اخترتك من الناس للقلب خله🤍

البارت٨

ام سلطان : يابنات اليوم عندنا عزيمه تجهزو
ريم :عبير ابي اتصل على نوف
عبير: ايه زين تسوين
_________________
ريم: مرحبا نوف اخبارك طمنينا عنك
نوف: هلا ريم عاش من سمع صوتك والله بخير دامك بخير
ريم: ياحبيبتي اسمعي ترا اليوم عندنا عشاء
نوف: عزيمه ولا عشاء عادي
ريم: لا عزيمه كبيره بمناسبه سلامة سلطان
نوف : سلامات وش صاير
ريم قالت لنوف اللي صار ونوف كانت مصدومه
نوف: تستهبلين وشلوننن
ريم: والله هذا اللي صار الله لايوريك الخريعه
نوف: ياعمري انتن جايه بس مسافة الطريق
ريم : تنورينا يابعد كل الحاضرين
نوف: ياروحي انتي يلا مع السلامه
__________________________
عبير بصوت عالي: ريم
ريم: هلا
عبير: وين البخور
ريم :بالدرج اللي على اليمين
عبير: طيب
ام سلطان: ياعبير المجلس بخريه
عبير: ابشري
ام سلطان: ريم نوف تجي ؟
ريم: ايه ان شاء الله
عبير: ريم شوفي الساعه كم
ريم: الساعه ياحضرة عبير ٢ الا شوي وتصير ٢
عبير: يوه مافي وقت يمه وين المكنسه
ام سلطان: عبير بيتك وشلون ماتعرفين الاغراض
عبير: يوه وربي نسيت
ريم وهي تضحك: عبير وش عندتس
عبير: ايه ايه انتي اضحكي
راحت عبير تكنس الحوش ودخل عزيز
عزيز: عاشت اوخيتي
عبير: تعيش
عزيز: امي وين
عبير تضحك : وانت زيي بعد
عزيز: وش عندتس
عبير: ابد والله بس انسى
عزيز: وين امي
عبير : وش فيك عزيز امي بالمجلس اللي دايم تجلس فيه
عزيز: اخخ راسي يوجعني عندك بنادول
عبير: سلامتك ايوالله تعال
راح عزيز وعبير لغرفة عبير
عبير: سم هذا البنادول
عزيز: عبير خلي البنادول وحط البنادول على الطاوله بجنب السرير وجاب عبير وخلها تجلس على السرير وجلس عزيز على الكرسي
عزيز: عبير ابي اجيب ريم اقول لكم شي
عبير: بسم الله وش فيك خوفتني
_______
راح عزيز للمجلس
عزيز: هلا بأمي الغاليه هلا بالمعزبه اليوم
ام سلطان: ياهلا بك وين اخوك جاء معكم
عزيز: لا شوي ويطلع
ام سلطان: زين دامه يطلع اليوم كويس
عزيز: ريم عبير بالغرفه تبيك تساعدينها
ام سلطان: روحي لاختك وخلي هذا انا اسويه
ريم: ابشري
________
راح عزيز وريم للغرفه
ريم: عزيز عبير لو تبيني كان جت
عزيز: اتنظري شوي
دخل عزيز وريم وعبير جالسه بالغرفه تنتظرهم
عبير: ايه ترا خوفتني
عزيز: جمعتكم هنا ابي اقول لكم شي والله لو احد عرف ياويلكم
ريم: لاعليك ماحد قايل لحد بس ترا خفت صاير شي
عبير: سلطان فيه شي لا سامح الله؟
عزيز: يوه منكن سلطان بخير ويطلع اليوم ومابه الا العافيه
ريم: طيب تكلم
تنهد عزيز: انا احب نوف
عبير ناظرت ريم وضحكوا
عبير: انا من زمان وانا مزوجتكم بخيالي
ريم : اخيرا الخبر المنتظر
عزيز: وابيكم تظبطوني
عبير: افا عليك
ريم: لعبتي
عزيز: كفو عليكن
__________
طق الباب
ام سلطان : يابنات الباب
طلعت عبير من الغرفه : ابشري يمه الحين
فتحت الباب
عبير :ياهلا بنوف
نوف : ياهلا فيتس سبقت اهلي قلت اجي بدري عشان اساعدك
