه له بايخه ومايصير لانها بنت كان حلمها السباحه وركوب الخيل صار يقول ياليت وياليت لكن ماتفيد ليت الحين