عبير: يابعدهم والله حياك الله بأي وقت
نوف : ياعمري والله
عبير: تعالي معي اشوف لك الطريق
نوف : يلا
دخلت عبير وراها نوف للمجلس وكان عزيز وريم وام سلطان في المجلس
عبير اشرت لنوف انها تتغطى لان عزيز موجود تغطت نوف ودخلو
ام سلطان: ياهلا ياهلا تو نور البيت
نوف : هلا فيتس يالغاليه
عزيز بصوت واطي: بتصير الغاليه عمتك يابعدهم
ريم ضربت كوعها بكتفه بشويش عشان يثقل
ريم تهمس لعزيز: انقلع اطلع يالخفيف
عزيز: يمه انا طالع اذا تبين شي اتصلي
ام سلطان: يعطيك العافيه
طلع عزيز
نوف: ايه اخباركم وابد لو تبون شي انا موجوده واساعدكن
ام سلطان: الا وين امك
نوف: سبقتها عشان اساعدكم وجبت ملابسي واغراضي معي
عبير: ايه احسن شي شلون تجين من الساعه٢ متجهز
ريم: ياويلي انا حسيت بتعب وشلون انتي
عبير: ياريم ترا الدكتور يقول لازم تتعالجين
ريم: مو الحين ابدأ مع بدايه الشهر ابدأ احسن عشان اعرف كم لي
عبير: براحتس
نوف : رايحه اودي اغراضي للغرفه
ام سلطان: عبير غسلي الحوش وافرشي الفرش عشان يجلسون المعازيم بالحوش
عبير: ابشري
نوف: انا معك
عبير: يلا
ريم: انا ارش المويه طلعوني معاكم
نوف : ابشري
طلعن البنات بالحوش وبدأو يشتغلون
وحده ترش الماء وحده تشطف والثانيه تحط صابون
نوف: عبير انتبهي تزلقين مانبي نبلش فيتس
عبير: ابد..زلقت عبير وجلسو البنات يضحكون جابو الفرشات وفرشو الارض
وكان فيه شجره كبيره بالزوايه
ريم: تخيلو لو اليوم قمراء كان جلست تحت الشجره الكبيره
عبير: بنات تصدقون ان الشجره هذي من سكنو امي وابوي العماره؟
نوف: يارب ماتموت
عبير وريم: امين
______________
اذن العصر ودخلن بالمجلس
عبير: ابي اتوضى واصلي
نوف : انا معك
ريم: يلا وانا بعد
راحو يتوضون عند المغاسل وكانو يساعدون ريم اذا احتاجت شي
صلو البنات وراحو للغرفه يتجهزون
عبير: بنات بسرعه مافي وقت نبي نسوي شعورنا ونلبس ونسوي شاي وقهوه والمغرب المعازيم يجون واهم شي تكون وحده جاهزه لو جت وحده تكون هي اللي تقهوي
نوف: زين ايوالله
ريم: طيب
نوف: ياخوفي ام مفلح تجي اول وحده مااطيق اسمع سوالفها
عبير: ايه سوالفها كلها عن ولدها
ريم: الحمدلله انا ماتبيني لولدها
نوف: ابصم بالعشر ان مافيه وحده تتمنى ولدها
عبير: اصلا من تتمنى تصير ام زوجها ام مفلح
ريم: ياتسبدي يابنات
نوف: يلا خلونا نتجهز
رجعو يتجهرون وحده تسوي شعرها والثانيه تكوي لبسها ووحده تغسل وجها
نوف: انا شعري طويل وياخذ وقت وانا اسويه اتعب
عبير: ايه الله يعينك
ريم: ابد والله حياتي صارت سهله من بعد كوايه البخار
نوف: تهبل الكوايه ذي
عبير: بسرعه وانتي كاويه اللبس وماتحتاج احتراف
ريم: يابنات اسمعو ترا من زمان ماطلعنا مكان مع بعض
نوف: ايه صارت علينا ظروف الايام اللي راحت وان شاءالله نطلع مع بعض
عبير: ان شاءالله
ريم: نوف كم الساعه معك
نوف: ٥:٤٥
عبير: يوه مايمدي احط مكياج واسوي شعري والبس الا مأذن المغرب
ريم: يلا مافي وقت والحريم يجون من المغرب
نوف: ايوالله صادقين
عبير: استعجلو بنات
بعد ساعه
عبير: انا خلصت
نوف: انا بعد
دخلت ام سلطان: بنات للان ماخلصتو بسرعه الضيوف بدأو يجون
عبير: خلصنا يمه
نوف: ايه ياعمه خلصنا
ريم : نوف يجنن عليك الازرق مع الشعر والاكسسوارات تجننين
نوف قربت لريم ومسكت يدها: انتي الحلوه طالعه قمر
عبير: ياحلوكم حضن جماعي يابنات
نوف: يلا
حضنو بعض وراحت عبير تسوي القهوه ونوف تسوي البخور و ام سلطان اخذت ريم وطلعت بالحوش
ام سلطان: خليك هنا الحين يجون المعازيم
ريم: ابشري يالغاليه
ام سلطان: وانا بروح اشوف البنات وش سوو
________
راحت ام سلطان وباقي ريم بالحوش تصور طلتها وتصور نفسها
دخل سلطان وعزيز وخالد وابو سلطان
عزيز وخالد وسلطان دخلو بالحوش وكانت ريم موجوده تصور
تورطت ريم مافي احد يساعدها عشان تروح حاولت تدف نفسها
وبذا الوقت اخذ خالد نفس وبينه وبين نفسه: صادق البدر لما قال
"القصايد ماتجيب أقصى جمالك
كل شي فيك يستاهل قصيده"
راح عزيز يحاول ياخذها
ريم : الله ياخذكم مالقيتو تجون الا من باب الحريم
عزيز: وش نسوي
ريم : كان دخلتو من باب الرجال وش يضركم تخيل لو فيه حريم وضيوف
دخلت عبير ونوف معاهم الشاي والقهوه والفناجيل والحلا
وماانتبهت نوف ان عزيز موجود
صارخت ريم : بنات العيال جو ارجعو
وعزيز كان بينقذ اخته وشاف نوف
دخل عزيز ريم وراح
ريم: يابنات الدنيا تدور بسرعه اسرع دوران صار
عبير: ليه وش صار
نوف: وش صاير
ريم: تخيلو اخو نوف شافني بالغلط وعزيز شاف نوف بالغلط
نوف: الدنيا دواره
جو الحريم وبدأت مراسم العزيمه
نوف: عبير الفناجيل غسليهم
عبير: ابشري
ام مفلح: يابنت صبي قهوه
نوف: حاضر
ام مفلح: ايه مقهوجيه زينه ابي اخذك لعزايمي
نوف صبت الفنجال وكبته عليها وقالت: بالغلط بالغلط يوه حصل خير بالغلط
ام مفلح: ايهه بالغلط يالحيوانه انا اوريك شدت شعر نوف
قامو الحريم يفكون نوف من ام مفلح
ام مفلح : حيوانه
ام سعود: والله انتي الحيوانه
ام مفلح: ماراح ازوج ولدي بنتك
ام سعود: مااتشرف فيتس والله وحتى لو خطبتيها ارفضتس
ام سلطان: يااختي محد ميت على ولدتس
ام مفلح: ايه وانتن طويلات لسان
ام سعود: تغلطين علينا وتبين نسكت لا والله ماحنا بساكتين
ام سلطان: تغلطين على بناتنا نغلط عليك هذا اللي باقي
وهم يتهاوشون راحو المعازيم
ام مفلح : وانا رايحه مع اللي راحو ماباقي احد جالس
ام سعود: ولاترجعين
ام سلطان: اخيرا حسيتي انك ثقيله
راحت ام مفلح وسكرت الباب بقوه
____________
بالمطبخ عند البنات
نوف تضحك: تخيلي تنزل من قدري وتقول مقهوجيه زينه تبي تاخذني لعزايمها وانا ابي اخذ حقي وكبيت عليها القهوه وسويت نفسي بالغلط وعصبت وشدت شعري بالقوه
وجو الحريم يفكون وخليت امي وامكم يتهاوشون معها
عبير: ياربي يانوف وربي تعجبيني
ريم: الكوين نوف
نوف: افا عليكم